Jeremías 2:31 - Q'eqchi Bible

³¹ Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Li Santil hu

³¹ La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Jeremías 2:31 ပူးပေါင်းရင်းမြစ်များ

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

1 Corintios 4:8

Ak xexnujak! Ak xexb'ihomo'k! Xex'ok chi awab'ejink chi ink'a' xexqatenq'a laa'o! Us rajan naq ak ta xex'ok chi awab'ejink re naq laa'o ajwi' too'awab'ejinq eerochb'een!

Miqueas 6:9

Li Qaawa' xjap re chi xb'oqb'al Jerusalén: “Ab'ihomaq, ex tenamit ut li nekexk'ehok na'leb'!

Amós 1:1

A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Isaías 45:19

Ink'a' xin'aatinak sa' hasb' chi moko sa' junaq muqmuukil na'ajej. Moko xinye ta reheb' li ralal xk'ajoleb' laj Jakob: «Sik'omaqin b'arwi' maak'a' wank». Laa'in li Qaawa' li nin'aatinak chi tz'aqal yaal, ut tiikil aatin ninye.

Proverbios 30:9

Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Salmos 12:4

Xtz'apaq li Qaawa' li xtz'uumal reheb' li neke'b'alaq'ink, xsetaq li ru'uj raq' eb' li neke'xq'etq'eti rib'eb',

Salmos 10:4

Laj maak ink'a' naxsik' li Qaawa' xb'aan naq q'etq'et; junelik naxye sa' xch'ool: “Moko wank ta li Yos!”, chan.

2 Crónicas 31:10

ut kichaq'ok laj Asarías, li xb'eenil aj tij, xkomoneb' laj Sadok, ut kixye: “Chalen naq ke'xtikib' xk'amb'al chaq li mayej cho'q re li rochoch li Qaawa', nokootzekank ut nokoonujak, ut toj wank naab'al li tzekemq na'ela'ank. Chixjunil a'in x'ela'ank, xb'aan naq li Qaawa' xrosob'tesi li xtenamit”, chan.

Deuteronomio 31:20

Naq akaq xe'woksi sa' li xq'emal ch'och' kinyeechi'i reheb' li xna' xyuwa'eb', naq akaq xe'wa'ak ut xe'nujak ut xe'ninqank xtib'eleb', te'xik chirixeb' li jalanil yos, te'xloq'oni ruheb' ut laa'in tine'xtz'eqtaana ut te'xq'et linSumwank.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Jeremías 2:25

Chak'e reetal, at Israel! Ok aawe chi xch'e'b'al laawoq ut taachaqiq xsa' laawe xb'aan li chaqi'eel. Ab'an laa'at nakaye: «Maak'a' chik xja'lenkil: laa'in nawulak chiwu xik chirixeb' laj ab'l tenamit ut eb' li jalanil yos twaj tinloq'oni», chankat.

Deuteronomio 32:18

“At Israel, xsachk sa' aach'ool li Saqoonak, laj Yoob'tesinel aawe; xatz'eqtaana li Yos li kisiyank aawe.

1 Reyes 11:22

Laj Parahón kixsume: “K'aru xlajk aawe arin wik'in naq taawaj xik sa' laatenamit?”, chan. Kixye laj Hadad: “Maak'a' xlajk we, ab'anan chakuy inmaak, kanab'in chi xik sa' lintenamit”.

Li xHu LAJ JOB 21:14

Neke'xye re li Qaawa': “Kanab'o qajunes, ink'a' naqaj xnawb'al laachaq'rab'.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Ezequiel 14:5

“Tintoch' xch'ooleb' laj Israel li xe'najto'k wik'in xb'aan chixjunileb' li xjalanil yoseb'.