Jeremías 2:32 - Q'eqchi Bible

³² Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Li Santil hu

³² ¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.

Jeremías 2:32 ပူးပေါင်းရင်းမြစ်များ

Salmos 106:21

Kisachk sa' xch'ooleb' li Yos laj Kolol reheb', li kixb'aanu chaq xninqal eetalil aran Ejiipt:

Jeremías 13:25

A'an laak'ulub', a Israel, a'an laaq'ajkamunkil li tink'e aawe -chan li Qaawa' Yos-. Xb'aan naq xinaatz'eq chirix aach'ool ut xkohat chirixeb' li yos li maak'a' neke'ok wi'.

Jeremías 3:21

“Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Jeremías 2:11

Ma wank junaq tenamit xjal li xyos? Us ta eb' a'an moko yoseb' ta! Ut lintenamit xjal ru li xloq'al rik'in li k'aru maak'a' na'ok wi'.

Isaías 17:10

Xb'aan naq xatz'eqtaana li Yos, laj kolol aawe, ut xsachk sa' laach'ool naq A'an li nak'ehok aakawilal. Jo'kan naq xawaw eb' li ch'ina'usil awimq rik'in jalanil iyaj li chalenaq sa' ab'l tenamit.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Salmos 9:17

Li Qaawa' xk'ut rib' ut xraqok aatin: xb'ach'le rib' laj maak sa' li xb'aanuhom li ruq'.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Génesis 24:22

Naq ke'raqe'k chi uk'ak eb' li kameey, li winq kixchap jun matq'ab' oor kach'in chik maa mero oons li raalal, ut kixk'e chi ru'uj ruq' li ixqa'al; kixk'e ajwi' jun sumal xsahob' ru xkux ruq', numenaq kaahib' oons li raalal.

2 Samuel 1:24

Ex ixq aj Israel, yaab'anqex chirix laj Saúl li xexxtiqib' rik'in kaqi t'ikr ut chaab'il liin, li xk'ehok xsahob' ru leeraq' rik'in oor.

Génesis 24:53

Chirix chik a'an kirisi chaq li aq'ej ut k'a'aq re ru yiib'anb'il rik'in oor ut plaat, ut kixk'e re lix Rebeka. Jo'kan ajwi' kixk'e xmaataneb' li ras ut li xna'.

Génesis 24:30

Naq laj Labán kiril li xmatq'ab' ut li xsahob' ru xkux ruq' li ranab', ut kirab'i xyeeb'al lix Rebeka: “Jo'ka'in naq xinraatina li winq a'an”, kiwulak rik'in li winq ut koxtaw chire li ha' wankeb' wi' li xkameey.

Isaías 57:11

“K'a' chi yosil xxib'esink aawe ut xatxiwak xb'aan naq xinaab'alaq'i ut xinsachk sa' laach'ool chi junajwa? Ma yal xb'aan naq maak'a' ninye aawe chalen chaq junxil naq ink'a' xaxiwa wu?

Jeremías 2:33

“Q'axal tzolb'ilat chi xsik'b'aleb' li neke'rahink aawu; a'atqeb' laj yumb'eet neke'xtzol re aawik'in!

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Jueces 8:34

Kisachk sa' xch'ooleb' li Qaawa', a' li Yos li kikolok reheb' sa' ruq'eb' li xik' neke'ilok reheb' wankeb' chi xsutam.

Jeremías 23:27

Rik'in li matk' li neke'xseeraq'i chirib'ileb' rib', neke'raj naq lintenamit tinxtz'eq chirix li xch'ool, kama' ke'xb'aanu chaq eb' li xna' xyuwa'eb' naq kinsachk sa' xch'ooleb' ut ke'ok chi xloq'oninkil ru laj Bahal.