Jeremías 29:7 - Q'eqchi Bible

⁷ Sik'omaq li tuqtuukil usilal cho'q re li tenamit b'arwi' xexintaqla, ut tijonqex chirixeb' chiwu, xb'aan naq wi sa te'wanq eb' a'an, laa'ex ajwi' texwanq sa' sahilal.

Li Santil hu

⁷ Chexcua̱nk saꞌ xya̱lal re nak us teꞌe̱lk li tenamit li xeꞌchapoc e̱re. Chetzꞌa̱ma li rusilal li Dios saꞌ xbe̱n li naꞌajej aꞌin xban nak cui us na-el li naꞌajej, us ajcuiꞌ tex-e̱lk la̱ex.

Jeremías 29:7 ပူးပေါင်းရင်းမြစ်များ

Esdras 6:10

re naq te'yeechi'inq sununkil mayej chiru li xYos li choxa ut te'tijoq chirix xyu'am li awab'ej ut eb' li ralal xk'ajol.

Daniel 4:27

Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Esdras 7:23

“Chixjunil li taaraj li xYos li choxa tento xk'eeb'al chi tz'aqal re ru cho'q re li Loq'laj Ochoch, re naq ink'a' taachalq xjosq'il li xYos li choxa sa' xb'een li awab'ej, chi moko sa' xb'eeneb' li ralal xk'ajol ut li x'awab'ejihom.

Romanos 13:1

Chexpaab'anq chejunilex chiruheb' li wankeb' xwankil sa' qab'een, xb'aan naq maa'ani wank xwankil chi ink'a' ta k'eeb'il re xb'aan li Yos, ut eb' li wankeb' xwankil, a' li Yos kixaqab'ank reheb'.

Daniel 4:19

Toja' naq laj Daniel, Beltsasar nayeemank re, kisachk xch'ool ut mem kikanaak chiru jun k'amok xb'aan li xk'a'uxl. Ab'an li awab'ej kixye re: “Matxiwak, a Beltsasar, ut mi'ok aak'a'uxl xb'aan li matk' a'in chi moko xb'aan li xyaalal”. Kichaq'ok laj Beltsasar ut kixye: “At awab'ej, rehaqeb' taxaq li xik' neke'ilok aawe li matk' a'in; ut chinaq ta li xyaalalil sa' xb'eeneb' li neke'majewank aawe.

Romanos 13:5

Jo'kan utan, tento texpaab'anq chiruheb', moko ka'aj ta wi' re naq ink'a' texrahob'tesiiq, re aj b'an wi' naq k'ojk'ooq leech'ool.

Salmos 122:6

Chetz'aama tuqtuukilal cho'q re Jerusalén: “Chiwanq taxaq tuqtuukilal aawik'in, at Jerusalén! Che'wanq taxaq sa' sahilal eb' li neke'rahok aawe.

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

Ezequiel 11:16

Jo'kan naq ye reheb': «Jo'ka'in naxye li Qaawa': Us ta xe'wisi sa' li xna'ajeb' ut xeb'incha'cha'i sa' xyanqeb' li jalanil tenamit, ab'anan yal jun k'amok ajwi'. Anaqwan laa'inaq chik li santil ochoch cho'q reheb' a'an sa'eb' li tenamit b'arwi' xoxe'kanaaq».