Jeremías 29:6 - Q'eqchi Bible

⁶ sumlaaqex ut chiwanq eeralal eek'ajol. K'ehomaq rixaqileb' leeralal ut sik'omaq xb'eelomeb' leerab'in, re naq te'k'ihanq. Chepuka eerib' aran ut chexk'ihanq.

Li Santil hu

⁶ Chexsumla̱k re teꞌcua̱nk e̱ralal e̱cꞌajol. Sicꞌomak li rixakileb le̱ ralal ut qꞌuehomakeb le̱ rabin chi sumla̱c re nak teꞌcua̱nk ajcuiꞌ li ralal xcꞌajoleb. Chexnabalokꞌ ut chexqꞌuia̱nk.

Jeremías 29:6 ပူးပေါင်းရင်းမြစ်များ

Jueces 12:9

Laj Ibsán kiwank chaq lajeeb' xka'k'aal (30) li ralal ut lajeeb' xka'k'aal li xrab'in, ut chixjunileb' kixsumub'eb' rik'ineb' li jalaneb' xtenamit. Wuqub' chihab' kitaqlank sa' xb'eeneb' laj Israel,

Génesis 29:19

Kixye laj Labán: “Us naq tink'e aawe laa'at chiru naq tink'e re anihaq. Kanaaqat b'i' wik'in”, chan.

Génesis 24:51

Arin chawu wank lix Rebeka: k'am ut ayu, ut a'anaq rixaqil li ralal laj eechal aawe, jo' chanru xyehom li Qaawa'”.

Génesis 21:21

Kiwank sa' li chaqich'och' Parán xk'ab'a', ut li xna' kisik'ok re li rixaqil sa' li tenamit Ejiipt.

1 Timoteo 5:14

Jo'kan utan nawaj naq eb' li xmalka'an toj saajeb' che'sumlaaq, che'wanq ralal xk'ajol, che'xjolomi li xjunkab'aleb' re naq maak'a' toohob'e'q wi' xb'aaneb' li xik' neke'ilok qe.

Jueces 14:2

ut naq kisutq'iik chaq, kixye re li xna' xyuwa': “Aran Timná xwil chaq jun li ixq aj Filistea. Nintz'aama usilal cheru, teetz'aama chaq li ixq a'an cho'q wixaqil”, chan.

Génesis 34:4

Jo'kan naq laj Sikem kixye re laj Jamor li xyuwa': “K'am chaq cho'q wixaqil li ixqa'al a'an”.

Génesis 9:7

Chiwanq naab'al leeralal eek'ajol, chexk'ihanq, chexpukanq sa' ruuchich'och' ut chiwanq eewankil sa' xb'een”.

Génesis 24:60

Ke'rosob'tesi lix Rebeka ut ke'xye re: “At qanab', chatk'ihanq chi k'iila o'q'ob', ut eb' laawalal aak'ajol che'eechaninq re li xtenamiteb' li xik' neke'ilok reheb'”.

Éxodo 5:11

Ayuqex laa'ex chi xsik'b'al b'arwi' texruuq chi xtawb'al; ab'anan maamin taak'osmanq leek'anjel»”.