Jeremías 2:36 - Q'eqchi Bible

³⁶ K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Li Santil hu

³⁶ ¿Cꞌaꞌut nak xejal e̱naꞌleb nak xepatzꞌ e̱tenkꞌanquil riqꞌuineb li jalaneb xtenamit? Ta̱cꞌutekꞌ e̱xuta̱n xbaneb laj Egipto joꞌ nak xcꞌuteꞌ e̱xuta̱n xbaneb laj Asiria.

Jeremías 2:36 ပူးပေါင်းရင်းမြစ်များ

Jeremías 31:22

Jo'q'e taakanab' xb'eeninkil aawib' jo' junaq q'etq'et aj tuq'ixq? Xb'aan naq li Qaawa' xyoob'tesi ak' na'leb' sa' ruuchich'och': a' chik li ixq nasik'ok re li winq”.

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.

Jeremías 2:23

Chan put ru naq nakaye: «Maak'a' ninmux wi' wib', ink'a' ninloq'oni ru laj Bahal»? Il eb' laanums chiru li taq'a ut k'e reetal laab'aanuhom, at ch'ina kameey li nakatsachb'esink b'e;

2 Crónicas 28:16

Sa'eb' li kutan a'an li awab'ej Ajás kixtaqlaheb' aj yehol esil rik'ineb' li awab'ej re Asiria, re taatenq'aaq xb'aaneb':

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Oseas 10:6

Li wakax oor taak'ame'q ajwi' aran Asiria, jo' xsimaatan li xnimal ru awab'ej. Chi jo'kan eb' laj Efraín te'kaqo'q xb'aaneb' xxutaan ut eb' laj Israel te'xutaanaq chi rilb'al li xyoseb'.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Ezequiel 29:7

Naq yo'ooneb' chi oyb'enink aawik'in, ink'a' xatenq'aheb', xrahob'tesinkileb' chik xab'aanu; naq xe'xkawu xch'ool chawix, xat-elk chiruheb' ut xach'ina xch'ooleb'.

Lamentaciones 5:6

Naqapatz' qawa quk'a' re Ejiipt ut Asiria, a'eb' li xik' neke'ilok qe.

Lamentaciones 4:17

Xqayo'oni qatenq'ankil toj reetal ink'a' chik xqakuy. Xqoyb'eni jun tenamit chi qakolb'al, ab'an ink'a' xk'ulunk.

Jeremías 37:7

“Jo'ka'in xye li Qaawa', xYos laj Israel: Yehomaq re li awab'ej re Judá, li xtaqlank chaq eere chi patz'ok wik'in, naq eb' li xsoldaad laj Parahón, li xe'chalk raj chetenq'ankil, xe'sutq'iik wi' chik Ejiipt.

Jeremías 2:33

“Q'axal tzolb'ilat chi xsik'b'aleb' li neke'rahink aawu; a'atqeb' laj yumb'eet neke'xtzol re aawik'in!

Jeremías 2:18

Ut anaqwan, k'aru teetaw chirix naq texxik Ejiipt re ruk'b'al li xha'il li nima' Nilo? K'aru aj e naq texxik Asiria chi uk'uk ha' sa' li nima' Éwfrates?

Isaías 20:5

Eb' li poyanam te'sachq xch'ool ut te'xutaanaq xb'aaneb' laj Etiopía, li royb'enihomeb', ut xb'aaneb' laj Ejiipt, li xkawub' raj xch'ooleb'.

Jeremías 46:12

Eb' li xninqal ru tenamit neke'xnaw chik naq xsache'k laawankil, ut chixjunileb' xe'rab'i naq jap aawe chi yaab'ak; jun aj puub' naxpik'a rib' rik'in li jun chik ut chi xkab'ichaleb' neke't'ane'k chiru ch'och'”.

Ezequiel 16:28

Chi moko rik'in chixjunil a'an kik'ojlaak laach'ool! Katmaakob'k aj b'an wi' rik'ineb' laj Asiria ut ink'a' ajwi' kik'ojlaak laawaanm.

Jeremías 22:20

“Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Jeremías 22:22

Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.