Jeremías 2:6 - Q'eqchi Bible

⁶ Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Li Santil hu

⁶ Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Jeremías 2:6 ပူးပေါင်းရင်းမြစ်များ

Deuteronomio 32:10

Li Qaawa' kixtaw laj Jakob sa' li chaqich'och', sa' junesal na'ajej b'arwi' k'ajo' li wo'teek; ut kixxok, kixch'oolani rilb'al ut kixk'uula chi us kama' tawi' xsa' li ru.

Oseas 13:4

Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

San Mateo 4:16

Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Oseas 12:13

Rik'in xtenq'aal jun li propeet li Qaawa' kirisiheb' chaq laj Israel aran Ejiipt ut kixk'aak'aleheb' rik'in xk'anjel jun propeet.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 64:7

Maajun junaq napatz'ok laak'ab'a', chi moko naxyal xq'e chi xsik'b'al laatenq'aal, xb'aan naq xamuq aawib' chiqu ut xoohaakanab' rub'el xwankilal li qamaa'usilal.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Salmos 77:5

Ink'a' nikinaak'e chi wark, at Qaawa', tik sachso linna'leb' ut ink'a' chik ninru chi aatinak.

Salmos 23:4

Us ta tinnume'q chiru q'oqyinkil taq'a, maak'a' k'aru tinxiwa laa'in, xb'aan naq wankat wik'in, at Qaawa'; laab'aar ut laaxuq' neke'xk'ojob' inch'ool.

Li xHu LAJ JOB 35:10

Ab'an ink'a' neke'xsik' laj Yoob'tesihom reheb'; ink'a' neke'xpatz' li nak'ehok sahilal sa' q'oqyinkil ru honal,

Li xHu LAJ JOB 3:5

Li aak'ab' ut li mu chisutunq re, li choql chimuheelanq re ut chixib'esiiq xb'aan xmuhenkil rib'eb' li saq'e ut li po.

2 Reyes 2:14

Chirix chik a'an kixsak' li nima' chiru li xb'aatal laj Elías, ab'an li ha' ink'a' kixjek' rib'. Toja' naq kixye: “B'ar wank li Qaawa', li xYos laj Elías?”. Kixsak' wi' chik li ha', ut a'in kixjek' rib' chi xka'pak'alil, ut laj Eliseo kinume'k chiru chaqich'och'.

Jueces 6:13

Kichaq'ok laj Jedehón ut kixye: “Chinaakuy, at inQaawa'. Wi li Yos wank qik'in, k'a'ut naq yooko chi xk'ulb'al chixjunil a'in? B'ar wankeb' chixjunil li sachb'ach'oolej li neke'xseeraq'i qe eb' li qana' qayuwa' naq neke'xye: «Ma maawa' tab'i' li Qaawa' ki'isink chaq qe Ejiipt?», chankeb'. A'ut anaqwan li Qaawa' xooxkanab' qajunes ut xooxq'axtesi sa' ruq'eb' laj Madián”, chan laj Jedehón.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 1:19

“Naq koo'elk Horeb, kiqab'eeni chixjunil li nimla ut xiwajel na'ajej eerilom, a' li wank sa' xb'ehil li xteepaleb' laj Amor, jo' kooxtaqla wi' li Qaawa' li qaYos, ut koowulak Kadés-Barné.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Jeremías 51:43

Nakirirnak xe'kanaak eb' li xtenamit, chanchaneb' aj chik li joxk' ch'och'; maajun chik poyanam wank chisa' chi moko nanume'k aran.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Jeremías 5:12

Ke'xyehatq naq maak'a' li Yos: “Maak'a' xwankil li Yos; maajun rahilal tqak'ul. Ink'a' taawanq raaxiik' chi moko we'ej.