Jeremías 2:13 - Q'eqchi Bible

¹³ Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Li Santil hu

¹³ Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Jeremías 2:13 ပူးပေါင်းရင်းမြစ်များ

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Juan 7:37

Sa' roso'jik li ninq'e, sa' xnimal xkutankil, kixye li Jesus chi xaqxo ut chi kaw xyaab' xkux: “Li taachaqiq re, chalqaq wik'in, ut li napaab'ank we, chi'uk'aq.

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Apocalipsis 21:6

Ut kixye we: “Ak xyaalo'k. Laa'in li Alfa ut li Omega, li xtiklajik ut li roso'jik. Ani taachaqiq re, tink'e chi uk'ak chi maatan sa' li yo'leb'aal ha' re li yu'am.

Salmos 36:9

Neke'xch'oolani rib' rik'in li saa'us wank sa' laawochoch; chanchan xkawil oq li nima', li sahilal nakak'e chi ruk'eb'.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Jeremías 2:11

Ma wank junaq tenamit xjal li xyos? Us ta eb' a'an moko yoseb' ta! Ut lintenamit xjal ru li xloq'al rik'in li k'aru maak'a' na'ok wi'.

2 Pedro 2:17

A'aneb' chanchaneb' li roqha' chaqijenaqeb', chanchaneb' li choql k'amb'ileb' xb'aan li kaqsut-iq': oyb'eninb'ileb' sa' xchamal li aak'ab'.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Jeremías 1:16

Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Isaías 63:8

Li Qaawa' kixye: “Relik chi yaal naq a'aneb' lintenamit, a'aneb' li walal li maajoq'e tine'xb'alaq'i”. Ut A'an kikolok reheb'

Isaías 5:13

Maak'a' xna'leb' lintenamit, jo'kan naq te'chape'q ut te'isiiq sa' xna'ajeb'. Li xninqaleb' ru winq kamkeb' re xb'aan tz'okaak ut chixjunileb' li poyanam te'chaqiq xb'aan chaqi'eel.

Isaías 1:3

Li b'ooyx naxnaw ru laj eechal re, ut li b'uur naxnaw b'ar nachalk li xtzekemq. A'ut laj Israel maak'a' naxnaw, maak'a' xna'leb' lintenamit”.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Eclesiastés 1:2

Li qayu'am maak'a' na'ok wi' -chan laj Ch'olob'anel-; jo'ch'inal jo'nimal wank sa' ruuchich'och', a'an maak'a' xyaalal ut maak'a' rajb'al!

1 Samuel 12:10

Toja' naq ke'tijok chiru li Qaawa' ut ke'xye: «Xoomaakob'k xb'aan naq xqatz'eqtaana li Qaawa' ut xqaloq'oniheb' laj Bahal ut eb' lix Astarté. Choohaakol taxaq, at Qaawa', chiruheb' li xik' neke'ilok qe, ut took'anjelaq chawu», chankeb'.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Jeremías 2:26

“Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

Eclesiastés 2:21

xb'aan naq jo'ka'in li k'anjelak sa' ruuchich'och': li ani nak'anjelak rik'in chaab'il na'leb', xseeb'al xk'a'uxl ut anchal xch'ool, tento tixkanab' li k'aru wank re cho'q re jalan chik li ink'a' xtawasi rib' chi k'anjelak. A'in ajwi' moko us ta ut maak'a' rajb'al.

Eclesiastés 1:14

Xink'e reetal naq chixjunil li nak'ulmank sa' ruuchich'och', a'an maak'a' rajb'al ut chanchan li chapok iq'.

Jueces 10:13

A'ut laa'ex xineetz'eqtaana ut xex'ok chi xloq'oninkileb' li jalanil yos. Jo'kan naq ink'a' chik texinkol anaqwan.

Miqueas 6:3

Jo'ka'in naxye li Qaawa': “At intenamit, k'aru xinmaakon chawu? K'aru xatinch'i'ch'i'i wi'? Ye b'i' we.

Miqueas 2:8

Laa'ex nekexnumtaak sa' xb'een lintenamit. Nekemaq' li xchaab'il aq'eb' li neke'sutq'iik chaq chi yalok chi saheb' sa' xch'ool.

Jeremías 18:14

Ma naru tab'i' nalajk li ratz'amke sa' li tzuul Líbano? Ma nachaqik tab'i' li ha' nakub'eek chaq sa'eb' li tzuul?

Jeremías 5:26

Sa' lintenamit wankeb' winq ink'a' useb' xna'leb' li junelik yookeb' chi luktesink ch'oolej, chanchan tawi' naq yookeb' chi ra'lenk xik'anel xul; ab'an a'eb' chik li winq neke'xluktesi xch'ooleb'.

Eclesiastés 12:8

Laa'in laj Ch'olob'anel ninye wi' chik a'in: Maak'a' rajb'al chixjunil li wank sa' ruuchich'och', tik maak'a' rajb'al!

San Juan 4:10

Kichaq'ok li Jesus ut kixye: —Wi nakanaw ta li xsimaatan li Yos ut ani li nayehok aawe: «K'e b'ayaq wuk'a'», laa'at raj xapatz' aawuk'a' re ut a'an tixk'e raj aawe yo'yookil ha'.

San Juan 4:11

Kixye li ixq re: —Qaawa', maak'a' k'aru taawisi wi' li ha' ut cham li jul: b'ar put taataw li yo'yookil ha'?

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Isaías 12:3

Chi sa sa' leech'ool teexok leeha' sa'eb' li xyo'leb'aal li kolb'a ib',

Jeremías 14:3

Eb' li ninqeb' xwankil neke'xtaqla li xmooseb' chi sik'ok ha'; eb' a'in neke'xik wankeb' wi' li kumb', ut maak'a' li ha'. Neke'sutq'iik chaq chi maak'a' xsa' li xkukeb'; sachsookeb' xch'ool ut tz'aptz'ookeb' li xjolomeb' sa' t'ikr xb'aan xxutaaneb'.

Jeremías 19:4

Xb'aan naq xine'xtz'eqtaana eb' laj Israel ut xe'xsach xwankil li na'ajej a'in, naq xe'mayejak k'ajpom chiruheb' li jalanil yos, li ink'a' xnawom ruheb' a'an chi moko eb' li xmama' rixa'aneb', chi moko eb' li awab'ej re Judá. Ut naab'aleb' li maak'a'eb' xmaak xe'xkamsi arin.

Ezequiel 47:1

Li winq kinxk'am wi' chik sa' rokeb'aal li rochoch li Yos, ut kink'e reetal naq rub'el li okeb'aal yo chi elk li ha', yo chi b'eek roq sa' xjayal releb'l saq'e, b'arwi' na'ilok li rochoch li Qaawa'. Li ha' na'elk sa' xnim li ochoch, sa' xjayal rokeb'l iq', sa' xka'yab'aal li artal.

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.

2 Reyes 22:17

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Ezequiel 14:5

“Tintoch' xch'ooleb' laj Israel li xe'najto'k wik'in xb'aan chixjunileb' li xjalanil yoseb'.