Jeremías 23:17 - Q'eqchi Bible

¹⁷ Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

Li Santil hu

¹⁷ Rajlal nequeꞌxye reheb li xicꞌ nequeꞌiloc cue, “Li Ka̱cuaꞌ xye nak texcua̱nk saꞌ tuktu̱quil usilal”. Ut nequeꞌxye ajcuiꞌ reheb li nequeꞌxqꞌue xchꞌo̱l chixba̱nunquil li cꞌaꞌru nequeꞌraj xjuneseb, “Ba̱nuhomak li cꞌaꞌru nequeraj. Ma̱cꞌaꞌ te̱cꞌul”, chanqueb.

Jeremías 23:17 ပူးပေါင်းရင်းမြစ်များ

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Amós 9:10

Chi q'esnal ch'iich' te'kamje'q chixjunileb' laj maak sa' lintenamit, eb' li neke'yehok: «Maak'a' rahilal tqak'ul; chi moko junaq raaxiik' taatawoq qe», chankeb'”.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Jeremías 9:14

ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.

Jeremías 8:11

Yal neke'xkotz b'ayaq li xrahilaleb' lintenamit rik'in xyeeb'al: Wank li tuqtuukilal; ab'anan maak'a' li tuqtuukilal.

Jeremías 5:12

Ke'xyehatq naq maak'a' li Yos: “Maak'a' xwankil li Yos; maajun rahilal tqak'ul. Ink'a' taawanq raaxiik' chi moko we'ej.

Deuteronomio 29:19

“Wi ani sa' eeyanq taarab'i li teneb'anb'il sa' qab'een sa' xk'ab'a' li jurament a'in ut ink'a' tixk'e xwankil, tixye b'an sa' xch'ool xjunes rib': «Laa'in us tin'elq sa' chixjunil, us ta tinb'aanu jo' naxye linjipilal», xmaak li winq a'an te'sache'q chixjunileb'.

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Ezequiel 13:10

“Eb' li propeet a'an xe'xb'alaq'i lintenamit rik'in xyeeb'al: «Wankex sa' tuqtuukilal», chankeb', ab'anan moko yaal ta. Lintenamit neke'waklesink tz'ak ut eb' a'an yal rik'in chun neke'xletz.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Jeremías 6:14

Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Números 11:20

jun po b'an textzekanq tib', toj reetal taa'elq sa' eeru'uj ut teexawa eerib', xb'aan naq xetz'eqtaana li Qaawa' li wank sa' eeyanq ut xexq'oqonk chiru rik'in xyeeb'al: «K'a'ut naq koo'elk chaq Ejiipt?»”.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Jeremías 4:10

Ut laa'in kinye: “At Qaawa', k'ajo' naq xab'alaq'iheb' laj Jerusalén rik'in xyeeb'al naq te'wanq sa' tuqtuukilal, ut anaqwan a' chik li kamk xteneb'aak sa' xb'eeneb'!”.

Isaías 57:21

Maak'a' li tuqtuukilal cho'q reheb' li ink'a' useb' xna'leb'”, chan linYos.

2 Samuel 12:10

Jo'kan naq chalen anaqwan junelik wanq raaxiik' ut kamsij ib' sa' laajunkab'al, xb'aan naq xinaatz'eqtaana ut xak'am li rixaqil laj Urías aj Hit cho'q aawixaqil.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

Sofonías 1:12

“Sa' li kutan a'an tinxok linsaqenk ut tinpoqle li tenamit Jerusalén. Toja' naq tink'eheb' chi xtojb'al li xmaakeb' li k'ojk'ookeb' xch'ool ut sa yookeb' chi hilank, eb' li neke'yehok sa' xch'ooleb': «Li Qaawa' maak'a' naxb'aanu: chi moko li us chi moko li ink'a' us».

Isaías 30:10

Neke'xye reheb' li neke'ilok moy u: “Mat-ilok chik moy u”; ut neke'xye reheb' li propeet: “Maaye li yaal qe, ye b'an li q'axal sa rab'inkil, us ta moko yaal.

Jeremías 18:12

A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Ezequiel 13:19

Laa'ex yal rik'in jun mooch' chi seb'aad ut jun hab'ok chi wa, nikineek'e sa' xutaan chiru lintenamit; nekek'eheb' chi kamk li ink'a' xk'ulub'eb' kamk, ut nekekol xyu'ameb' li ink'a' xk'ulub'eb' kole'k. Chi jo'kan nekeb'alaq'iheb' lintenamit li neke'paab'ank tik'ti'.

Miqueas 2:11

Wi wan junaq propeet li taayehoq tik'ti' eere: “Teeruk' naab'al li b'iin ut li ha' nakaltesink”, cha'aq, a'an tz'aqal li propeet nekeraj rab'inkil; a'an tz'aqal xk'ulub' li tenamit a'in.

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.