Jeremías 21:13 - Q'eqchi Bible

¹³ Laa'in, li Qaawa', yo tz'aqal injosq'il sa' eeb'een li nim eewankil chiru taq'a, jo'kex li saqoonak chiru li helhookil ru ch'och'. Laa'ex nekeye: Ani taachalq chi yalok qik'in? Ani toltawoq qe sa' li qakawub'resinb'il tenamit? chankex.

Li Santil hu

¹³ La̱in yo̱ injoskꞌil saꞌ e̱be̱n la̱ex li cuanquex saꞌ li helho ru saꞌ xbe̱n li tzu̱l. La̱ex nequecꞌoxla nak cau e̱rib joꞌ jun sako̱nac. La̱in tinsach e̱ru la̱ex li nequeye, “¿Ani ta biꞌ ta̱sachok ku? ¿Ani ta biꞌ ta̱ru̱k ta̱oc saꞌ katenamit li ac cauresinbil re takacol cuiꞌ kib?”

Jeremías 21:13 ပူးပေါင်းရင်းမြစ်များ

Ezequiel 13:8

Jo'kan naq laa'in, li Qaawa', ninye chi jo'ka'in: Moko yaal ta li moy u nekeril ut tz'aqal tik'ti' li nekeye; jo'kan naq yo injosq'il sa' eeb'een -chan li Qaawa'-.

Lamentaciones 4:12

Eb' li awab'ej ut li tenamit sa' ruuchich'och' maajun sut xe'xk'oxla naq laj rahob'tesinel ut eb' li xik' neke'ilok te'ok ta sa' li tenamit Jerusalén.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Jeremías 50:31

“At q'etq'et aj tenamit, yo injosq'il aawik'in; xwulak laakutankil ut xtaw xq'ehil naq taatoj rix laamaak.

Salmos 125:2

Sutsu Jerusalén xb'aaneb' li tzuul; jo'kan ajwi' li Qaawa' naxsut li xtenamit chalen anaqwan ut junelik q'e kutan.

Jeremías 49:16

Xatxb'alaq'i laaq'etq'etil, xb'aan naq xiwajel aawu naq xatwank. Laa'at wankat sa' xyanqeb' li saqoonak ut kaw aach'ool rik'ineb' li najt xteramil tzuul. Us ta taayiib' laamuheb'aal chi jwal najt xteram jo' li t'iw, toj aran ajwi' tatinkub'si chaq -chan li Qaawa'-.

Jeremías 21:5

Laa'in ajwi' jun tinyaloq eerik'in, rik'in xnimal inwankil ut inmetz'ew, chi k'ajo'aq injosq'il sa' eeb'een.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

Jeremías 51:25

Relik chi yaal naq yo injosq'il sa' aab'een, at xnimal ru tzuul aj juk'unel, li nakasach chixjunil li ruuchich'och' -chan li Qaawa'-. Twisi linjosq'il sa' aab'een, tatinjukuki sa' xb'eeneb' li saqoonak ut chanchanaqat chik li choqlenb'il k'iche' tatinkanab'.

Jeremías 7:4

Meeb'alaq'i eerib' chi xyeeb'al: Arin wank rochoch li Qaawa', waayi' li rochoch li Qaawa', a'in li rochoch li Qaawa'!

Éxodo 13:8

Sa' li kutan a'an taach'olob' re laawalal: «Ninb'aanu a'in re xjultikankil li kixb'aanu we li Qaawa' naq kin'elk chaq Ejiipt.

Éxodo 13:20

Ke'elk eb' laj Israel aran Sukot ut koxe'hilanq Etán, chire li chaqich'och':

Ezequiel 5:8

Jo'kan naq laa'in li Qaawa' ninye: Laa'in xik' ajwi' tatwil, a Jerusalén, ut tinraqoq aatin sa' aab'een chiruheb' li xninqal ru tenamit,

Ezequiel 21:3

ut ye reheb': «K'ehomaq reetal naq xik' chik nekexwil. Twisi chaq linq'esnal ch'iich' ut tinkamsi li tiik xch'ool jo'wi' laj maak.

Ezequiel 34:10

li ninye laa'in, li Qaawa': Ex aj k'aak'alenel, xik' chik nekexwil ut tintitz' eere b'ar wankeb' linketomq; texwisi sa' leek'anjel chi ilok ketomq, re naq ink'a' chik te'xch'oolani rib' xjuneseb'. Tinmaq'eb' linkarneer cheru re naq ink'a' chik teetzekaheb'».

Nahum 2:13

Jo'ka'in xye li Nimajwal Yos: “Xinchalk chajuk'b'al. Tink'ateb' laab'eleb'aal ch'iich' ut sib' aj chik teb'inkanab' wi'. Tinsach ruheb' laawalal aak'ajol, twisi sa' laatenamit chixjunil laawelq'ahom ut ink'a' chik taa'ab'imanq xyaab' xkux laj yehol esil”.

Jeremías 17:3

jo' ajwi' sa' xjolomeb' li tzuul ut chiru taq'a. Chixjunil laaweechanihom ut laab'ihomal tink'e chi elq'aak xb'aan li maak li xab'aanu sa'eb' li tijob'aal chi tzuul ut sa' chixjunileb' laana'aj.