Jeremías 22:18 - Q'eqchi Bible

¹⁸ Jo'kan utan, a'an a'in li aatin naxye li Qaawa' chirix laj Johakín, ralal laj Josías, li awab'ej re Judá: “Maajun taayaab'aq chirix naq taakamq, chi moko te'xye: «Toq'ob' ru li qas qiitz'in. Toq'ob' ru li awab'ej: ak xq'ajk xsutq'iik».

Li Santil hu

¹⁸ Joꞌcaꞌin naxye li Ka̱cuaꞌ chirix laj Joacim li ralal laj Josías lix reyeb laj Judá. “Ma̱ ani ta̱ya̱bak chirix lix camic, chi moco teꞌxye tokꞌob xak ru li karey. Xcanab lix cuanquil”.

Jeremías 22:18 ပူးပေါင်းရင်းမြစ်များ

Jeremías 16:6

Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.

1 Reyes 13:30

Kixk'e li kamenaq sa' li xmuqleb'aal a'an ut ke'yaab'ak chirix: “At, wiitz'in, xat-oso'k”, chankeb' re.

Jeremías 22:10

Mexyaab'ak chirix li awab'ej Josías, miraho'k leech'ool chirix li ak xq'ajk xsutq'iik; yaab'anqex b'an chirix laj Salún li toj kamk re, xb'aan naq maajoq'e chik taasutq'iiq chaq chi moko taaril ta chik li na'ajej kiyo'laak wi'.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Jeremías 34:5

tatkamq b'an sa' tuqtuukilal. Jo' naq kik'atmank li sununkil b'an sa' xb'eeneb' laana' laayuwa' li ke'awab'ejink xb'enwa chawu laa'at, jo'kan ajwi' naq te'xk'at sa' aab'een ut te'xye: Xkamk li qa'awab'ej, cha'qeb'. Laa'in, li Qaawa', ninyehok re a'in»”.

2 Crónicas 35:25

Laj Jeremías kixk'uub' jun li b'ich re rahil ch'oolej sa' xk'ab'a' laj Josías. Chalen toj anaqwan chixjunileb' laj b'ichanel winq ut ixq neke'aatinak chirix laj Josías sa' li xb'icheb', ut k'aynaqeb' laj Israel chi xb'aanunkil a'an. Natawmank li b'ich a'in sa' xHuhil li rahil ch'oolej.

2 Samuel 1:26

K'ajo' linyot'ik aab'aan, a Jonatán, at was li numtajenaq inrahomat! Q'axal xchaq'al ru cho'q we laarahom chiru li xrahomeb' li ixq.

2 Reyes 23:6

Kirisi ajwi' li xjalam u lix Aserá sa' rochoch li Qaawa', kixk'am chirix li tenamit Jerusalén toj chire li nima' Sedrón, ut aran kixk'at, ut li xchahil koxpaji sa' xb'een li xmuqleb'aaleb' li poyanam.

2 Reyes 23:36

Oob' xka'k'aal chihab' wank re laj Johakín naq ki'ok cho'q awab'ej, ut junlaju chihab' ki'awab'ejink aran Jerusalén. xSebidá xk'ab'a' li xna', xrab'in laj Pedaías, Rumá xtenamit.

2 Reyes 24:6

Naq laj Johakín kiq'ajk kisutq'iik rik'ineb' li xxe'toonil yuwa', a' chik laj Johakín li ralal ki'ok chi awab'ejink sa' xna'aj.

2 Crónicas 36:5

Oob' xka'k'aal chihab' wank re laj Johakín naq ki'ok cho'q awab'ej, ut junlaju chihab' ki'awab'ejink aran Jerusalén. Ab'an kixb'aanu li ink'a' nawulak chiru li Qaawa' li xYos.

Jeremías 22:12

taakamq b'an sa' li tenamit xk'ame'k wi' chi preexil, ut ink'a' tolril li tenamit a'in.

1 Crónicas 3:15

Eb' li ralal xk'ajol laj Josías a'aneb' a'in: laj Johanán, a' li asb'ej; li xkab', a' laj Johakín; li rox, a' laj Sedesías, ut li xka, a' laj Salún.

Jeremías 21:11

«Eb' li ralal xk'ajol li awab'ej re Judá aatinaheb' sa' ink'ab'a' chi jo'ka'in: Ab'ihomaq li raatin li Qaawa'.

Jeremías 36:30

At Johakín, awab'ej re Judá, laa'in li Qaawa' ninye aawe naq maajun aawalal taak'ojlaaq chi awab'ejink sa' li xk'ojarib'aal laj David; ut naq tatkamq, jiljo taakanaaq laatz'ejwal chiru xtiqwal li kutan ut chiru xkehal li q'oqyink.