Jeremías 25:8 - Q'eqchi Bible

⁸ “Jo'kan naq li Nimajwal Yos xye chi jo'ka'in: «Laa'ex ink'a' keraj rab'inkil linq'usum;

Li Santil hu

⁸ Joꞌcan nak li Ka̱cuaꞌ li nimajcual Dios xye chi joꞌcaꞌin, “La̱ex incꞌaꞌ xerabi li cꞌaꞌru xinye e̱re.

Jeremías 25:8 ပူးပေါင်းရင်းမြစ်များ

Jeremías 25:7

A'ut laa'ex ink'a' nikineepaab' -chan li Qaawa'-; kechiq' b'an injosq'il naq nekeloq'oni li xyiib'ahom leeruq', ut rik'in a'an nekeb'oq chaq li rahilal sa' eeb'een.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

2 Crónicas 24:19

Li Qaawa' kixtaqlaheb' propeet rik'ineb', re naq te'xyot' xch'ool te'xjal xk'a'uxl ut te'sutq'iiq wi' chik rik'in li Yos; ab'anan ink'a' ke'raj xpaab'ankil.

Isaías 42:24

Ani xkanab'ank chi elq'aak laj Jakob ut xq'axtesink chi rahob'tesiik laj Israel? Ma maawa' tab'i' li Qaawa' li xoomaakob'k chiru? Ink'a' xe'raj xyu'aminkil li raatin chi moko xpaab'ankil li xchaq'rab'.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 22:21

Kin'aatinak aawik'in naq toj sa wankat chaq, ab'an laa'at kaye: «Ink'a' nawaj aawab'inkil», chankat. Jo'kan nakab'aanu chalen chaq sa' laasaajilal: maajun sut nakawaj xpaab'ankil li waatin.

Jeremías 29:19

Xb'aan naq ink'a' xineepaab' naq xexinq'us chi xtz'uumal reheb' li propeet, aj k'anjeleb' chiwu, li naab'al sut xintaqla chaq eerik'in ut laa'ex ink'a' xeraj rab'inkileb'.

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.