Jeremías 2:26 - Q'eqchi Bible

²⁶ “Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

Li Santil hu

²⁶ La̱ex aj Israel, xecꞌut e̱xuta̱n joꞌ nak nacꞌuteꞌ xxuta̱n laj e̱lkꞌ nak nataꞌli chi elkꞌac. Jun xiquic nak xecꞌut e̱xuta̱n la̱ex ut eb le̱ rey, joꞌ eb li cuanqueb saꞌ xcuanquil ut eb laj tij ut eb li profetas.

Jeremías 2:26 ပူးပေါင်းရင်းမြစ်များ

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

Esdras 9:7

Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

Jeremías 48:27

Ex aj Mohab, ma ink'a' tab'i' xese'eb' laj Israel? Rajlal naq nekex'aatinak chirixeb', nekeb'anb'ani leejolom, jo'keb' tawi' aj elq'.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Isaías 1:29

Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

Ezequiel 16:54

re naq taakuy jo'ch'inal jo'nimal li taak'ul ut tatxutaanaq b'ayaq xb'aan li k'iila maa'usilal kab'aanu, ut a'an taak'ojlaaq wi' xch'ooleb'.

Ezequiel 22:26

Eb' laj tij sa' li tenamit a'in xe'xsach xwankil linchaq'rab' ut xe'xmux ru li k'a'aq re ru q'axal loq' cho'q we; ink'a' neke'xnaw xyeeb'al b'ar wank li loq' ut li muxb'il ru, chi moko b'ar wank li saq ru ut li tz'ajn ru. Ink'a' neke'roxloq'i linhilob'aal kutan, chi moko neke'xloq'oni wu laa'in.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

Salmos 97:7

Xutaanal neke'kanaak wi' eb' li neke'loq'onink re li jalanil yos, eb' li neke'xnimob'resi rib' rik'in li maak'a' na'ok wi'. Chixjunileb' li yos neke'xwiq'ib' rib' chiru li Qaawa'!

Isaías 44:9

Chixjunileb' laj yiib'ahom xjalam u jalanil yos maak'a' neke'ok wi'; maak'a' rajb'al li xb'aanuhomeb' us ta jwal raaro xb'aaneb'. Eb' li neke'loq'onink reheb' maak'a' neke'ril ut maak'a' neke'xnaw; jo'kan naq te'kanaaq sa' xutaan.

Isaías 44:11

Chixjunileb' li neke'loq'onink reheb' xutaanal te'elq, xb'aan naq eb' laj yiib'ahom reheb' yal winqeb'. Wi te'xch'utub' rib' sa' raqleb'aal aatin, te'ok xxiw chixjunileb' ut te'kanaaq sa' xutaan.

Jeremías 4:9

“Sa' li kutan a'an te'ch'inanq xch'ool li awab'ej jo'wi' li xjolomileb' li tenamit; parpotqeb' laj tij xb'aan xxiweb', ut eb' li propeet te'sachq xna'leb'eb'”, chan li Qaawa'.

Jeremías 22:22

Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.