Jeremías 3:16 - Q'eqchi Bible

¹⁶ Ut naq akaq xexk'ihank ut xexnaab'alo'k sa' li tenamit, maajun chik taa'aatinaq chirix li xLoq'laj Kaaxil li xSumwank li Qaawa'; maajun chik taak'oxlaq chirix a'an ut ink'a' taapatz'manq chi moko taa'ak'ob'resimanq chik, xb'aan naq ink'a' chik taa'ajmanq ru -chan li Qaawa'-.

Li Santil hu

¹⁶ Saꞌ eb li cutan aꞌan nak acak xextam ut nak acak xeꞌtam le̱ ralal e̱cꞌajol incꞌaꞌ chic tex-a̱tinak chirix lin Lokꞌlaj Ca̱x, chi moco te̱cꞌoxla, chi moco ta̱cꞌanjelak che̱ru, chi moco te̱yi̱b jalan chic.

Jeremías 3:16 ပူးပေါင်းရင်းမြစ်များ

Ezequiel 37:26

Tink'ojob' jun li sumwank rik'ineb' re naq te'wanq sa' tuqtuukilal ut sa' sahilal chi junajwa. Tink'eheb' chi wank sa' li xna'ajeb', tink'ihob'resiheb' ut aran tink'ojob' linsantil ochoch chi junwaakaj.

Isaías 65:17

“K'ehomaq reetal, tinyoob'tesi jun ak' choxa ut jun ak' ruuchich'och'. Maajoq'e chik taajultikamanq li k'aru xk'ulmank ut ink'a' chik tink'e sa' inch'ool.

San Mateo 3:9

ut meeb'alaq'i eerib' chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

Jeremías 31:8

Laa'in teb'ink'am chaq sa' li tenamit wank sa' xjayal releb'l iq', ut tinch'utub'eb' li wankatqeb' chaq sa' xmaril li ruuchich'och'. Rochb'eenaqeb' chaq eb' li mutz' jo'wi' eb' li yeq roq, eb' li ixq li wankeb' sa' yu'am ut eb' li ak xe'alank: jun nimla teep li te'sutq'iiq chaq wik'in.

Jeremías 30:19

Ut aran taa'ab'iiq li b'ichank re b'anyoxink ut li japok e xb'aan li sahil ch'oolejil. Teb'ink'e wi' chik chi k'ihank toj reetal te'naab'alo'q; maajoq'e chik te'tz'eqtaanaaq, xb'aan naq tink'e wi' chik xloq'aleb'.

Isaías 61:4

Toja' naq te'xyiib' wi' chik li najteril po'lem, te'xkab'la ajwi' eb' li mayeril ochoch; te'xwaklesi wi' chik eb' li juk'b'il tenamit jo'wi' eb' li ochoch li ke'juk'mank junxil.

Isaías 60:22

Eb' a'in jun ch'ina ch'uuteb' chi tenamit, ab'an te'pukanq chi k'iila o'q'ob'; ut sa' jun ch'ina teep taa'elq jun nimla tenamit q'axal kaw rib'. Laa'in li Qaawa' tinb'aanu chixjunil a'in chi junpaat naq taawulaq xq'ehil”, chan li Yos re li tenamit Jerusalén.

San Mateo 1:11

laj Josías a'an xyuwa' laj Jekonías jo'wi' xyuwa'eb' li riitz'in, a' naq ke'k'ame'k Babilonia.

Sofonías 3:11

“Sa' li kutan a'an ink'a' chik tatxutaanaq chirix li ink'a' us xab'aanu we, at intenamit, naq xaq'etq'eti aawib' chiwu, xb'aan naq twisiheb' aawik'in li q'etq'eteb' jo'wi' li neke'xnimob'resi rib', ut ink'a' chik taanima aawib' sa' linsantil na'aj.

Amós 9:9

Tink'eheb' chi poqleek laj Israel xb'aaneb' li k'iila tenamit, jo' na'uxk re li triiw sa' li chiq'leb'aal, chi maajun t'orol li ru nat'ane'k chiru ch'och'.

Jeremías 31:27

Li Qaawa' kixye chi jo'ka'in: “Taawulaq xkutankil naq te'tamq wi' chik eb' li poyanam ut eb' li ketomq sa' xteepal Israel ut Judá.

Jeremías 7:4

Meeb'alaq'i eerib' chi xyeeb'al: Arin wank rochoch li Qaawa', waayi' li rochoch li Qaawa', a'in li rochoch li Qaawa'!

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Ezequiel 15:5

Wi maak'a' na'ok wi' naq toj jun chi che', ma toja' ta chik naq ak xk'atmank. K'a' chik ru taa'ok wi' li che' a'an naq ak x'oso'k xb'aan li xam?