Jeremías 25:16 - Q'eqchi Bible

¹⁶ Naq te'ruk' li b'iin, te'xxa'wa rib' ut taakaano'q ruheb' xb'aan li raaxiik' tintaqla chaq sa' xb'eeneb'”.

Li Santil hu

¹⁶ Nak teꞌrucꞌ li vino, sicsotkeb xbaneb xxiu ut teꞌlo̱cokꞌ ru xban li ple̱t li tintakla saꞌ xbe̱neb, chan li Dios.

Jeremías 25:16 ပူးပေါင်းရင်းမြစ်များ

Nahum 3:11

Chanchan tatkalaaq naq te'xsach aana'leb'; laa'at taamuq aawib' ut taayal xsik'b'al b'ar taakol aawib' chiruheb' li xik' neke'ilok aawe.

Jeremías 51:7

Babilonia chanchan jun sek' ooro naq xwank sa' wuq'; a'an xpo'ok re xna'leb' chixjunil li ruuchich'och': eb' li xninqal ru tenamit xe'ruk' li b'iin a'an ut xe'sachk xna'leb'eb'.

Apocalipsis 18:3

Xb'aan naq chixjunileb' li tenamit xe'ruk' li xb'iinul ut xe'xb'aanu li maa'usilal rik'in; eb' li awab'ej re li ruuchich'och' xe'xmux rib'eb', ut eb' laj yakonel sa' ruuchich'och' xe'b'ihomo'k rik'in li xjo'maajo'il aj maa'usilal”.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.

Jeremías 51:39

Naq taachaqiq reheb', tink'e li ruk'a'eb' re naq tsaho'q sa' xch'ooleb'; tinkaltesiheb' re naq taasachq li xna'leb'eb', te'warq chi junajwa ut ink'a' chik taa'ajq ruheb' -chan li Qaawa'-.

Jeremías 25:27

Chirix chik a'an kixye we li Qaawa': “Jo'ka'in xye li Nimajwal Yos, li xYos laj Israel: Chex'uk'aq, chexkalaaq ut chexa'waaq eerib'. Text'ane'q chiru ch'och' toj reetal naq ink'a' chik texruuq chi wakliik, xb'aan li raaxiik' li tintaqla chaq sa' eeb'een.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Lamentaciones 3:15

Li Qaawa' xinxnujob'resi chi rahil ch'oolej; k'ajo' xk'ahil li ha' xk'e chi wuk'.

Abdías 1:16

“Jo' naq xereek'a laa'ex xk'ahil li rahob'tesiik sa' linloq'laj tzuul, jo'kan ajwi' eb' li jalanil tenamit te'ruk' xsa' li xsek'ul linjosq'il chi kok'aq xsa' toj reetal te'oso'q chi junajwa.

Jeremías 13:12

“Ye ajwi' li jaljookil ru aatin a'in reheb': «Jo'ka'in xye li Qaawa', li xYos laj Israel: Chixjunileb' li kuk neke'nujob'resiik chi b'iin». Ut eb' laj Israel tate'xsume chi jo'ka'in: «Ma ink'a' tab'i' naqanaw naq chixjunil li kuk nanujob'resiik chi b'iin?», cha'qeb'.

Jeremías 13:14

Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Jeremías 45:5

Maak'a' aj e naq yookat xsik'b'al xnimal aawankil. Maasik' chik, xb'aan naq ok we chi xtaqlankil xninqal rahilal sa' xb'eeneb' chixjunileb' li poyanam. A'ut laa'at tinkol laayu'am, a' yaal b'ar tatxik. Laa'in, li Qaawa', ninyehok re a'in»”.

Jeremías 48:26

Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.