Jeremías 2:5 - Q'eqchi Bible

⁵ Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

Li Santil hu

⁵ Li Ka̱cuaꞌ naxye chi joꞌcaꞌin: —¿Ma cuan ta biꞌ cꞌaꞌak re ru incꞌaꞌ us xinba̱nu nak xineꞌxtzꞌekta̱na le̱ xeꞌto̱nil yucuaꞌ? Eb aꞌan queꞌxlokꞌoniheb li yi̱banbil dios li ma̱cꞌaꞌ nequeꞌoc cuiꞌ. Joꞌcan nak ma̱cꞌaꞌ ajcuiꞌ nequeꞌoc cuiꞌ le̱ xeꞌto̱nil yucuaꞌ.

Jeremías 2:5 ပူးပေါင်းရင်းမြစ်များ

2 Reyes 17:15

Ke'xtz'eqtaana li xchaq'rab' ut li xsumwank li Qaawa' li kixk'ojob' rik'ineb' li xxe'toonil yuwa'eb'. Ke'xq'et li teneb'anb'il sa' xb'eeneb' ut koheb' chirixeb' li yos li maak'a' neke'ok wi'. Jo'kan naq ke'kanaak chi maak'a' neke'ok wi' ut ke'xk'anasi eb' li tenamit wankeb' chi xsutameb', us ta yeeb'il reheb' xb'aan li Qaawa' naq ink'a' te'xb'aanu jo' eb' a'an.

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

Jonás 2:8

Eb' li neke'loq'onink eb' li yal k'oxlanb'il yos, moko tiikeb' ta xch'ool chawix.

Salmos 115:8

Kama'aqeb' ajwi' a'an li xe'yiib'ank reheb', jo'k'ihaleb' li k'ojk'ookeb' xch'ool rik'ineb'.

Isaías 44:9

Chixjunileb' laj yiib'ahom xjalam u jalanil yos maak'a' neke'ok wi'; maak'a' rajb'al li xb'aanuhomeb' us ta jwal raaro xb'aaneb'. Eb' li neke'loq'onink reheb' maak'a' neke'ril ut maak'a' neke'xnaw; jo'kan naq te'kanaaq sa' xutaan.

1 Samuel 12:21

Mexxik chirixeb' li maawa'eb' yos. Eb' a'an ink'a' neke'kolok ut maak'a' neke'ok wi', xb'aan naq yal k'oxlanb'ileb' yos.

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

San Mateo 15:8

«Li tenamit a'in rik'in xtz'uumal reheb' nikine'roxloq'i, a'ut li xch'ooleb' najt wank wik'in.

Ezequiel 11:15

“At kaamel winq, eb' li wankeb' Jerusalén yookeb' chi xyeeb'al chi jo'ka'in chirixeb' laawas aawiitz'in, laakomoneb' ut chixjunileb' laawech Israelil: «Jwal najt wankeb' rik'in li Qaawa'. Ut laa'o xooxk'e chi wank sa' li ch'och' a'in, re taaqeechani ut arin toowanq», chankeb'.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Jeremías 12:2

Laa'at xat-awok reheb' jo'eb' li che', ut eb' a'an neke'xchap xxe' ut neke'uuchink. Laak'ab'a' junelik wank chi xtz'uumal reheb', ab'an li xch'ooleb' najt wank aawik'in.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Isaías 46:12

Ab'ihomaqin, laa'ex li kaw eejolom, li najt wankex rik'in li kolb'a ib':

Jeremías 2:4

“Ex aj Israel, ralal xk'ajolex laj Jakob, ab'ihomaq li naxye li Qaawa'.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Ezequiel 14:5

“Tintoch' xch'ooleb' laj Israel li xe'najto'k wik'in xb'aan chixjunileb' li xjalanil yoseb'.