Jeremías 23:12 - Q'eqchi Bible

¹² Jo'kan naq tink'eheb' chi b'eek sa' li aak'ab' ut sa' li xiik', re naq te'tiikisiiq ut te't'ane'q. Tintaqla chaq junaq nimla rahilal sa' xb'eeneb' sa' xkutankil li raqok aatin -chan li Qaawa'-.

Li Santil hu

¹² Ta̱cuulak xkꞌehil nak la̱in tinqꞌue li raylal saꞌ xbe̱neb. Tinqꞌueheb chixtojbal lix ma̱queb. Chanchan nak tincanabeb saꞌ kꞌojyi̱n saꞌ jun be yolyo ru. Chanchan nak tiquisinbilakeb nak tebinsach ruheb.

Jeremías 23:12 ပူးပေါင်းရင်းမြစ်များ

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Jeremías 11:23

Maajun chik reheb' a'an taakanaaq chi yo'yo, xb'aan naq chalk re xkutankil naq laa'in tintaqla li nimla rahilal sa' xb'eeneb' laj Anatot, sa' xq'ehil li raqb'a aatin”, chan li Qaawa'.

Proverbios 4:19

A'ut li xyu'ameb' li ink'a' useb' xch'ool a'an chanchan li aak'ab': chi moko neke'xnaw b'ar xe'tichk'ok.

Salmos 35:6

Q'oqyinaq taxaq ru li xb'eheb' ut yolyolaq ru, naq yooq raanilasinkileb' xb'aan li x'ánjel li Qaawa'.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Isaías 8:22

chirix chik a'an te'iloq sa' li ruuchich'och', ut junes rahil ch'oolej ut rahilal, aak'ab' ut ch'a'ajkilal te'xtaw. Aran te'oso'q sa' li q'oqyink.

Salmos 73:18

Ch'olch'o naq xak'eheb' sa' xiik'ilal, xatikisiheb' chi oso'k.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

1 Juan 2:11

A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

Miqueas 7:4

Li jwal chaab'il sa' xyanqeb', a'an chanchan li k'ix; ut li tiik xch'ool, a'an chanchan li pajl. Ab'anan chalk re li raqok aatin, a' li kutan yeeb'il aawe xb'aaneb' li propeet. Toja' naq te'sachq xna'leb' chixjunileb'.

Jeremías 50:27

Kamsihomaq chixjunileb' laj puub' ut sachomaq ruheb' jo'eb' li wakax. Rahilal xchalk sa' xb'eeneb' xb'aan naq xwulak xkutankil li xrahob'tesinkileb'.

Jeremías 48:44

Li ani taa'eleliq chiru laj yo, toxt'ane'q sa' li jul; ut li taa'elq chaq sa' li jul, toxt'ane'q sa' li ra'al, xb'aan naq tink'e Mohab sa' tojb'amaak naq taawulaq xkutankil li rahilal -chan li Qaawa'-.

Li xHu LAJ JOB 18:18

Taa'isiiq sa' saqenk ut taatz'eqe'q sa' li aak'ab'; taasachmanq sa' li ruuchich'och' a'in.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

Salmos 82:5

“Ab'an laa'ex maak'a' nekenaw chi moko neketaw xyaalal, chanchan sa' aak'ab' nekexb'eek; nahich'len chixjunil li rub'elankil li ruuchich'och'.

Lamentaciones 2:20

Il, at Qaawa', ut k'e reetal: ani xarahob'tesi jun sutaq chi jo'ka'in? Eb' li na'b'ej okeb' re chi xtiwb'al li xk'uula'aleb'; eb' laj tij jo'wi' eb' li propeet kamkeb' re sa' laaloq'laj ochoch.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.