Jeremías 18:23 - Q'eqchi Bible

²³ At Qaawa', laa'at nakanaw chixjunil li yookeb' xk'uub'ankil re inkamsinkil. Maakuy li xmaakeb' chi moko chisachq sa' laach'ool li ink'a' us xe'xb'aanu. Kamqeb' chawu ut isi laajosq'il sa' xb'eeneb'!”.

Li Santil hu

²³ At Ka̱cuaꞌ, la̱at nacanau nak xeꞌxcꞌu̱b ru incamsinquil. Ma̱cuy xma̱queb ut misach taxak saꞌ a̱chꞌo̱l li ma̱usilal xeꞌxba̱nu. Teꞌsachekꞌ taxak ruheb. Chaqꞌueheb ta chixtojbal lix ma̱queb nak yo̱ a̱joskꞌil saꞌ xbe̱neb, chan laj Jeremías.

Jeremías 18:23 ပူးပေါင်းရင်းမြစ်များ

Salmos 35:4

Te'kaqo'q xb'aaneb' xxutaan eb' li neke'raj inkamsinkil; che'sutq'iiq chirixeb' chi sachsooqeb' xch'ool eb' li neke'yoob'ank ch'a'ajkilal chiwix.

Isaías 2:9

Xe'xkub'si li xwankileb' ut xe'wiq'laak chiruheb' li jalanil yos. Jo'kan naq maakuyeb' xmaak, at Qaawa'.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

San Lucas 21:22

xb'aan naq a'anaq xkutankil li q'ajkamunk ut taatz'aqloq ru chixjunil li tz'iib'anb'il chaq.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Jeremías 15:15

At Qaawa', laa'at nakanaw chixjunil; jultikaqin aawe ut kim chintenq'ankil. Maakuy chik xmaakeb' li yookeb' xsik'b'al inkamsinkil: mare anchal tinkamq laa'in. Jultikaq aawe naq sa' aak'ab'a' ninkuy li majewaak.

Jeremías 11:23

Maajun chik reheb' a'an taakanaaq chi yo'yo, xb'aan naq chalk re xkutankil naq laa'in tintaqla li nimla rahilal sa' xb'eeneb' laj Anatot, sa' xq'ehil li raqb'a aatin”, chan li Qaawa'.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Salmos 59:5

us ta maak'a' xinmaakob'k wi', ab'anan neke'xseeb'a rib' chi chalk sa' inb'een. Ajsi aawu, waklin chintenq'ankil ut chak'eheb' reetal,

Salmos 119:126

Ak xq'ehil anaqwan naq tatq'usuq, xb'aan naq xe'xtz'eqtaana laawaatin.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Jeremías 6:21

Jo'ka'in kixye we li Qaawa': “Tink'e xt'anleb'aal li tenamit a'in sa' li xb'e re naq te'tichk'oq ut te't'ane'q. Li na'b'ej yuwa'b'ej rochb'eeneb' li ralal xk'ajol, eb' li rechkab'al ut eb' li ramiiw, tik te'oso'q chixjunileb'”.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Jeremías 26:8

Ab'anan naq kiraqe'k laj Jeremías chi xyeeb'al chixjunil li xchaq'rab'iik wi' xb'aan li Qaawa', kichape'k xb'aaneb' laj tij, eb' li propeet ut xb'aaneb' chixjunil li tenamit, ut kiyehe'k re: “Relik chi yaal naq tatkamq.

Jeremías 26:11

Toja' naq eb' laj tij ut eb' li propeet ke'aatinak rik'ineb' laj jolominel jo' ajwi' rik'ineb' chixjunil li poyanam ut ke'xye: “Li winq a'in xk'ulub' naq taateneb'aaq kamk sa' xb'een, xb'aan naq xye naq li tenamit a'in taajuk'manq, jo' xerab'i laa'ex rik'in leexik”.

Jeremías 37:15

Ut eb' a'an k'ajo' naq ke'josq'o'k rik'in laj Jeremías: ke'xrapi chi tz'uum ut ke'xtz'ap sa' tz'alam, sa' rochoch laj Jonatán, laj tz'iib'.

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

Salmos 56:8

Ma truuq tab'i' te'xkol rib' chiru li tojb'amaak? At inYos, chasacheb' ru li poyanam a'an xb'aan laajosq'il!

Jeremías 17:18

Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.

Lamentaciones 3:60

Laa'at xawil naq xik' nikine'ril; xak'e reetal chixjunil li neke'xk'uub' re inrahob'tesinkil.

Lamentaciones 3:61

Xawab'i chanru nikine'xhob', at Qaawa', ut li k'aru neke'xk'uub' chiwix.