Jeremías 24:10 - Q'eqchi Bible

¹⁰ Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Li Santil hu

¹⁰ Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Jeremías 24:10 ပူးပေါင်းရင်းမြစ်များ

Isaías 51:19

Ani xraho'k xch'ool chawix naq xchalk li wiib' chi rahilal sa' aab'een: xatjuk'e'k ut xatrahob'tesiik, xattz'okaak ut xatkamk xb'aan li yalok? Ma wank tab'i' junaq xk'ojob'ank re laawaanm?

Ezequiel 33:27

“Ye ajwi' reheb': «Jo'ka'in xye li Qaawa': Sa' xk'ab'a' linloq'al, ninye li waatin naq eb' li wankeb' sa'eb' li juk'b'il tenamit, te'kamsiiq chi q'esnal ch'iich'; eb' li wankeb' sa' k'aleb'aal, te't'upiiq xb'aaneb' li josq' aj xul, ut eb' li wankatqeb' sa'eb' li ochoch pek ut eb' li saqoonak, te'kamq xb'aan li yajel.

Ezequiel 7:15

Chirix li tenamit yo li raaxiik', ut chisa' wank li yajel ut li we'ej. Li ani wanq chaq sa' k'aleb'aal, taakamsiiq chi ch'iich', ut li ani wanq sa' li tenamit taakamq xb'aan li we'ej ut li yajel.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Jeremías 27:8

Wi wank junaq tenamit malaj junaq awab'ej li ink'a' naxk'e rib' rub'el xwankil laj Nabukodonosor, li awab'ej re Babilonia, ut ink'a' naraj k'anjelak chiru, laa'in tinraqoq aatin sa' xb'eeneb' rik'in rahilal, we'ej ut raxkamk, toj reetal toxe'oso'q sa' ruq' -chan li Qaawa'-.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Jeremías 15:2

Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.

Jeremías 5:12

Ke'xyehatq naq maak'a' li Yos: “Maak'a' xwankil li Yos; maajun rahilal tqak'ul. Ink'a' taawanq raaxiik' chi moko we'ej.

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Deuteronomio 28:21

Li Qaawa' tixtaqla chaq li raxkamk sa' aab'een toj reetal tatsache'q sa' li ch'och' toxat-okaq wi'.

Jeremías 21:9

Ani taakanaaq sa' li tenamit a'in, taakamq sa' li yalok, xb'aan li we'ej malaj xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha li yookeb' chi sutuk tenamit, taakole'q, ink'a' taakamq.

Jeremías 42:17

Relik chi yaal naq jo'k'ihaleb' li kaweb' xch'ool chi xik chi na'ajunk Ejiipt, aran te'kamq xb'aan li raaxiik', li we'ej malaj xb'aan li raxkamk. Maajun taakole'q aran, ut maajun ink'a' ta tixk'ul li rahilal li tintaqla sa' xb'eeneb'».

1 Reyes 14:15

Li Qaawa' tixchiq'leheb' laj Israel, jo' naq nachiq'leek li kaxlan'aj xb'aan li roqha'. Taarisiheb' laj Israel sa' li chaab'il ch'och' a'in li xk'ehom reheb' li xxe'toonil yuwa'eb', ut tixcha'cha'iheb' toj junpak'al li Nima', xb'aan naq ke'xyiib' xyoseb' re xchiq'b'al xjosq'il li Qaawa'.

Jeremías 9:15

Jo'kan naq laa'in, li Nimajwal Yos, li xYos laj Israel, ninye chi jo'ka'in: Tink'eheb' chi xtzekankil li ch'am aj tzekemq ut tink'eheb' chi uk'ak li ha' nakamsink.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Jeremías 29:17

«Laa'in, li Nimajwal Yos, ninye eere: Tintaqla chaq li raaxiik', li we'ej ut li raxkamk sa' eeb'een, ut texinkanab' jo'qeb' li q'eenaq iig, li ink'a' chik naru xtzekankil xb'aan xq'eenaqil.

Jeremías 29:18

Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Jeremías 32:25

Wi li tenamit ok re chi eechaniik xb'aaneb' laj Kaldeha, k'a'ut naq xaye we: Loq' li ch'och' a'an rik'in plaat ut sik'eb' aatestiiw?»”.

Jeremías 42:22

Jo'kan utan, chenawaq chi us naq texkamq xb'aan li raaxiik', li we'ej ut li raxkamk, yalaq b'ar teeraj wi' na'ajunk”.

Ezequiel 6:11

Li Qaawa' kixye wi' chik we chi jo'ka'in: “Poq'poq'i laawuq', tenle li ch'och' chiru laawoq ut yaab'an xb'aan li xk'iila maa'usilaleb' laj Israel. Relik chi yaal naq te'oso'q xb'aan li raaxiik', li we'ej ut li rakamk.