Jeremías 22:19 - Q'eqchi Bible

¹⁹ Taamuqmanq jo' junaq b'uur: chi jukunb'il te'risi sa' li tenamit ut toxe'xtz'eq chaq chirix xsuttz'akil Jerusalén”.

Li Santil hu

¹⁹ Teꞌxmuk joꞌ nak namukeꞌ li bu̱r. Quelonbil teꞌxba̱nu nak teꞌxcꞌam toj chirix li tenamit Jerusalén. Ta̱cutekꞌ toj jun pacꞌal li oqueba̱l.

Jeremías 22:19 ပူးပေါင်းရင်းမြစ်များ

Jeremías 36:30

At Johakín, awab'ej re Judá, laa'in li Qaawa' ninye aawe naq maajun aawalal taak'ojlaaq chi awab'ejink sa' li xk'ojarib'aal laj David; ut naq tatkamq, jiljo taakanaaq laatz'ejwal chiru xtiqwal li kutan ut chiru xkehal li q'oqyink.

Jeremías 36:6

Jo'kan utan ohat laa'at sa' xkutankil li ayuunik ut yaab'asi chi kaw xyaab' laakux chixjunil li raatin li Qaawa' li xink'e chatz'iib'a sa' li b'otb'ookil hu. Yaab'asi sa' xxikeb' li poyanam ut sa' xxikeb' ajwi' chixjunileb' laj Judá li xe'chalje'k chaq sa' li xtenamiteb'.

Jeremías 15:3

“Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

2 Crónicas 36:6

Laj Nabukodonosor, li awab'ej re Babilonia, koho chi yalok rik'in, kixb'ak' chi kareen q'anch'iich' ut kixk'am Babilonia.

2 Reyes 9:35

Ab'an naq koheb' raj chi xmuqb'al, ka'aj chik ke'xtaw li xjolom, eb' li roq ut eb' li ruq'.

1 Reyes 14:10

Jo'kan naq tink'am chaq rahilal sa' xb'een li xjunkab'lal laj Jerobohán ut tinkamsiheb' chixjunileb' li xteelom al aj Israel, a' yaal ma aj mun malaj ink'a'. Tinsach ruheb' chi junajwa chixjunileb' li ralal xk'ajol te'chalq moqon, jo' naq na'isiik li mul sa' junaq ochoch.

2 Reyes 23:36

Oob' xka'k'aal chihab' wank re laj Johakín naq ki'ok cho'q awab'ej, ut junlaju chihab' ki'awab'ejink aran Jerusalén. xSebidá xk'ab'a' li xna', xrab'in laj Pedaías, Rumá xtenamit.

2 Reyes 24:6

Naq laj Johakín kiq'ajk kisutq'iik rik'ineb' li xxe'toonil yuwa', a' chik laj Johakín li ralal ki'ok chi awab'ejink sa' xna'aj.

Eclesiastés 6:3

Wi junaq najt roq li xyu'am ut o'k'aal ralal taawanq, ab'anan wi ink'a' naxyal xsahil li k'aru wank re chi moko namuqe'k sa' xyaalal, laa'in ninye naq q'axal chik us junaq k'uula'al li xyo'laak chi kamenaq chiru li winq a'an.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Ezequiel 19:8

Eb' li xninqal ru tenamit li wankeb' chi xsutam, ke'wakliik, ke'xra'le, ut li saaj kaqkoj kit'ane'k sa' li jul.

Ezequiel 39:5

Jiljo tatkanaaq chi kutankil. Laa'in, li Qaawa', xinyehok re a'in, chan li Qaawa'.