Jeremías 22:6 - Q'eqchi Bible

⁶ Jo'ka'in kixye li Qaawa' chirix li rochoch li awab'ej re Judá: “Chanchanat li tzuul Galahad cho'q we laa'in, ut kama'at li tzuul Líbano; ab'anan ninye tz'aqal aawe naq joxk' ch'och' tatinkanab' wi', jo'qat jun na'ajej li maajun nawank chisa'.

Li Santil hu

⁶ Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

Jeremías 22:6 ပူးပေါင်းရင်းမြစ်များ

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Isaías 27:10

Li kawub'resinb'il tenamit xkanaak chi po'lemil, ut nakirirnak aj chik kama' li chaqich'och' b'arwi' eb' li wakax neke'ichajib'k ut neke'hilank chi xwa'b'al li xxaq li che'.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Génesis 37:25

Chirix chik a'an ke'chunlaak ut ke'ok chi wa'ak. Naq ke'xtaqsi li rilob'aaleb', ke'ril naq jun ch'uuteb' aj Ismael yookeb' chaq chi chalk Galad rochb'eeneb' li xkameey, iq'o chaq xb'aaneb' li sununkil b'an, li miir ut xq'ol sununkil che' li yookeb' chi xk'amb'al Ejiipt.

Jeremías 22:24

Li Qaawa' kixye re laj Jekonías, ralal laj Johakín, li awab'ej re Judá: “Ninye li waatin chi tz'aqal yaal: Wi ta laa'at matq'ab' re kaaxtink, li wank ta chi ru'uj wuq', tatwisi raj b'arwi' wankat

Jeremías 21:14

Laa'in tinraqoq aatin sa' eeb'een jo' chanru leeyehom ut leeb'aanuhom; tinchoqle leek'iche' ut taak'atq chixjunil li wank chi xsutam. Laa'in, li Qaawa', xinyehok re a'in»”.

Jeremías 21:11

«Eb' li ralal xk'ajol li awab'ej re Judá aatinaheb' sa' ink'ab'a' chi jo'ka'in: Ab'ihomaq li raatin li Qaawa'.

Jeremías 4:20

Sa' riiqaj rib' xchalk li rahilal sa' inb'een, ut chixjunil li tenamit xjuk'mank. Sa' junpaat xe'juk'e'k li qochoch ut xookanaak chi maak'a' chik qamuheb'aal.

Cantares 5:15

Eb' li ra' chanchaneb' li oqech yiib'anb'ileb' rik'in saqalpek, xaqab'anb'ileb' sa' xb'een li chaab'il oor. Linrahom na'ilok kama' li tzuul Líbano, k'ajo' xch'ina'usal kama'eb' li yaw.

Deuteronomio 3:25

B'aanu usilal, kanab'in chi nume'k re rilb'al li chaab'il ch'och' li wank junpak'al li nima' Jordán, li chaab'il tzuul a'an jo' ajwi' Líbano», chankin.

Números 32:1

Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

Cantares 4:1

K'ajo' laach'ina'usal, at inrahomat, k'ajo' laach'ina'usal! Xsa' laawu, chanchaneb' li mukuy naq nak'utunk chaq chirix laat'ikr. Laawismal chanchaneb' jun ch'uutal chi chib'aat li yookeb' chi kub'eek sa' li tzuul Galahad.

Jeremías 50:12

Q'axal xutaanal xkanaak Babilonia, sachso xna'leb' li na'ajej xexyo'laak wi'. A'an chik li jwal kach'in xwankil sa' xyanqeb' chixjunil li tenamit, xkanaak chi po'lemil, jo' jun chaqich'och' li maajun chik wank chisa'.

Zacarías 11:1

At Líbano, te laawokeb'aal, ut li xam taachoyoq re eb' laayaw.

Isaías 37:24

Chi xtz'uumal reheb' laataql xahob' li Qaawa' ut xaye sa' laach'ool: «Rik'ineb' link'iila b'eleb'aal ch'iich' xintaqe'k sa' xb'eeneb' li tzuul, toj sa' xb'een Líbano li ink'a' naru wi' wulak. Xint'aneb' li yaw najteb' xteram ut eb' li xchaq'alil ru saqichaj, xinwulak toj sa' xjolom li tzuul, sa' li raxraxil ru k'iche'.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?