Jeremías 18:7 - Q'eqchi Bible

⁷ Wan naq na'alaak sa' inch'ool xsachb'al, xjuk'b'al ut xputz'inkil junaq tenamit malaj awab'ejihom.

Li Santil hu

⁷ La̱in naru ninsach ru junak li tenamit saꞌ junpa̱t joꞌ ajcuiꞌ li cuanqueb xcuanquil. Naru tincuisiheb saꞌ xnaꞌajeb, tinjucꞌ ut tinsacheb.

Jeremías 18:7 ပူးပေါင်းရင်းမြစ်များ

Jeremías 1:10

Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Jeremías 45:4

Ab'an li Qaawa' xye li aatin a'in chawix ut xinxtaqla chaq chi xnumsinkil aawe: «Laa'in tinjuk' li k'aru xinkab'la, ut tinmich' li xwaw; ut a'in tinb'aanu re chixjunil li ruuchich'och'.

Jonás 3:4

Laj Jonás ki'ok chi xtoqb'al ru li tenamit, ut chiru jun kutan japjo re chi xyeeb'al chi kaw xyaab' xkux: “Sa' ka'k'aal kutan taajuk'manq Nínive”.

Amós 9:8

“Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.

Génesis 6:6

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool:

Jeremías 31:28

Jo' naq xink'e inch'ool chi sachok, chi juk'uk, chi mich'ok, chi isink ut chi rahob'tesink, jo'kan ajwi' naq yo'oon wanqin chi waklesink ut chi xaqab'ank -chan li Qaawa'-.

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Ezequiel 33:14

Ut wi ninteneb' kamk sa' xb'een junaq aj maak, ut a'in tixkanab' li maakob'k ut taa'ok chi xb'aanunkil li chaab'ilal ut li tiikilal,

Daniel 11:4

Ab'an naq ak xk'ojlaak li xwankil, tixjach rib' li x'awab'ejihom ut kaahib' jachal taa'isiiq. Maajun li ralal xk'ajol te'eechaninq li awab'ejilal chi moko te'wanq xwankil jo' xwankil a'an, xb'aan naq taajuk'e'q li x'awab'ejihom ut jalaneb' chik te'eechaninq re.

Jeremías 26:3

Mare anchal tate'xpaab' ut te'xkanab' xb'aanunkil li maa'usilal. Chi jo'kan ink'a' chik tintaqla chaq li rahilal sa' xb'eeneb', jo' xink'oxla xb'aanunkil xb'aan naq ink'a' us li xyehom ut xb'aanuhomeb'.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.