Jeremías 3:14 - Q'eqchi Bible

¹⁴ Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Li Santil hu

¹⁴ Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Jeremías 3:14 ပူးပေါင်းရင်းမြစ်များ

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Jeremías 3:8

kixk'e reetal naq kintz'eqtaana laj Israel, laj q'etol aatin, ut kinjach wib' rik'in, xb'aan chixjunil li maa'usilal kixb'aanu. Ab'an laj Judá, laj b'alaq', ink'a' kixutaanak ut ki'ok ajwi' a'an chi xb'aanunkil li maa'usilal.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 10:22

Us ta laatenamit, a Israel, q'axal naab'aleb' jo' xk'ihaleb' li xsamahi'ul li palaw, ab'an yal jun ch'ina ch'uut aj chik te'sutq'iiq chaq. Ak xaqxo xkutankil li xsachb'aleb' re naq wanq li tiikilal chi junwaakaj.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Isaías 17:6

aran junes roq awimq aj chik taakanaaq. Taak'ulmanq jo' naq najiliik li ru eb' li oliiw chi che': wiib' oxib' aj chik nakanaak chiru li xmisik', kaahib' malaj oob'aq li ru natawmank chiru li xche'el”, chan li Qaawa', li xYos laj Israel.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

Isaías 31:6

Ex ralal xk'ajol laj Israel, sutq'inqex chaq rik'in li q'axal xexnajto'k wi' naq xeq'et li raatin.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Jeremías 31:6

Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

2 Crónicas 30:6

Jo'kan naq eb' li xtaql li awab'ej ke'xb'eeni chixjunil xteepal Israel ut Judá chi wank rik'ineb' li hu tz'iib'anb'il xb'aan li awab'ej ut eb' li xjolomileb' li tenamit, ut ke'xpuktesi resil a'in: “Ex ralal xk'ajolex laj Israel, sutq'inqex wi' chik rik'in li Qaawa', xYos laj Abrahán, laj Isahak ut laj Israel, ut A'an taasutq'iiq eerik'in, jarub'ex xexkole'k sa' ruq'eb' li awab'ej re Asiria.

Isaías 27:12

Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.