Jeremías 23:9 - Q'eqchi Bible

⁹ Xmaakeb' li propeet aj b'alaq': “Q'axal namayok linch'ool -chan laj Jeremías-, nasiksotk chixjunil linjunxaqalil, sa' xk'ab'a' li Qaawa' ut li xloq'laj aatin; chanchan wi' yo inkalajik, jo' junaq winq li xruk' naab'al li b'iin.

Li Santil hu

⁹ Laj Jeremías quixye: —Xban li cꞌaꞌru nequeꞌxba̱nu li profetas, la̱in nayotꞌeꞌ inchꞌo̱l chiru li Ka̱cuaꞌ. Ut xban lix santil a̱tin, ninsicsot. Chanchan tincala̱k. Chanchan nak xcuucꞌ nabal li vino.

Jeremías 23:9 ပူးပေါင်းရင်းမြစ်များ

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.

Daniel 8:27

“Laa'in laj Daniel kinlub'k ut kinyajerk xb'aan, chiru naab'al kutan. Chirix chik a'an kinwakliik re k'anjelak wi' chik chiru li awab'ej. Ab'anan toj sachso linch'ool chirix li moy u, xb'aan naq ink'a' ninruhank chi xtawb'al xyaalal.

Lamentaciones 3:15

Li Qaawa' xinxnujob'resi chi rahil ch'oolej; k'ajo' xk'ahil li ha' xk'e chi wuk'.

Isaías 51:21

Jo'kan utan, ab'i a'in, at xtoq'ob'aal ru tenamit, chanchanat li tatkalaaq, ab'an maawa' xb'aan uk'ak b'iin.

Salmos 60:3

At Qaawa', xatjosq'o'k sa' qab'een, xoohaatz'eqtaana ut xoohaajuk'; choohaawaklesi wi' chik anaqwan!

Romanos 7:9

Junxil yo'yookin chaq naq maak'a' li chaq'rab'. Ab'an naq kol'elq li chaq'rab', xtiklaak li maak,

Ezequiel 9:6

Kamsihomaqeb' li cheekel winq, eb' li saaj al, eb' li tuq'ixq, eb' li kok'al ut eb' li ixq, toj reetal naq maajun chik taakanaaq. Ab'anan meekamsiheb' li wankeb' reetalil chi xpeekemeb', ut tikib'omaq wan wi' linsantil ochoch”. Toja' naq eb' li winq ke'xtikib' xkamsinkileb' li cheekel winq li wankeb' chiru li rochoch li Yos.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Isaías 29:9

Chememi eerib' ut kanaaqex sa' leememil, mutz'umaq leeru ut mutz' texkanaaq; kalaaqex, ab'an ink'a' rik'in b'iin, taktotqex, ab'an ink'a' xb'aan li ha' nakaltesink.

Isaías 28:1

Rahilal chaalel sa' xb'een Samaria li nak'ehok xwankilal ut xnimob'resinkil rib' laj Efraín, ab'anan yal jun ch'uuteb' chi aj kalajenaq. Chanchaneb' jun sahob' u yiib'anb'il rik'in tz'umjenaqil uutz'u'uj, xaqxo sa' xb'een li ru taq'a k'ajo' xq'emal; a'aneb' oso'jenaqeb' chi junwaakaj xb'aan li ha' nakaltesink.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Salmos 69:20

Ch'olch'o chawu chanru nikine'xse'e ut nikine'xhob'; makach'in nikine'reetz'u! Chawu laa'at wankeb' li neke'rahob'tesink we.

Jeremías 8:18

Q'axal ra sa' inch'ool, ka'aj chik maa ninkamk.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Jeremías 36:16

Naq ke'rab'i chixjunileb' li aatin a'an, ke'xka'ya rib' chi k'ajo'eb' xxiw, ut ke'xye: “Qayehaq resil re li awab'ej chi junpaat chixjunileb' li aatin a'in”, chankeb'.

Ezequiel 13:3

Rahilal chaalel sa' xb'eeneb' li propeet li maak'a'eb' xna'leb', li neke'aatinak chi maak'a' xyaalal ut maak'a' neke'ril.