Jeremías 2:11 - Q'eqchi Bible

¹¹ Ma wank junaq tenamit xjal li xyos? Us ta eb' a'an moko yoseb' ta! Ut lintenamit xjal ru li xloq'al rik'in li k'aru maak'a' na'ok wi'.

Li Santil hu

¹¹ ¿Ma xeꞌxjal ta biꞌ lix dioseb li tenamit aꞌan? ¿Ma xeꞌxcanab ta biꞌ xlokꞌoninquil lix dioseb usta ma̱cuaꞌeb tzꞌakal dios? Abanan, la̱in xine̱tzꞌekta̱na la̱ex lin tenamit, usta la̱in li xinqꞌuehoc e̱lokꞌal. Aꞌ chic li yi̱banbil dios li ma̱cꞌaꞌ nequeꞌoc cuiꞌ nequelokꞌoni.

Jeremías 2:11 ပူးပေါင်းရင်းမြစ်များ

Romanos 1:23

ut ke'xjal li xnimal xloq'al li Yos ink'a' nalajk na'oso'k rik'in xjalam u winq na'oso'k, rik'in xjalam uheb' li xik'anel xul, eb' li xul kaahib'eb' roq ut eb' li neke'xjukuki rib' chiru ch'och'.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Jeremías 16:20

Ma naru naq li winq tixyiib' junaq xyos? Moko yoseb' ta li xb'aanuhomeb' a'an”, cha'qeb'.

Salmos 106:20

Ke'xtz'eqtaana li xloq'al li Qaawa', ut a' chik li xjalam u jun wakax li nawa'ok rax pim ke'xloq'oni.

Miqueas 4:5

Eb' li tenamit junch'ol neke'xloq'oni ut neke'xpaab' li xyoseb', a'ut laa'o junelik naqapaab' ut naqaloq'oni li Qaawa' li qaYos.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

Jeremías 2:5

Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

Salmos 115:4

A'ut li xyoseb' li poyanam a'an yal oor ut plaat, yal xb'aanuhom ruq'eb' li winq.

Salmos 3:3

Naab'aleb' neke'aatinak chiwix: “Ink'a' chik taakole'q xb'aan li Yos”, chankeb'.

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

1 Pedro 1:18

Laa'ex nekenaw naq xex'ach'ab'aak chiru li jo'maajo'il na'leb' li kek'ul chaq rik'ineb' leena' leeyuwa': moko xexkole'k ta rik'in li k'a'aq re ru nalajk na'oso'k, jo' li oor ut li plaat,

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

1 Samuel 4:21

Aj Ikabod kixk'e cho'q xk'ab'a' li k'uula'al, xb'aan naq kixye: “Li xloq'al li Yos ki'isiik sa' xyanqeb' laj Israel, xb'aan naq kichapmank li Loq'laj Kaax”. Kixye chi jo'kan xb'aan naq kichapmank li xLoq'laj Kaax li Yos ut kamenaqeb' chik li xb'eelom ut laj Elí.

2 Crónicas 13:9

Ma ink'a' tab'i' xerisi ajwi' eb' laj tij ralal xk'ajoleb' laj Aharón, jo'wi' eb' laj Leví li neke'k'anjelak chiru li Qaawa', ut jalaneb' aj tij xexaqab', jo' neke'xb'aanu li poyanam sa'eb' li tenamit junch'ol? Yalaq ani nak'amok chaq junaq saaj wakax ut wuqub' li chib'aat ut naraj ok cho'q aj tij, naxaqab'aak cho'q aj tij chiruheb' li maawa'eb' yos.

Jeremías 5:7

“Chan ta naq tinkuy aamaak xb'aan a'an, a Jerusalén? -chan li Qaawa'-. Eb' laawalal aak'ajol xine'xtz'eqtaana ut a' chik li maawa' yos neke'xpatz' sa' jurament. Naq xink'eheb' chi tzekank toj reetal xe'nujak, intz'eqtaanankil chik xe'xb'aanu ut jun xikikeb' sa' rochochil li maa'usilal chi xmuxb'aleb' rib'.

Jeremías 18:13

Jo'kan naq li Qaawa' kixye chi jo'ka'in: “Patz'onqex anaqwan reheb' li tenamit ut ab'ihomaq ani reheb' ak rab'ihom junaq aatin jo' a'in. Eb' laj Israel xe'xb'aanu li q'axal yib'ru.

Ezequiel 5:7

“Jo'kan utan, laa'in li Qaawa' ninye chi jo'ka'in: Laa'ex q'axal q'etq'etex chiruheb' li tenamit wankeb' chesutam, ut ink'a' xeraj wank jo' naxye lintaqlahom; ink'a' xepaab' li waatin, chi moko xeb'aanu jo' naxye li xchaq'rab' eb' li tenamit wankeb' chesutam.

Ezequiel 14:5

“Tintoch' xch'ooleb' laj Israel li xe'najto'k wik'in xb'aan chixjunileb' li xjalanil yoseb'.

Deuteronomio 32:16

Ke'xchiq' xjosq'il li Yos xb'aaneb' li jalanil yos ut ke'xyoob' xrahil xch'ool xb'aan li tz'i'b'eetalil na'leb'.

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

2 Reyes 1:3

Ab'anan li x'ánjel li Qaawa' kixye re laj Elías aj Tisbé: “Xaqlin ut ayu chi xk'ulb'aleb' li xtaql li awab'ej re Samaria ut ye reheb': «Ma maak'a' tab'i' li Yos arin Israel naq texxik chi patz'ok rik'in laj Bahal-Sebub, xyoseb' laj Ekrón?