Jeremías 2:2 - Q'eqchi Bible

² “Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Li Santil hu

² —Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Jeremías 2:2 ပူးပေါင်းရင်းမြစ်များ

Ezequiel 16:60

Ab'an laa'in toj wank sa' inch'ool li sumwank kink'ojob' aawik'in naq toj saajat chaq, ut tinxaqab' xwankil linsumwank chi junajwa.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Jeremías 11:6

Toja' naq li Qaawa' kixye we: “Puktesi li esil a'in sa'eb' li tenamit sa' xteepal Judá ut sa'eb' li b'e re Jerusalén. Ye reheb' li poyanam: «Ab'ihomaq k'aru naxye li Sumwank a'in ut paab'omaq.

Jeremías 7:2

“Xaqab' aawib' chire li rochoch li Yos ut k'e chi nawe'k li esil a'in: Chejunilex laa'ex aj Judá, li nekexnume'k sa' li okeb'aal a'in re xloq'oninkil ru li Qaawa', ab'ihomaq li aatin a'in.

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Oseas 2:15

Aran tink'e chaq wi' chik li x'uub'; li xtaq'ahil Akor tkanaaq cho'q nimla sahilal, ut tinraatina wi' chik jo' chaq sa' li xsaajilal, jo' naq ki'elk chaq Ejiipt.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Éxodo 14:31

Ut naq eb' laj Israel ke'ril k'aru kixb'aanu li Qaawa' reheb' laj Ejiipt rik'in xnimal xwankil li ruq', li tenamit ke'xxiwa ru li Qaawa' ut ke'xpaab' li Qaawa' jo' ajwi' laj Moisés laj k'anjel chiru.

San Mateo 11:15

Ani wank xxik, chi'ab'inq.

San Lucas 12:13

Jun li winq sa' xyanqeb' li tenamit kixye re li Jesus: —At Tzolonel, ye re li was naq chixjek'aq b'ayaq we li junkab'lal xkanaak cho'q qe.

Jonás 1:2

“Kawresi aawib' ut ayu Nínive, li xnimal ru tenamit, ut ye reheb' naq chalk re li tojb'amaak sa' xb'eeneb', xb'aan naq toj wik'in xwulak resil li xmaa'usilaleb'”.

Oseas 8:1

“Yaab'asi li pur! Chanchan junaq t'iw naq li rahilal tixkut rib' sa' xb'een li xtenamit li Qaawa'. Xb'aan naq xe'xtz'eqtaana linsumwank ut xe'xq'etq'eti rib' chiru linchaq'rab'.

Ezequiel 23:19

Ab'an lix Oholibá k'ajo' chik li maa'usilal kixb'aanu, kijultiko'k re naq kixmux chaq rib' sa' li xsaajilal aran Ejiipt;

Ezequiel 23:8

Chalen naq kiwank chaq Ejiipt kiwank jo' aj yumb'eet ut maajun sut kixkanab' xb'aanunkil chalen chaq sa' xsaajilal, naq kixkanab' rib' chi ch'e'eek ut chi mayuuk toj reetal kib'atz'unleek xb'aaneb' naab'al chi winq.

Ezequiel 23:3

Chalen chaq sa' xsaajilaleb' ke'xtikib' xmuxb'aleb' rib' rik'ineb' li winq; aran Ejiipt ke'ch'e'eek ut kimayuuk li re xch'ooleb' toj reetal ke'xmux li xtuq'ixqilaleb'.

Ezequiel 16:22

Naq yookat chi xb'aanunkil li maa'usilal jo' aj yumb'eet, ink'a' kijultiko'k aawe naq sa' laasaajilal katwank chaq chi t'ust'u ut nakatb'oolank sa' laakik'el.

Jeremías 19:2

Chirix chik a'an tatxik sa' xtaq'ahil Ben-Hinón, sa' li Rokeb'aal laj Pak'onel, ut aran toxaaye li aatin tinye aawe.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

Proverbios 1:20

Li chaab'il k'a'uxl yo chi aatinak sa'eb' li b'e ut na'ab'iik li xyaab' xkux sa' li k'ayiil.

Éxodo 16:8

Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Apocalipsis 2:4

Ab'anan ch'a'aj naweek'a chawix naq ink'a' chik nakatrahok jo' junxil.

Salmos 129:1

B'ich re li taqsink. K'ajo' naq kine'xrahob'tesi chalen chaq sa' linsaajilal -che'xyehaq eb' laj Israel anaqwan-,

Jeremías 2:1

Li Qaawa' kinraatina ut kixye we chi jo'ka'in:

Jeremías 3:4

Toje' jun k'amok xaye we: «At inyuwa', laa'at li wamiiw chalen chaq sa' linsaajilal,

Oseas 2:7

Tixtaaqeheb' li xsum, ab'an ink'a' toxtaweb'; tixsik'eb', ab'an maab'ar tixtaweb'. Toja' naq tixye: «Tinsutq'iiq wi' chik rik'in linb'eelom, xb'aan naq sa ajwi' xinwank rik'in chiru anaqwan», cha'aq.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Oseas 2:17

Twisi sa' xch'ool li xk'ab'a'eb' laj Bahal ut maajoq'e chik tixpatz'eb' -chan li Yos-.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Oseas 11:1

“Naq toj saaj chaq laj Israel, q'axal kinra, ut toj Ejiipt kinb'oq chaq li walal.