Jeremías 23:36 - Q'eqchi Bible

³⁶ Ab'anan maajoq'e chik teeye: «A'an li iiq xk'ehom li Qaawa'», xb'aan naq wi teeroksi li aatin a'an, a'an taaq'apluuq sa' eeb'een. Laa'ex xepo' xyaalal li raatin li yo'yookil Yos, a' li Qaawa', li qaNimajwal Yos.

Li Santil hu

³⁶ Incꞌaꞌ chic ta̱julticokꞌ reheb xyebal, “Aꞌin ra̱tin li Ka̱cuaꞌ” xban nak cui teꞌxba̱nu aꞌan, la̱in tinsukꞌisi li cua̱tin chokꞌ raylal chokꞌ reheb. Eb li tenamit queꞌxjal ru li cua̱tin la̱in lix Dioseb laj Israel. Nim incuanquil ut yoꞌyo̱quin.

Jeremías 23:36 ပူးပေါင်းရင်းမြစ်များ

2 Pedro 3:16

Jo'kan ajwi' natz'iib'ak sa' chixjunileb' li xhu naq na'aatinak chirix a'in. Sa'eb' li xhu wank ajwi' junjunq li aatin ch'a'aj xtawb'al ru, ut eb' li maak'a'eb' xna'leb' ut q'uneb' xch'ool neke'xpo' li xyaalal (jo' neke'xb'aanu rik'in chixjunil li Santil Hu). Ab'an naq neke'xb'aanu a'in, neke'sachk.

Isaías 3:8

Relik chi yaal naq yo chi sache'k Jerusalén ut juk'b'il chik Judá, xb'aan naq ink'a' us li xyehom xb'aanuhomeb'; xik' neke'ril li Qaawa' ut xe'xchiq' xjosq'il li Yos.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Salmos 120:3

K'aru tixk'e aawe li Qaawa' malaj k'aru tixtaqla aawik'in, at aj ka'pak'al u?

Salmos 64:8

Ab'an li Yos xkutuk chi simaj ut chi junpaat xe'tiq'e'k sa' xjunxaqalileb';

2 Reyes 19:4

Mare li Qaawa' laaYos xrab'i li raatin li xnimal ru aj k'anjel li xtaqlaak chaq xb'aan laj Senakerib, li awab'ej re Asiria, re xhob'b'al li yo'yookil Yos. Jwal us raj naq li Qaawa' laaYos tixk'e taxaq chi xtojb'al xmaak li ani xhob'ok re. Laa'at tijon chiru li Qaawa' chirixeb' laj Israel li toj yo'yookeb'!»”.

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

Gálatas 6:5

xb'aan naq li junjunq tento tixk'am li riiq.

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

San Lucas 19:22

“Toja' naq kixye li awab'ej: «Rik'in xsa' aawe tinraqoq aatin sa' aab'een, at maa'us aj k'anjel. Ak nakanaw naq josq' aj winqin: ninxokok b'arwi' ink'a' xinhirok ut ninq'olok b'arwi' ink'a' xin'awk.

San Mateo 12:36

Ninye eere naq chixjunil li aatin tixye li junjunq chi maak'a' rajb'al, toxq'axtesi sa' xkutankil li raqb'a aatin:

Isaías 28:22

Jo'kan naq anaqwan mexse'ek chik, re naq ink'a' teetam li rahilal sa' eeb'een; xb'aan naq xwab'i naq li Qaawa', li Nimajwal Yos, tixk'e chi sache'k chixjunil li tenamit.

Proverbios 17:20

Li ink'a' us xna'leb' maajoq'e tixtaw li sahilal; li ani nawulak chiru tik'ti'ik naxb'oq rahilal sa' xb'een.

Salmos 149:9

re naq taatz'aqloq ru li tz'iib'anb'il sa' li raqb'a aatin. A'an xnimal xloq'al cho'q reheb' chixjunil laj paab'anel. Aleluya!

Salmos 12:3

Ka'aj chik tik'ti' naxye li junjunq re li ras riitz'in, neke'q'unb'esink rik'in xchaq'alil ru aatin ut b'alaq'il.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Deuteronomio 5:26

K'a' tawi' chi winqul jo' laa'o xrab'i xyaab' xkux li qayo'yookil Yos chi aatinak chaq sa' li xam ut xkanaak chi yo'yo?

Jeremías 23:37

“At Jeremías, patz' reheb' li propeet: «K'aru xexsume wi' li Qaawa'? K'aru xye eere?».

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.