Jeremías 23:22 - Q'eqchi Bible

²² Wi ta neke'xnaw k'aru ink'uub'ahom, a' raj lintenamit koheb' wi' chi xyeeb'al li waatin; a'aneb' raj li ke'sutq'isink reheb' wik'in re naq te'xkanab' xb'aanunkil li maa'usilal.

Li Santil hu

²² Cui ta queꞌxnau li cꞌaꞌru cuan saꞌ inchꞌo̱l la̱in, queꞌxye raj li cua̱tin reheb lin tenamit. Ut eb aꞌan queꞌsukꞌi raj cuiqꞌuin ut queꞌxcanab raj xba̱nunquil li ma̱usilal.

Jeremías 23:22 ပူးပေါင်းရင်းမြစ်များ

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

Jeremías 25:5

«Kanab'omaq xb'aanunkil li maa'usilal ut li ink'a' us -chankeb'-. Chi jo'kan sa texwanq sa' li na'ajej xk'ehom eere chi junajwa li Qaawa' ut cho'q reheb' leexe'toonil yuwa'.

Jeremías 23:18

Ab'anan, ani sa' xyanqeb' a'an xtz'aqonk sa' li xk'uub'ank li Qaawa'? Ani x'ilok ut x'ab'ink li aatin kixye? Ani xk'e xch'ool chi rab'inkil li raatin li Qaawa'?

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

1 Ts 5:6

Jo'kan b'i' moowark jo'keb' li junch'ol, chooyo'leq b'an ut aj'ajaq qu.

Ezequiel 3:17

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq tinye aawe jun t'orolaq li waatin, laa'at taanumsi reheb' sa' link'ab'a'.

Ezequiel 2:7

Taaye reheb' li waatin, a' yaal chik reheb' ma te'xpaab' malaj ink'a', xb'aan naq numtajenaq q'etq'eteb'.

Ezequiel 18:30

Ex aj Israel, laa'in tinraqoq aatin sa' eeb'een chejunjunqal jo' chanru leeyehom eeb'aanuhom. Jalomaq leek'a'uxl ut tz'eqtaanahomaq chixjunil leemaa'usilal re naq ink'a' teetoj rix leemaak -chan li Qaawa'-.

Jeremías 36:3

Mare anchal eb' laj Judá te'rab'i chixjunil li rahilal xink'oxla xb'aanunkil reheb', te'xyot' xch'ool te'xjal xk'a'uxl ut laa'in tinkuy tinsach li xmaakeb'”.

Jeremías 9:12

Ani tz'aqal wank xna'leb' chi xtawb'al ru a'in? Ani x'aatinaak xb'aan li Qaawa'? Xyehaq anaqwan. K'a'ut naq x'oso'k li qana'aj ut xkanaak jo' li chaqich'och', chi maajun chik nanume'k aran?

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Ezequiel 13:5

Tik maak'a' xe'xb'aanu re xkolb'aleb' laj Israel, chi moko xe'xwaklesi li xsuttz'akil li tenamit, re tixkuy xnumsinkil li raaxiik' sa' xkutankil li Qaawa'.

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Malaquías 2:6

Laj Leví kixch'olob' chi tz'aqal re ru li yaal ut maajun maa'usilal ki'elk chi xtz'uumal re; kinrochb'eeni rik'in tuqtuukilal ut tiikil ch'oolej, ut naab'al kixkoleb' chiru li maak.