Jeremías 2:7 - Q'eqchi Bible

⁷ Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Li Santil hu

⁷ La̱in quincꞌamoc reheb saꞌ li naꞌajej li na-el cuiꞌ nabal li acui̱mk re nak teꞌxtzaca li ru li cheꞌ ut li ru li cha̱bil acui̱mk li na-el aran. Abanan eb aꞌan incꞌaꞌ us queꞌxba̱nu. Queꞌxmux ban ru li naꞌajej li quinqꞌue reheb.

Jeremías 2:7 ပူးပေါင်းရင်းမြစ်များ

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

Números 13:27

A'an a'in li ke'xseeraq'i: “Xoowulak sa' li tenamit xoohaataqla wi', ut relik chi yaal naq xq'emal li ch'och'. A'aneb' a'in ru li awimq.

Ezequiel 36:17

“At kaamel winq, naq eb' laj Israel wankeb' chaq sa' li xch'och'eb', ke'xmux li na'ajej rik'in li xyehom ut xb'aanuhomeb'; ke'xtz'ajni li xna'ajeb' jo' li xpuch'unik junaq ixq.

Jeremías 3:9

Maak'a' xxutaan chi xmuxb'al rib'; ut kixtz'ajni ru chixjunil li tenamit naq ki'ok chi xloq'oninkil ru li yos yiib'anb'il rik'in pek ut che'.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Miqueas 2:10

Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Ezequiel 20:6

Sa' li kutan a'an kinye injurament naq te'wisi sa' li tenamit Ejiipt ut tink'ameb' sa' jun li na'ajej insik'om chaq cho'q reheb', jun xq'emal ch'och' b'arwi' sa li wank, ut q'axal chik chaab'il chiru chixjunileb' li na'ajej sa' li ruuchich'och'.

Nehemías 9:25

Koxe'xchap eb' li tenamit kawub'resinb'ileb' chi us ut li chaab'il ch'och'; naab'aleb' li ochoch nujenaqeb' chi chaab'il eechej, xiikileb' li kumb', li awimq uub' ut oliiw, ut eb' li che' na'uuchink. Ke'wa'ak, ke'k'ojlaak xch'ool, ke'ninqank xtib'eleb' ut ke'xyal xsahil li xnimal aawusilal.

Deuteronomio 21:23

Ab'an maakanab' jun q'oqyinaq li xtib'el chiru li che'; taamuq b'an sa' ajwi' li kutan a'an, xb'aan naq junaq winq t'uyt'u, a'an majewanb'il xb'aan li Qaawa'. Chi jo'kan ink'a' taamux ru li ch'och' li tixk'e chaweechani li Qaawa' laaYos.

Deuteronomio 6:18

B'aanuhomaq li tiikilal ut li us chiru li Qaawa' re naq sahaq sa' leech'ool ut toxeereechani li chaab'il ch'och' li kixyeechi'i li Qaawa' reheb' leena' leeyuwa',

Jeremías 3:2

Taqsi laawilob'aal sa' xjayal eb' li tzuul ut k'e reetal: ma wank junaq na'ajej ink'a' xatyumb'eetak wi'? Chire b'e xachunub' aawib' royb'eninkileb' li neke'rahink aawu, chanchanat junaq ixq aj Arabia sa' li junesal na'ajej, ut xatz'ajni ru chixjunil li tenamit rik'in laamaa'usilal ut yumb'eetak.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.

Jeremías 32:30

Chalen chaq sa' xtiklajik, eb' laj Israel jo'wi' eb' laj Judá junes maa'usilal neke'xb'aanu; eb' li ralal xk'ajol laj Israel junes xyoob'ankil injosq'il neke'xb'aanu rik'in xyiib'ankil li xjalanil yoseb' -chan li Qaawa'-.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Oseas 9:3

Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

Deuteronomio 32:9

Ab'an li kitz'aqk li Qaawa', a'an li xtenamit; laj Jakob kikanaak tz'aqal cho'q reechanihom.

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

Isaías 19:25

Ut te'osob'tesiiq xb'aan li Nimajwal Yos chi jo'ka'in: “Osob'tesinb'il taxaq Ejiipt lintenamit, jo' ajwi' Asiria li kink'uub' rik'in wuq'; osob'tesinb'ilat taxaq Israel, li tz'aqal intenamit”, cha'aq li Yos.

Ezequiel 20:24

Xb'aan naq toj naxik xch'ooleb' chirixeb' li xjalanil yoseb' li xna' xyuwa'eb'; jo'kan naq ke'xtz'eqtaana linchaq'rab', ink'a' ke'xpaab' li waatin ut ke'xsach xwankil linhilob'aal kutan.

Ezequiel 23:35

“Jo'kan naq laa'in, li Qaawa', ninye chi jo'ka'in: Sa' xk'ab'a' naq xinaatz'eq chirix laach'ool ut xinaakanab', jo'kan naq taatoj rix laamaa'usilal ut laayib' aj b'aanuhom”.