Jeremías 25:18 - Q'eqchi Bible

¹⁸ Kink'e chi ruk'eb' laj Jerusalén, eb' laj Judá, jo'wi' kink'e reheb' li awab'ej ut eb' li xninqal ru winq, re xsachb'al ruheb' ut xkanab'ankileb' chi kok'putz' chi junajwa ut chi xiwajelaq rilb'al, chi tz'eqtaananb'ilaqeb' ut majewanb'ilaqeb', jo' wankeb' chalen toj anaqwan.

Li Santil hu

¹⁸ Aꞌaneb aꞌin li tenamit li teꞌcꞌuluk raylal: eb li cuanqueb Jerusalén ut eb li cuanqueb saꞌ eb li tenamit li cuanqueb Judá; joꞌ eb ajcuiꞌ lix reyeb ut eb li cuanqueb xcuanquil. Xinba̱nu chi joꞌcan re nak xucuajel rilbal teꞌcana̱k ut re nak teꞌsachekꞌ ruheb ut re ajcuiꞌ nak teꞌseꞌe̱k ut teꞌhobekꞌ joꞌ yo̱queb xcꞌulbal toj chalen anakcuan.

Jeremías 25:18 ပူးပေါင်းရင်းမြစ်များ

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Salmos 60:3

At Qaawa', xatjosq'o'k sa' qab'een, xoohaatz'eqtaana ut xoohaajuk'; choohaawaklesi wi' chik anaqwan!

1 Pedro 4:17

Xb'aan naq xwulak xq'ehil li raqb'a aatin, ut taatiklaaq sa' xjunkab'al li Yos. Ut wi qik'in taatiklaaq rik'in qarahob'tesinkil, k'aru te'oso'q wi' eb' li ink'a' neke'xpaab' li xChaab'il Esil li Yos?

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Amós 2:5

Jo'kan naq tink'e xxamlel chixjunil li xteepal Judá ut te'k'ate'q eb' li xchaq'alil ru ochoch re Jerusalén”.

Daniel 9:12

«Li Qaawa' xb'aanu li yeeb'il chaq chiqix ut chirixeb' laj jolominel qe: xtaqla chaq jun nimla rahilal sa' qab'een ut sa' xb'een Jerusalén, li maajun wa k'ulb'il junsutaq sa' ruuchich'och'.

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 1:10

Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Nehemías 9:36

“Ut anaqwan, at Qaawa', k'e reetal naq laa'o aj mun sa' li ch'och' kayeechi'i reheb' li qana' qayuwa' re naq te'xyal xsahil li rawimq ut li xb'ihomal.

Esdras 9:7

Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

1 Reyes 8:24

Xab'aanu li kayeechi'i re laj David linyuwa': kaye chi aatin, ut anaqwan xab'aanu rik'in laawuq'.

Josué 6:18

A'ut laa'ex, chek'e reetal. Maak'a' teexok, chi moko teerahi ru li k'a' re ru ak q'axtesinb'il re sache'k. Wi teeb'aanu a'an, teeb'oq chaq li majewaak ut li rahilal sa' xb'eeneb' chixjunil li xmuheb'aaleb' laj Israel.

2 Crónicas 29:8

Jo'kan naq kichalk xjosq'il li Qaawa' sa' xb'een Judá ut Jerusalén: se'leb'aal, eetz'ub'aal ut xiwajel na'ajej kikanaak wi' jo' yookex rilb'al anaqwan.

Isaías 40:23

Li Qaawa' naxjuk' xwankileb' li xninqal ru winq, ut eb' li neke'awab'ejink sa' ruuchich'och' naxsacheb' ru.

Isaías 65:15

“Eb' li sik'b'il ru inb'aan te'roksi leek'ab'a' re majewank ut re xyeeb'al reheb' li jalan chik: «Chi jo'ka'in tatxk'e chi kamk li Qaawa' Yos!», cha'qeb'. Ab'an eb' laj k'anjel chiwu tink'e reheb' jun ak' k'ab'a'ej.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Ezequiel 30:7

“Jwal joxk' taakanaaq li xch'och'el Ejiipt sa' xyanqeb' chixjunileb' li na'ajej, ut po'lem te'kanaaq eb' li tenamit wankeb' sa' xteepal.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Jeremías 13:3

Toja' naq li Qaawa' kixye wi' chik we sa' xka'sutil:

Jeremías 13:9

ut kixye we: “Jo'kan ajwi' naq tinsach li xwankil laj Judá ut li xq'etq'etil laj Jerusalén.