Jeremías 18:8 - Q'eqchi Bible

⁸ Ab'anan wi li tenamit a'an naxkanab' xb'aanunkil li maa'usilal, laa'in ink'a' chik tinrahob'tesi jo' k'uub'k'u inb'aan.

Li Santil hu

⁸ Abanan cui eb li tenamit aꞌin teꞌxjal xcꞌaꞌux ut teꞌxcanab xba̱nunquil li ma̱usilal, la̱in tincuil xtokꞌoba̱l ruheb ut incꞌaꞌ chic tinrahobtesiheb joꞌ xincꞌoxla xba̱nunquil reheb.

Jeremías 18:8 ပူးပေါင်းရင်းမြစ်များ

Ezequiel 18:21

“Wi ut li ink'a' us xna'leb' tixkanab' xb'aanunkil li maak ut tixpaab' chixjunileb' li waatin, wi tixb'aanu li tiikilal ut li us, relik chi yaal naq taawanq xyu'am ut ink'a' taakamq.

Jeremías 26:13

Chaab'ilob'resiiq leeyu'am ut leeyehom eeb'aanuhom, paab'omaq li Qaawa' leeYos, ut A'an ink'a' tixtaqla chaq li rahilal sa' eeb'een jo' xineerab'i chi xyeeb'al.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Jeremías 26:3

Mare anchal tate'xpaab' ut te'xkanab' xb'aanunkil li maa'usilal. Chi jo'kan ink'a' chik tintaqla chaq li rahilal sa' xb'eeneb', jo' xink'oxla xb'aanunkil xb'aan naq ink'a' us li xyehom ut xb'aanuhomeb'.

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

Salmos 135:14

Xb'aan naq li Qaawa' naxjolomi li xtenamit sa' tiikilal ut naruxtaana ru chixjunileb' laj k'anjel chiru.

Salmos 90:13

Kim, at Qaawa'! Jo' najtil chik yooq laajosq'il? Chawil taxaq xtoq'ob'aaleb' ru laj k'anjel chawu.

2 Crónicas 12:6

Li awab'ej rochb'eeneb' li xjolomileb' laj Israel ke'xkub'si xwankileb' ut ke'xye: “Tiik xch'ool li Qaawa'”, chankeb'.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Éxodo 32:12

Ma taawaj tab'i' te'xye eb' laj Ejiipt: «Xlab'al xch'ool kirisiheb' wi', re xkamsinkileb' sa'eb' li tzuul ut re xsachb'aleb' chi junajwa sa' xb'een li ruuchich'och'»? Kanab' laajosq'il ut maataqla chaq li rahilal sa' xb'eeneb' laatenamit.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Ezequiel 33:13

Wi laa'in tinye re junaq winq chaab'il xch'ool naq wanq xyu'am, ut a'in xk'ojob' xch'ool chirix li xtiikilal ut taa'ok chi maakob'k, relik chi yaal naq ink'a' tink'e sa' ajl li chaab'ilal xb'aanuhom, taakamq b'an sa' li maak xb'aanu.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Jeremías 36:3

Mare anchal eb' laj Judá te'rab'i chixjunil li rahilal xink'oxla xb'aanunkil reheb', te'xyot' xch'ool te'xjal xk'a'uxl ut laa'in tinkuy tinsach li xmaakeb'”.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Ezequiel 33:14

Ut wi ninteneb' kamk sa' xb'een junaq aj maak, ut a'in tixkanab' li maakob'k ut taa'ok chi xb'aanunkil li chaab'ilal ut li tiikilal,

Éxodo 32:14

Li Qaawa' kiruxtaana ruheb' ut ink'a' kixtaqla li rahilal yeeb'il chaq re li xtenamit.

Ezequiel 33:12

“At kaamel winq, ye reheb' laawech tenamitul: «Wi junaq winq tiik xch'ool namaakob'k, ink'a' taakole'q xb'aan li chaab'ilal xb'aanuhom chaq; ut wi junaq ink'a' us xna'leb' tixkanab' li maakob'k, moko taasache'q ta ru xb'aan naq xb'enwa xb'aanu li maa'usilal. Li tiik xch'ool moko taakole'q ta chik xb'aan li chaab'ilal xb'aanu xb'enwa.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.