Jeremías 28:9 - Q'eqchi Bible

⁹ Ab'anan wi junaq propeet naxye naq taawanq tuqtuukil usilal, taanawmanq naq li Qaawa' kitaqlank chaq re, ka'ajwi' naq taatz'aqloq ru chixjunil li xyehom”.

Li Santil hu

⁹ Abanan cui junak li profeta naxye nak ta̱cua̱nk tuktu̱quil usilal, cui nacꞌulman li cꞌaꞌru naxye, ta̱cꞌutu̱nk nak relic chi ya̱l taklanbil xban li Dios, chan.

Jeremías 28:9 ပူးပေါင်းရင်းမြစ်များ

Deuteronomio 18:22

Wi li xyehom li propeet sa' xk'ab'a' li Qaawa' ink'a' taak'ulmanq ut ink'a' taatz'aqloq ru, a'an naraj naxye naq moko li Qaawa' ta xyehok re li aatin a'an. Li propeet a'an, yal xyoob' rib' chi xyeeb'al li aatin a'an. Jo'kan naq maaxiwa ru.

Jeremías 6:14

Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

Jeremías 14:13

Ut laa'in kinye: “At Qaawa' Yos, k'e reetal naq eb' li propeet yookeb' chi xyeeb'al reheb' li tenamit: «Ink'a' teeril yalok chi moko we'ej, tink'e b'an tuqtuukil usilal chi junajwa sa' li tenamit a'in», chankeb'”.

Jeremías 8:11

Yal neke'xkotz b'ayaq li xrahilaleb' lintenamit rik'in xyeeb'al: Wank li tuqtuukilal; ab'anan maak'a' li tuqtuukilal.

Jeremías 4:10

Ut laa'in kinye: “At Qaawa', k'ajo' naq xab'alaq'iheb' laj Jerusalén rik'in xyeeb'al naq te'wanq sa' tuqtuukilal, ut anaqwan a' chik li kamk xteneb'aak sa' xb'eeneb'!”.

Ezequiel 33:33

Ab'anan chixjunil a'in toxtz'aqloq ru, ut naq taatz'aqloq a'an, te'xtaw ru naq xwank jun propeet sa' xyanqeb'”.

Deuteronomio 18:21

Ut wi taaye sa' aach'ool: «Chanru naq tqanaw naq li aatin a'in ink'a' xyehom li Qaawa'?», cha'qat, tento taak'e reetal a'in:

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.