Jeremías 22:30 - Q'eqchi Bible

³⁰ A'an a'in li raatin li Qaawa': “Tz'iib'ahomaq xk'ab'a' li winq a'in jo' li maajun ralal xk'ajol, jo' junaq winq li maajun sut x'elk chi us chiru li xyu'am. Xb'aan naq maajun reheb' li ralal xk'ajol toxk'ojlaaq sa' li xk'ojarib'aal laj David re x'awab'ejinkil wi' chik eb' laj Judá”.

Li Santil hu

³⁰ Aꞌan aꞌin li naxye, “Te̱tzꞌi̱ba retalil joꞌ jun li cui̱nk li ma̱cꞌaꞌ ralal xcꞌajol. Li cui̱nk aꞌin incꞌaꞌ us ta̱e̱lk riqꞌuin li cꞌaꞌru tixba̱nu. Ma jun reheb li ralal xcꞌajol ta̱oc chokꞌ rey saꞌ lix naꞌaj laj David. Incꞌaꞌ teꞌoc chokꞌ xreyeb laj Judá.”

Jeremías 22:30 ပူးပေါင်းရင်းမြစ်များ

Jeremías 36:30

At Johakín, awab'ej re Judá, laa'in li Qaawa' ninye aawe naq maajun aawalal taak'ojlaaq chi awab'ejink sa' li xk'ojarib'aal laj David; ut naq tatkamq, jiljo taakanaaq laatz'ejwal chiru xtiqwal li kutan ut chiru xkehal li q'oqyink.

Salmos 94:20

Ma aakomoneb' tab'i' li neke'raqok aatin sa' b'alaq'il, eb' li neke'muxuk re li chaq'rab' rik'in rahob'tesink?

Jeremías 10:21

Eb' laj k'aak'alehom re li tenamit a'in xe'jipo'k ut ink'a' xe'xsik' li Qaawa'. Jo'kan naq ink'a' us neke'elk sa' xk'anjeleb' ut chixjunileb' li ketomq xe'cha'cha'iik yalaq b'ar.

Jeremías 2:37

K'ajo'aq ajwi' aaxutaan naq tat-elq chaq Ejiipt, xb'aan naq ink'a' nawulak chiwu li kaw wi' aach'ool, ut ink'a' us tat-elq rik'ineb' a'an”.

Jeremías 22:2

chiru li awab'ej re Judá, li k'ojk'o sa' xk'ojarib'aal laj David, chiruheb' laj k'anjel chiru ut chiru chixjunileb' li tenamit; taaye reheb': «Ab'ihomaq li raatin li Qaawa'.

Jeremías 29:32

Jo'kan naq laa'in, li Qaawa', tink'e laj Semaías, aj Nehelam, chi xtojb'al li xmaak jo'wi' chixjunileb' li ralal xk'ajol. Maajun reheb' a'an taawanq sa' xyanqeb' lintenamit, chi moko toxyal li sahilwank li tink'e reheb' lintenamit, xb'aan naq laj Semaías xk'am xb'eheb' chi q'etq'eto'k chiwu», chan li Qaawa'”.

Jeremías 52:10

Aran Riblá, chiru ajwi' laj Sedesías, ke'kamsiik chi ch'iich' chixjunileb' li ralal jo' ajwi' chixjunileb' li xjolomileb' laj Judá.

Li xHu LAJ JOB 18:19

Taakanaaq chi maak'a'eb' chik ralal xk'ajol: maajun chik taawanq sa' li xjunkab'al.