Jeremías 2:30 - Q'eqchi Bible

³⁰ Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Li Santil hu

³⁰ Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

Jeremías 2:30 ပူးပေါင်းရင်းမြစ်များ

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

1 Ts 2:15

Eb' a'an ke'xkamsi li Qaawa' Jesus jo'wi' eb' li propeet, ut xoohe'xrahob'tesi laa'o. Neke'xb'aanu li raaxiik' reheb' chixjunil, ut li Yos ink'a' nawulak chiru li xna'leb'eb';

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

San Mateo 23:29

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex, xb'aan naq nekeyiib' xmuqleb'aaleb' li propeet ut nekerutz'u'uji ru li xmuqleb'aaleb' li tiikeb' xch'ool,

Jeremías 7:28

Ye reheb' chi jo'ka'in: «A'an a'in li tenamit li ink'a' xraj xpaab'ankil raatin li Qaawa' li xYos, chi moko xraj q'use'k. Maak'a' chik li tiikilal ut li yaal rik'ineb'; x'oso'k chi junwaakaj»”.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Apocalipsis 16:9

Ut eb' li winq ke'k'ate'k xb'aan xnimal tiqwal, ut ke'xmajewa li Yos li wank xwankil sa' xb'eeneb' li rahilal a'an: ink'a' ke'xjal xk'a'uxl, ink'a' ke'xk'e xloq'al li Yos.

Sofonías 3:2

Ink'a' xraj rab'inkil li xyaab' xkux li Qaawa' chi moko xk'ulub'a li q'use'k xb'aan; ink'a' xk'ojob' xch'ool chirix li xYos chi moko xjilok chi xk'atq A'an.

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Jeremías 31:18

Xwab'i chi tz'uyink laj Efraín: «Xinaatij, at Qaawa', ab'an xinaatij chi kaw jo' naxk'ul junaq saaj wakax ink'a' tuulanob'resinb'il. Kanab'in chi sutq'iik ut tinsutq'iiq wi' chik aawik'in, xb'aan naq laa'at li Qaawa', linYos.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

2 Crónicas 24:21

Ab'an eb' a'an ke'xk'uub' xkamsinkil, ut li awab'ej kixtaqlaheb' chi xteninkil chi pek toj reetal ke'xkamsi chiru xneb'aalil li rochoch li Qaawa'.

1 Reyes 19:14

Kichaq'ok ut kixye: “K'ajo' naq naxamnak linch'ool rik'in aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet. Ka'ajin aj chik xinkanaak ut te'raj ajwi' inkamsinkil”.

1 Reyes 19:10

“K'ajo' naq naxamnak linch'ool xb'aan aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet! Ka'ajin aj chik xinkanaak, ut te'raj ajwi' inkamsinkil”, chan laj Elías.

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Ezequiel 22:24

“At kaamel winq, ye re Jerusalén: «Laa'at chanchanat jun li ch'och' ink'a' xk'ulum li loq'laj hab' ut ink'a' chik t'aqresinb'il.

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.