Jeremías 22:13 - Q'eqchi Bible

¹³ “Ra chaalel sa' aab'een li nakatkab'lak rik'in maa'usilal ut nakayiib' laawochoch rik'in b'alaq'ik; nakatawasiheb' laawas aawiitz'in chi k'anjelak ut ink'a' nakatoj li xk'anjeleb'.

Li Santil hu

¹³ At rey, raylal ta̱cha̱lk saꞌ a̱be̱n xban nak nacayi̱b la̱ palacio ut incꞌaꞌ nacaba̱nu saꞌ ti̱quilal. Nacanimobresi ban a̱cuib riqꞌuin balakꞌi̱c ut nacaqꞌueheb la̱ cuas a̱cui̱tzꞌin chi trabajic ut incꞌaꞌ nacatojeb.

Jeremías 22:13 ပူးပေါင်းရင်းမြစ်များ

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

Miqueas 3:10

laa'ex nekekab'la Jerusalén ut Sión sa' xb'een li maa'usilal ut li kamsij ib'.

Levítico 19:13

“Maarahob'tesi laawas aawiitz'in chi moko chamaq' li k'aru wank re. “Chatoj laj k'anjel chawu tz'aqal sa' xq'ehil, ut maakanab' toj re wulaj.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Jeremías 22:18

Jo'kan utan, a'an a'in li aatin naxye li Qaawa' chirix laj Johakín, ralal laj Josías, li awab'ej re Judá: “Maajun taayaab'aq chirix naq taakamq, chi moko te'xye: «Toq'ob' ru li qas qiitz'in. Toq'ob' ru li awab'ej: ak xq'ajk xsutq'iik».

2 Crónicas 36:4

Li awab'ej re Ejiipt kixxaqab' laj Eliakín, riitz'in laj Johakás, cho'q awab'ej re Judá ut Jerusalén, ut aj Johakín chik kixk'e cho'q xk'ab'a'. Ut laj Johakás li asb'ej kik'ame'k xb'aan laj Nekó aran Ejiipt.

2 Crónicas 36:5

Oob' xka'k'aal chihab' wank re laj Johakín naq ki'ok cho'q awab'ej, ut junlaju chihab' ki'awab'ejink aran Jerusalén. Ab'an kixb'aanu li ink'a' nawulak chiru li Qaawa' li xYos.

Isaías 5:8

Ra chaalel sa' eeb'een li yookex chi loq'ok naab'al chi ochoch, li yookatqex chi loq'ok ch'och', toj reetal naq maajun chik nekek'ul ut chanchan naq ka'ajex wi' laa'ex wankex sa'eb' li tenamit.

Jeremías 17:11

Li ani nab'ihomo'k rik'in b'alaq'ik, a'an kama' li xik'anel xul li naxmetzo li mol maawa' re. Taasachq li xb'ihomal chiru, chi junpaat, ut taakanaaq jo' li maak'a' xna'leb'.

Deuteronomio 15:13

Ut naq taakanab' chi ach'ab'anb'il, moko taataqla ta chi maak'a' taasi re,

Li xHu LAJ JOB 31:39

Ab'an wi wank ta ani xwelq'a li k'aru re, malaj xintawasiheb' laj k'anjel chiwu,

Habacuc 2:12

Ra chaalel sa' aab'een laa'at li nakatkab'lak sa' xb'een li rahilal ut nakatk'ojob'ank tenamit rik'in kamsink ut maa'usilal.