Jeremías 19:13 - Q'eqchi Bible

¹³ Chixjunileb' li ochoch re Jerusalén, li rochocheb' li awab'ej re Judá ut eb' li kab'l xe'mayejak wi' k'ajpom chiru chixjunileb' li chahim ut xe'mayejak b'iin chiruheb' li jalanil yos, te'kanaaq chi muxb'il ruheb', jo' tz'aqal Tófet»”.

Li Santil hu

¹³ Joꞌcan ajcuiꞌ li rochocheb laj Jerusalén ut eb li rochoch lix reyeb laj Judá muxbil chic ruheb. Chanchaneb li naꞌajej Tofet xban nak queꞌxcꞌat lix pomeb ut queꞌxmayeja li vino chiruheb li chahim ut chiruheb ajcuiꞌ li yi̱banbil dios,” chan li Dios re laj Jeremías.

Jeremías 19:13 ပူးပေါင်းရင်းမြစ်များ

Jeremías 32:29

Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

2 Reyes 23:12

ut kixjuk'eb' li artal xyiib'ahomeb' li awab'ej re Judá, a'eb' li wankeb' sa' xb'een li rochoch laj Ajás, ut eb' li artal li ke'yiib'aak xb'aan laj Manasés sa' li wiib' xneb'aalil li rochoch li Yos. Kirisiheb', kixputz'iheb' aran ut koxpaji li xpojtz'ileb' sa' li nima' Sedrón.

Sofonías 1:5

Tinsach ruheb' li neke'taqe'k sa' xb'een li kab'l chi xloq'oninkileb' ru li chahim, eb' li neke'xwiq'ib' rib' chiwu laa'in ut neke'xpatz' ajwi' xk'ab'a' laj Milkón li xyoseb';

Jeremías 7:18

Eb' li alal k'ajolb'ej neke'k'amok chaq li si', eb' li yuwa'b'ej neke'tz'ab'ok li xam ut eb' li ixaqilb'ej neke'k'uub'ank re li k'uluj re xmayejankil chiru li jalanil yos, a' li xNa' li choxa neke'xye re. Neke'xchiq' ajwi' injosq'il naq neke'uk'ak sa' xk'ab'a'eb' li jalanil yos.

Deuteronomio 4:19

Naq taawil li choxa, li saq'e, li po, eb' li chahim ut chixjunil li wank chiru choxa, maak'e aawib' chi b'alaq'iik chi moko taawiq'ib' aawib' chiruheb' chi xloq'oninkileb' ru, xb'aan naq li Qaawa' laaYos kixyiib' eb' a'an re naq te'k'anjelaq chiruheb' chixjunil li tenamit wankatqeb' junsut junrub'el choxa.

Jeremías 44:18

Ut chalen naq kiqakanab' xmayejankil li k'ajpom ut li b'iin chiru li xNa' li choxa, maak'a' chik wank qe ut eb' li poyanam yookeb' chi kamk xb'aan li we'ej malaj xb'aan li raaxiik'”.

Salmos 79:1

Xsaalm laj Asaf. At Qaawa', eb' li poyanam xe'okje'k sa' laach'och', xe'xmux ru laaloq'laj ochoch, xe'xkanab' chi po'lemil laatenamit Jerusalén.

Salmos 74:7

Xe'xloch xxamlel laaloq'laj ochoch, xe'xjuk'i ut xe'xmux laamuheb'aal.

2 Reyes 23:10

Kixmux ru li na'ajej na'uxk wi' mayejak sa' xtaq'ahil Ben-Hinón, re naq maajun chik tixq'axtesi chi k'ate'k li ralal xk'ajol sa' xk'ab'a' laj Molok.

Hechos 7:42

Toja' naq li Yos kixkanab'eb' ut kixq'axtesiheb' chi xloq'oninkil eb' li chahim wankeb' chiru choxa, jo' tz'iib'anb'il chaq sa' xhuheb' li Propeet: «Ex aj Israel, ma xexmayejak tab'i' chiwu laa'in ut xeyeechi'i we leek'atb'il mayej chiru ka'k'aal chihab' sa' li chaqich'och'?

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Jeremías 52:13

Kixk'at li rochoch li Qaawa', li rochoch li awab'ej ut chixjunileb' li ochoch wankeb' Jerusalén.

2 Reyes 23:14

Kixpuk'iheb' li pek ut kixputz'iheb' li che' loq' chiruheb', ut kixnujob'resiheb' li na'ajej rik'in xb'aqeleb' li kamenaq.

Hechos 10:9

Sa' li kutan jun chik, naq eb' a'an yookeb' chi xik, ak nach' chik rik'in li tenamit, laj Pedro kitaqe'k sa' xb'een li kab'l chi tijok wa'leb' tana re li kutan.

2 Reyes 17:16

Ke'xkanab' xpaab'ankil chixjunil li xchaq'rab' li Qaawa' li xYoseb' ut ke'xha'lesi li q'anch'iich' re xyiib'ankil li xyoseb', eb' li wiib' xjalam uheb' li wakax jo' ajwi' li xjalam u lix Aserá. Ke'xwiq'ib' rib' chi xloq'oninkil ru eb' li chahim chiru choxa ut ke'mayejak chiru laj Bahal.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Jeremías 19:12

Jo'kan ajwi' tinb'aanu re li tenamit a'in ut eb' li xpoyanamil: tinkanab' li na'ajej jo' tz'aqal Tófet -chan li Qaawa'-.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,