Jeremías 20:11 - Q'eqchi Bible

¹¹ Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Li Santil hu

¹¹ Abanan, la̱at at inDios, la̱at cuancat cuiqꞌuin. La̱at tatcolok cue riqꞌuin la̱ cuanquil. Li teꞌraj xba̱nunquil raylal cue, incꞌaꞌ taxak us teꞌe̱lk. Xuta̱nal teꞌe̱lk nak teꞌril nak ma̱cꞌaꞌ naru teꞌxba̱nu cue. Ta̱cubsi taxak xcuanquileb chi junaj cua.

Jeremías 20:11 ပူးပေါင်းရင်းမြစ်များ

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Jeremías 15:20

Laa'in tatinxaqab' chiruheb' a'an jo' jun kumul chi tz'ak li jwal kaw rib', jo' xkawil li q'anch'iich', li maajoq'e taaruuq xjuk'b'al. Te'yaloq aawik'in, ab'an ink'a' te'numtaaq sa' aab'een, xb'aan naq wankin aawik'in chakolb'al ut chatenq'ankil.

Jeremías 17:18

Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Salmos 6:10

Li Qaawa' xrab'i lintij, li Qaawa' xsume chaq linpatz'om.

Salmos 40:14

Chakuy taxaq inmaak, at Qaawa', ut chinaakol; seeb'a chaq aawib' chintenq'ankil, at Qaawa'!

Salmos 35:26

Xutaanal taxaq che'kanaaq ut che'eetz'uuq eb' li neke'saho'k xch'ool rik'in li rahilal yookin xk'ulb'al; che'kanaaq taxaq sa' xutaanal ut che'majewaaq jo'k'ihal li neke'raj numtaak sa' inb'een.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Jeremías 23:40

Texinkanab' sa' xutaan chi junwaakaj li maajun taasachq sa' xch'ool»”.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Isaías 45:16

Sachsooqeb' xch'ool te'kanaaq laj yiib'ahom jalanil yos, te'kub'siiq xwankil ut te'se'eeq.

Salmos 66:5

Kimqex chi rilb'al li xb'aanuhom li Yos, kimqex chi rilb'al li sachb'ach'oolej kixb'aanu cho'q qe.

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

Salmos 65:5

Us xaq re li sik'b'il ru aab'aan, a' li nakak'am aawik'in re taawanq sa' laamuheb'aal. Chisaho'q sa' qach'ool rik'in li saa'us wank sa' laajunkab'al, rik'in li loq'laj eechej wank sa' laawochoch.

Salmos 47:2

Poq'poq'ihomaq leeruq', chejunilex laa'ex li tenamit, japomaq eere xyaab'ankil xk'ab'a' li Yos chi sa leech'ool!

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Salmos 129:2

q'axal kine'xrahob'tesi chalen chaq sa' linsaajilal, ab'anan ink'a' ke'numtaak sa' inb'een.

Jeremías 15:15

At Qaawa', laa'at nakanaw chixjunil; jultikaqin aawe ut kim chintenq'ankil. Maakuy chik xmaakeb' li yookeb' xsik'b'al inkamsinkil: mare anchal tinkamq laa'in. Jultikaq aawe naq sa' aak'ab'a' ninkuy li majewaak.

Jeremías 22:22

Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.

Jeremías 32:18

Laa'at nakawuxtaana ruheb' li k'iila o'q'ob' chi poyanam, ab'anan nakarahob'tesiheb' ajwi' eb' li winq xb'aan li xmaakeb' li xna' xyuwa'eb'. At Nimajwal Yos li rajawal kaw aawib'; laak'ab'a' laa'at a'an Nimajwal Yos!

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.