Jeremías 22:20 - Q'eqchi Bible

²⁰ “Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Li Santil hu

²⁰ La̱ex aj Jerusalén, ayukex Líbano ut japomak e̱re. Japomak e̱re saꞌ eb li tzu̱l li cuanqueb Basán. Ut chi-abi̱k xya̱b le̱ cux yalak bar xban nak xeꞌxsach xcuanquileb chixjunileb li queꞌxjunaji ribeb e̱riqꞌuin.

Jeremías 22:20 ပူးပေါင်းရင်းမြစ်များ

Números 27:12

Li Qaawa' kixye ajwi' re laj Moisés: “Taqen sa' xb'een li tzuul Abarín ut k'e reetal li ch'och' xink'e reheb' laj Israel.

Ezequiel 23:22

Jo'kan naq laa'in, li Qaawa', ninye chi jo'ka'in: Eb' li xe'rahink aawu ut nakayib'eb' anaqwan, te'kanaaq cho'q aj xik' ilol aawe, ut yalaq b'ar te'chalq chaq re aasutb'al:

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Ezequiel 23:9

Jo'kan naq kinq'axtesi sa' ruq'eb' li neke'rahink ru, a'eb' laj Asiria, li koho wi' xch'ool.

Lamentaciones 1:19

Xinb'oqeb' li xe'rahink wu, ab'an chixjunileb' xine'xkanab' injunes. Eb' laj tij ut eb' laj k'amol b'e chiwu xe'kamje'k sa' li tenamit, naq yookeb' xsik'b'al xtzekemqeb' re naq ink'a' te'kamq.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 22:22

Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.

Jeremías 4:30

Ut laa'at li xatk'uluk rahilal, k'aru taab'aanu? Us ta taatiqib' aawib' rik'in chaab'il t'ikr, us ta taak'e xsahob' aawu rik'in chaab'il oor ut taab'onatq eb' li rixeb' laawu, maak'a' chik aj e naq taach'ina'usi aawib': xate'xtz'eqtaana li neke'rahink aawu, a' chik laakamik neke'xsik'.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

2 Reyes 24:7

Chalen sa' li kutan a'an li awab'ej re Ejiipt ink'a' chik ki'elk chi yalok, xb'aan naq li awab'ej re Babilonia ak reechanihom chixjunil li na'ajej chalen wan wi' li nima' re Ejiipt toj chire li nima' Éwfrates.

Deuteronomio 32:49

“Taqen sa' xb'een li tzuul Abarín, a' li tzuul Nebo li wank sa' xna'ajeb' laj Mohab, sa' xjayal Jerikó, ut ka'ya li na'ajej Kanahán li tinq'axtesi reheb' laj Israel.

Isaías 57:13

Naq taajap aawe chi xpatz'b'al aatenq'ankil, ink'a' tate'xkol chi moko tate'xtenq'a eb' laajalanil yos, xb'aan naq chixjunileb' a'an te'sapuuq xb'aan li iq'. A'ut li kaw xch'ool wik'in taareechani li na'ajej ut taakanaaq sa' linsantil tzuul”.

Jeremías 2:25

Chak'e reetal, at Israel! Ok aawe chi xch'e'b'al laawoq ut taachaqiq xsa' laawe xb'aan li chaqi'eel. Ab'an laa'at nakaye: «Maak'a' chik xja'lenkil: laa'in nawulak chiwu xik chirixeb' laj ab'l tenamit ut eb' li jalanil yos twaj tinloq'oni», chankat.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Ezequiel 27:6

Eb' li che' natiikisimank wi' li jukub' ke'yiib'aak rik'in aakute' kichalk chaq Basán; yaw ke'xtz'ap wi' sa' laab'een, Kitim kik'ame'k chaq li che' a'an, ut uutz'u'ujinb'il rik'in marfil.

Jeremías 2:37

K'ajo'aq ajwi' aaxutaan naq tat-elq chaq Ejiipt, xb'aan naq ink'a' nawulak chiwu li kaw wi' aach'ool, ut ink'a' us tat-elq rik'ineb' a'an”.