Jeremías 2:20 - Q'eqchi Bible

²⁰ “Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Li Santil hu

²⁰ Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Jeremías 2:20 ပူးပေါင်းရင်းမြစ်များ

Deuteronomio 12:2

“Teesach chi junajwa chixjunileb' li na'ajej b'arwi' neke'xloq'oni li xyoseb' eb' li tenamit teereechani: teesach sa' xb'eeneb' li tzuul, sa' xb'eeneb' li b'ool ut rub'elatq chixjunil li xchaq'alil ru che'.

Levítico 26:13

Laa'in li Qaawa' leeYos, li kin'isink chaq eere Ejiipt re naq ink'a' chik wanqex rub'el xwankilaleb'. Kint'upi li kareen b'ak'b'ookex wi' aran ut kexink'e chi b'eek chi taqenaq leerilob'aal.

Jeremías 17:2

Eb' laawalal aak'ajol najultiko'k reheb' eb' li artal ut li xtooneb' li che' nekek'e cho'q yos, li wankatqeb' sa' xmuheb' li che', sa' xb'eenatq eb' li xninqal b'ool

Oseas 3:3

Ut kinye re: “Tatwanq sa' li wochoch chiru k'iila kutan ut ink'a' chik tatyumb'eetaq: maajun chik li winq taak'ul aawik'in ut laa'in ajwi' ink'a' tinwanq aawik'in”.

Jeremías 30:8

Chiru li kutan a'an laa'in tinkoleb' lintenamit ut tinjuk'i li xwankilaleb' li yookeb' chi rahob'tesinkeb' re. Ink'a' chik te'tawasiiq xb'aaneb' laj ab'l tenamit,

Isaías 1:21

Li tenamit li kiwank sa' tiikilal junxil k'ajo' naq xmux rib', kama' junaq aj yumb'eet! Q'axal tiik xch'ooleb' laj Jerusalén naq ke'wank, ab'an anaqwan junes aj kamsineleb' ras riitz'in aj chik.

Nahum 1:13

Tinsach li xwankileb' li neke'numtaak sa' aab'een ut tint'upi li kareen b'ak'b'ookat wi'”.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Ezequiel 23:5

“Lix Oholá kixmux rib' naq toj wankin rik'in, ut oxik xch'ool chirixeb' li neke'rahink ru, a'eb' laj Asiria li rechkab'aleb':

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Ezequiel 16:41

te'xk'at laawochoch ut chiruheb' chixjunileb' li ixq te'xteneb' tojb'amaak sa' aab'een. Aran toxraqe'q chixjunil laamaa'usilal ut ink'a' chik taatojeb' li neke'rahink aawu.

Ezequiel 16:31

Naq kakab'la eb' laatijob'aal sa' xxaalatq li b'e ut kayiib'eb' laa'artal sa' chixjunileb' li k'ayiil, ink'a' kapatz' aatojb'al jo' naxb'aanu laj yumb'eet,

Ezequiel 16:28

Chi moko rik'in chixjunil a'an kik'ojlaak laach'ool! Katmaakob'k aj b'an wi' rik'ineb' laj Asiria ut ink'a' ajwi' kik'ojlaak laawaanm.

Isaías 14:25

Tinsach ruheb' laj Asiria sa' lintenamit ut tinyeq'iheb' sa' woq sa'atqeb' lintzuul re naq te'xkanab' eerahob'tesinkil chi moko texxtawasiheb' chik”.

Isaías 10:27

Sa' li kutan a'an texwisi rub'el xwankileb' laj Asiria ut ink'a' chik texrahob'tesiiq xb'aaneb', tex'ach'ab'aaq b'an chi junajwa”.

Isaías 9:4

Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

1 Reyes 12:32

Chirix chik a'an kixxaqab' xkutankil li ninq'e li taawanq sa' li o'laju xb'e li xwaqxaq po, jo' chanru neke'ninq'ehik eb' laj Judá. Ut koxmayejaq chiru li artal aran Betel, sa' xk'ab'a'eb' li wakax kixyiib'. Aran Betel kixxaqab'eb' ajwi' aj tij cho'q reheb' li tijob'aal kixyiib' sa' xjolomeb' li tzuul.

1 Samuel 12:10

Toja' naq ke'tijok chiru li Qaawa' ut ke'xye: «Xoomaakob'k xb'aan naq xqatz'eqtaana li Qaawa' ut xqaloq'oniheb' laj Bahal ut eb' lix Astarté. Choohaakol taxaq, at Qaawa', chiruheb' li xik' neke'ilok qe, ut took'anjelaq chawu», chankeb'.

Josué 24:26

Laj Josué kixtz'iib'a eb' li aatin a'in sa' xHuhil li xChaq'rab' li Yos. Chirix chik a'an kixchap jun nimla pek ut kixxaqab' aran, chi roq li ji li wank sa' li xloq'laj ochoch li Qaawa',

Josué 24:24

Ut li tenamit ke'xye re laj Josué: “A' li Qaawa' li qaYos taaqak'anjela ru ut chiru A'an toopaab'anq”, chankeb'.

Josué 1:16

Eb' a'an ke'xsume laj Josué ut ke'xye re: “Jo'ch'inal jo'nimal xoohaataqla wi', tqab'aanu. Yalaq b'ar toohaataqla, tooxik.

Deuteronomio 26:17

Anaqwan xach'olob' naq li Qaawa' a'an laaYos ut xayeechi'i xtaaqenkil li xb'e. Xaye naq taapaab' li xtaqlahom, li xchaq'rab', eb' li raatin jo' ajwi' taawab'i li xyaab' xkux.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Deuteronomio 5:27

Jwal us naq laa'at tatnach'oq chi rab'inkil chixjunil li tixye li Qaawa' li qaYos; chirix chik a'an tolaaye qe. Laa'o tqab'i ut tqapaab'», chankex.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Éxodo 24:3

Kichalk laj Moisés ut kixye re li tenamit chixjunileb' li raatin li Qaawa' jo' ajwi' li xchaq'rab'. Ut chixjunileb' li tenamit ke'xsume chi junaj xyaab'eb' xkux: “Taaqapaab' chixjunil li aatin xye li Qaawa'”, chankeb'.

Éxodo 19:8

Ut chixjunil li tenamit wotz ke'xsume: “Taaqab'aanu jo'nimal li xye li Qaawa'”, chankeb'. Toja' naq laj Moisés kixnumsi li xyehom li tenamit chiru li Qaawa'.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

1 Reyes 14:23

xb'aan naq eb' a'an ajwi' ke'xyiib' eb' li tijob'aal ut eb' li pek che', chi xjolomeb' li tzuul ut rub'elatq xninqal che'.

Salmos 107:14

kirisiheb' sa' li aak'ab' ut sa' li q'oqyink, ut kixt'upi li kareen b'ak'b'ookeb' wi'.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Jeremías 13:27

Xwil chixjunil laamaa'usilal ut li xutaanalil yumb'eetak xab'aanu, xink'e reetal li xsahil aach'ool chi maakob'k; xwileb' laatz'i'b'eetalil yos sa' xb'eeneb' li tzuultaq'a. Toq'ob' aawu, a Jerusalén! Rahilal taachalq sa' aab'een, xb'aan naq ink'a' nakawaj xch'ajob'resinkil aawib'. Jo' najtil chik tatkanaaq chi jo'kan?”.

Oseas 4:13

Neke'xik chi mayejak sa' xjolomeb' li tzuul ut sa' xb'eeneb' li b'ool neke'k'atok k'ajpom; jo'kan ajwi' neke'xb'aanu rub'eleb' li xninqal che', xb'aan naq sa neke'hilank rub'el li xmuheb' a'an. Eb' leerab'in neke'yumb'eetak ut eb' leeralib' neke'xmux li xsumlajikeb'.

Jueces 2:11

Eb' laj Israel ke'xb'aanu li k'aru ink'a' nawulak chiru li Qaawa': ke'ok chi xloq'oninkileb' laj Bahal.

Jueces 2:13

ke'xkanab' li Qaawa' ut ke'xloq'oni ru laj Bahal jo'wi' lix Astarté.

Jueces 10:6

Ab'anan eb' laj Israel ke'ok wi' chik chi xb'aanunkil li ink'a' nawulak chiru li Qaawa': ke'xloq'oniheb' laj Bahal ut eb' lix Astarté, jo' ajwi' li xyoseb' laj Aram ut Sidón, li xyoseb' laj Mohab, li reheb' laj Amón ut reheb' laj Filistea. Ke'xtz'eqtaana li Qaawa' ut ink'a' chik ke'k'anjelak chiru.

Salmos 2:3

“Qat'upiiq li xkareeneb' -chankeb'-, qisihaq qib' sa' li xwankilaleb'!”.

Oseas 1:2

Jo'ka'in naq kixtikib' aatinak li Qaawa' chi xtz'uumal re laj Oseas. Li Qaawa' kixye re laj Oseas: “Ayu ut sumlan rik'in junaq ixq aj yumb'eet, ut chiwanq leeralal eek'ajol, xb'aan naq li tenamit xe'po'k xna'leb' chi junajwa, ut tik xe'najto'k wik'in, jo'keb' laj yumb'eet”.

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.