Jeremías 3:1 - Q'eqchi Bible

¹ “Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Li Santil hu

¹ Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Jeremías 3:1 ပူးပေါင်းရင်းမြစ်များ

Ezequiel 16:26

Katmaakob'k rik'ineb' laj Ejiipt, laawechkab'aleb' li numtajenaq aj muxul ixqeb', ut rik'in a'an kachiq' injosq'il.

Jeremías 4:1

“Wi taawaj sutq'iik chaq, a Israel, -chan li Qaawa'- wik'in laa'in tento tatsutq'iiq chaq. Wi taakanab' xloq'oninkil li jalanil yos li k'ajo' xyib'al ru ut ink'a' chik tat-eleliq chiwu,

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Zacarías 1:3

Jo'kan naq ye reheb' lintenamit: «Chalqex wi' chik wik'in ut laa'in tinsutq'iiq eerik'in -chan li Nimajwal Yos-.

Oseas 1:2

Jo'ka'in naq kixtikib' aatinak li Qaawa' chi xtz'uumal re laj Oseas. Li Qaawa' kixye re laj Oseas: “Ayu ut sumlan rik'in junaq ixq aj yumb'eet, ut chiwanq leeralal eek'ajol, xb'aan naq li tenamit xe'po'k xna'leb' chi junajwa, ut tik xe'najto'k wik'in, jo'keb' laj yumb'eet”.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Jeremías 3:9

Maak'a' xxutaan chi xmuxb'al rib'; ut kixtz'ajni ru chixjunil li tenamit naq ki'ok chi xloq'oninkil ru li yos yiib'anb'il rik'in pek ut che'.

Jeremías 2:23

Chan put ru naq nakaye: «Maak'a' ninmux wi' wib', ink'a' ninloq'oni ru laj Bahal»? Il eb' laanums chiru li taq'a ut k'e reetal laab'aanuhom, at ch'ina kameey li nakatsachb'esink b'e;

Jueces 19:2

Ab'anan ink'a' us xna'leb' li ixq a'an. Kixkanab' li winq ut kisutq'iik sa' rochoch li xyuwa' aran Belén, sa' xteepal Judá, b'arwi' kixnumsi kaahib'aq po.

Miqueas 2:10

Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Jeremías 2:7

Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Deuteronomio 22:21

taa'isiiq li ixq chire rochoch li xyuwa' ut taateniiq chi pek xb'aaneb' li winq wankeb' sa' li tenamit, toj reetal taakamq, xb'aan naq xutaanal li xb'aanu arin Israel: xb'aanu li maa'usilal sa' rochoch li xyuwa'. Chi jo'ka'in taawisi li ink'a' us sa' eeyanq.

San Mateo 5:31

“Jo'kan ajwi' kiyeemank: «Ani tixkanab' li rixaqil, tento naq tixk'e xhuhil li jachok ib'».

Salmos 106:38

Ke'xhoy li kik' li maak'a' xmuxul, a' li xkik'el li ralal xk'ajoleb' mayejanb'il chiruheb' li xyoseb' laj Kanahán. Jo'kan naq kimuxmank li na'ajej rik'in kik',

Jeremías 22:20

“Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Oseas 2:2

Li Qaawa' kixye chi jo'ka'in: “Q'usumaq leena', jitomaq, xb'aan naq moko insum'aatin ta chik, ut moko laa'in ta chik li xb'eelom. Xkanab'aq li yumb'eetak ut mixsik'eb' chik li xsum.

Jeremías 31:22

Jo'q'e taakanab' xb'eeninkil aawib' jo' junaq q'etq'et aj tuq'ixq? Xb'aan naq li Qaawa' xyoob'tesi ak' na'leb' sa' ruuchich'och': a' chik li ixq nasik'ok re li winq”.

Ezequiel 16:30

«Tik moko chaab'il ta laayu'am -chan li Qaawa'- re xb'aanunkil li k'iila maa'usilal nakab'aanu, numtajenaq wi' chik chiru junaq aj yumb'eet.

Ezequiel 16:35

«Jo'kan utan, at aj yumb'eet, ab'i li waatin: