Jeremías 25:3 - Q'eqchi Bible

³ “Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

Li Santil hu

³ Ut quixye reheb: —Chalen nak yo̱ oxlaju chihab roquic chokꞌ xreyeb laj Judá laj Josías li ralal laj Amón ut toj anakcuan li Ka̱cuaꞌ yo̱ chi a̱tinac cuiqꞌuin. Ut chiru oxib xcaꞌcꞌa̱l (23) chihab la̱in rajlal yo̱quin chixyebal e̱re li cꞌaꞌru quixye li Ka̱cuaꞌ. Abanan la̱ex incꞌaꞌ xex-abin.

Jeremías 25:3 ပူးပေါင်းရင်းမြစ်များ

Jeremías 26:5

chi moko teerab'i leeq'usb'al xb'aaneb' li propeet aj k'anjeleb' chiwu, li rajlal xintaqlaheb' eerik'in ab'an xetz'eqtaanaheb',

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Jeremías 1:2

Ak oxlaju chihab' rokik laj Josías, ralal laj Amón, chi awab'ejink sa' xb'eeneb' laj Judá naq ki'aatinaak laj Jeremías xb'aan li Qaawa'.

Jeremías 7:13

Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Jeremías 29:19

Xb'aan naq ink'a' xineepaab' naq xexinq'us chi xtz'uumal reheb' li propeet, aj k'anjeleb' chiwu, li naab'al sut xintaqla chaq eerik'in ut laa'ex ink'a' xeraj rab'inkileb'.

2 Crónicas 34:8

Ak waqxaqlaju chihab' rokik chi awab'ejink laj Josías, naq kixtaqla laj Safán, ralal laj Asalías, laj Mahasías, xjolomil li tenamit, ut laj Johaj, ralal laj Johakás laj tz'iib', re te'xyiib' li rochoch li Qaawa' li xYos, ut te'xch'ajob'resi li tenamit jo'wi' li loq'laj ochoch.

2 Crónicas 34:3

Ak waqxaqib' chihab' rokik cho'q awab'ej chi toj saaj ajwi', laj Josías kixtikib' xsik'b'al li xYos laj David li xyuwa'; ut naq yo chik xkab'laju chihab', kixtikib' risinkileb' li tijob'aal wankatqeb' chi tzuul sa' xteepal Judá ut Jerusalén, jo' ajwi' eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek.

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

San Juan 8:47

Li ani nachalk rik'in li Yos narab'i li naxye li Yos; ut laa'ex ink'a' nekerab'i xb'aan naq moko rehex ta li Yos.

San Juan 8:2

Toj eq'la kiwulak wi' chik sa' rochoch li Yos, ut chixjunil li tenamit ke'wulak rik'in: kik'ojlaak ut ki'ok chi xtzolb'aleb'.

San Marcos 1:35

Naq x'ok chi hik'e'k, toj q'oqyink ajwi', kiwakliik, ki'elk aran ut koho sa' jun junesal na'ajej, ut ki'ok chi tijok.

Jeremías 44:4

«Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 25:4

Li Qaawa' ajwi' k'iila wa kixtaqla chaq eb' li xpropeet eerik'in, ab'an laa'ex ink'a' kex'abink chiruheb' chi moko kepaab'eb':

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Salmos 81:13

Jo'kan naq xeb'inkanab' sa' xkawilal li xjolomeb' re naq te'xb'aanu li x'alaak sa' xch'ooleb'.

1 Reyes 22:3

Ut li awab'ej re Israel kixye reheb' laj k'anjel chiru: “Laa'ex nekenaw chi us naq li tenamit Ramot, li wank sa' xteepal Galahad, a'an qe laa'o. Ab'anan maak'a' yooko re risinkil rub'el xwankil li awab'ej re Aram”.

Éxodo 8:20

Kixye li Qaawa' re laj Moisés: “Waklin toj eq'la chi us, ayu rik'in laj Parahón naq a'an taaxik chire li nima', ut taaye re: «Jo'ka'in naxye li Qaawa': Kanab'eb' chi elk lintenamit re naq tine'xloq'oni.

Génesis 22:3

Kiwakliik ut laj Abrahán toj hik'ho, kixyiib' rix li xb'uur, kixk'am chirix wiib' aj k'anjel chiru, rochb'een laj Isahak li ralal. Kixtz'ir xsi'ul li mayej ut koho sa' li na'ajej li kiyehe'k re xb'aan li Yos.

2 Crónicas 34:1

Waqxaqib' chihab' wank re laj Josías naq ki'ok cho'q awab'ej ut junlaju xka'k'aal chihab' kitaqlank aran Jerusalén.

2 Crónicas 36:15

Ab'an li Qaawa', xYos li xxe'toonil yuwa'eb', jwal nim li xraab'al li xtenamit ut li xloq'laj muheb'aal: kiril xtoq'ob'aal ru li xtenamit ut chalen chaq sa' xtiklajik kixtaqla naab'aleb' li xtaql chi xk'eeb'al xna'leb'eb'.

Jeremías 7:25

“Chalen naq ke'elk chaq leena' leeyuwa' sa' li tenamit Ejiipt toj anaqwan, rajlal xintaqla eerik'in eb' li propeet, laj k'anjeleb' chiwu.

Jeremías 32:33

Us ta maajun sut xinkanab' xtijb'aleb' ut xq'usb'aleb', ink'a' xe'xk'ul ru li xtzolb'aleb'; ut a' chik lintz'eqtaanankil xe'xb'aanu ruuchil lintaaqenkil,

Jeremías 35:14

Eb' laj Jonadab, li ralal laj Rekab, xe'xpaab' li xchaq'rab'ihom li xxe'toonil yuwa'eb' ut chalen toj anaqwan ink'a' neke'uk'ak b'iin, xb'aan naq neke'xk'e sa' xch'ooleb' li raatin li xxe'toonil yuwa'eb'. Laa'in ajwi' k'iila sut xinye eere k'aru teeb'aanu, ab'anan tik ink'a' nikineepaab'.

Jeremías 36:1

Ak yo xka chihab' chi awab'ejink laj Johakín, ralal laj Josías, awab'ej re Judá, li Qaawa' kiraatina laj Jeremías ut kixye re:

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

2 Reyes 17:13

Li Qaawa' kixq'useb' laj Israel ut eb' laj Judá chi xtz'uumal reheb' li propeet ut eb' li xtaql, naq kixye reheb': “Kanab'omaq xb'aanunkil li maa'usilal ut b'aanuhomaq li naxye linchaq'rab'. Paab'omaq lintaqlahom ut li waatin li kintijeb' wi' leena' leeyuwa' ut kink'ut cheru laa'ex chi xtz'uumal reheb' li propeet aj k'anjeleb' chiwu”.

2 Crónicas 24:19

Li Qaawa' kixtaqlaheb' propeet rik'ineb', re naq te'xyot' xch'ool te'xjal xk'a'uxl ut te'sutq'iiq wi' chik rik'in li Yos; ab'anan ink'a' ke'raj xpaab'ankil.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 22:21

Kin'aatinak aawik'in naq toj sa wankat chaq, ab'an laa'at kaye: «Ink'a' nawaj aawab'inkil», chankat. Jo'kan nakab'aanu chalen chaq sa' laasaajilal: maajun sut nakawaj xpaab'ankil li waatin.

Ezequiel 33:4

Wi ani trab'i xyaab' li pur, ab'anan ink'a' tixpaab', ut te'chalq eb' li xik' neke'ilok re, tole'xkamsi, a'an wan wi' naq xkamsiik,

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.