Jeremías 18:18 - Q'eqchi Bible

¹⁸ Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Li Santil hu

¹⁸ Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Jeremías 18:18 ပူးပေါင်းရင်းမြစ်များ

Salmos 52:2

Kitz'iib'aak naq laj Dohek aj Edom koxye resil re laj Saúl naq laj David ki'ok chaq sa' rochoch laj Ajimélek.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Jeremías 11:19

Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.

Jeremías 18:11

“Jo'kan utan, ye a'in reheb' laj Judá ut reheb' laj Jerusalén: «Li Qaawa' xye chi jo'ka'in: Yookin xkawresinkil eerahob'tesinkil ut ak yookin xk'uub'ankil. Kanab'omaq xb'aanunkil li maa'usilal, tiikob'resiiq ru leeyu'am ut leeb'aanuhom».

Salmos 21:11

Taak'eheb' chi oso'k li ralal xk'ajoleb' sa' ruuchich'och'; te'kamq chi junajwa junsut junrub'el choxa.

Jeremías 43:2

laj Asarías, ralal laj Hosaías, ut laj Jwan, ralal laj Kareha, rochb'eeneb' li winq jwal q'etq'eteb', ke'xye re laj Jeremías: “Tik'ti' li yookat chi xyeeb'al qe. Li Qaawa', li qaYos, ink'a' xatxtaqla chaq xyeeb'al qe naq ink'a' tooxik chi wank Ejiipt.

Proverbios 18:21

Li kamk ut li yu'am, a'an yaal re li junjunq chanru na'aatinak. Eb' li k'ajo' neke'xye, te'xk'ul li rahilal.

Salmos 64:3

Chinaamuq chiruheb' li neke'k'uub'ank raaxiik', chiruheb' li neke'xmululi rib' chi xb'aanunkil li maa'usilal.

Salmos 57:4

Toj sa' taxaq li choxa tixtaqla chaq intenq'ankil ut chixkanab' sa' xutaan li narahob'tesink we; a' taxaq li Yos chixk'ut li xrahom ut li yaal.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.

Li xHu LAJ JOB 5:13

Naxmemob'resi xk'a'uxeb' li seeb' xch'ooleb', ut naxjuk' xwankil li ink'a' us neke'xk'oxla.

1 Reyes 22:24

Toja' naq laj Sedesías, ralal laj Kenahaná, kijilok ut kixtz'aj chi ruq' chi xko laj Mikeas, ut kixye re: “B'ar x'elk we li xmusiq' li Qaawa', re aawaatinankil laa'at?”.

2 Samuel 17:14

Toja' naq laj Absalón ut chixjunileb' laj Israel ke'xye: “Q'axal us li na'leb' xk'e laj Jusay aj Arkí chiru li xk'e laj Ajitófel”, chankeb'. A' li Qaawa' ki'ajok xpo'b'al ru li xk'uub'ahom laj Ajitófel, us ta a'an jwal us, re xk'amb'al chaq li rahilal sa' xb'een laj Absalón.

2 Samuel 15:31

Kiyehe'k resil re laj David naq laj Ajitófel wank sa' xyanqeb' li neke'okenk chirix laj Absalón. Toja' naq laj David kixye: “At Qaawa', taapo' taxaq ru li xk'a'uxl laj Ajitófel!”.

Levítico 10:11

ut texruhanq ajwi' xtzolb'aleb' laj Israel rik'in chixjunil li xchaq'rab' li Qaawa' xk'ehom re laj Moisés cho'q eere”.

San Juan 9:40

Wankeb' aj Pariseey te'ochb'eeninq re, ut naq ke'rab'i a'in, ke'xye re: —Ma mutz'o ajwi' laa'o chi jo'kanan?

Jeremías 26:11

Toja' naq eb' laj tij ut eb' li propeet ke'aatinak rik'ineb' laj jolominel jo' ajwi' rik'ineb' chixjunil li poyanam ut ke'xye: “Li winq a'in xk'ulub' naq taateneb'aaq kamk sa' xb'een, xb'aan naq xye naq li tenamit a'in taajuk'manq, jo' xerab'i laa'ex rik'in leexik”.

San Lucas 11:45

Toja' naq ki'ok chi aatinak jun aj nahol Chaq'rab' ut kixye: —At Tzolonel, naq nakaye a'in, nokoohaahob' ajwi' laa'o.

Jeremías 44:17

tqab'aanu b'an chixjunil li wank sa' qach'ool xb'aanunkil. Toj yooqo chi xmayejankil k'ajpom ut b'iin chiru li xNa' li choxa, jo' naqab'aanu chalen toj anaqwan, jo' ke'xb'aanu chaq eb' li qana' qayuwa', eb' li awab'ej ut eb' li xjolomileb' li qatenamit sa' xteepal Judá ut sa'atqeb' li b'e re Jerusalén. Xb'aan naq junxil chaq k'ajo' li qatzekemq, jwal us koowank ut maajun rahilal kiqataw.

Jeremías 8:8

Chanru naq nekeye laa'ex: Wank qana'leb' ut qik'in wank li xchaq'rab' li Qaawa'? Ma ink'a' tab'i' xe'xjal ru linchaq'rab' eb' laj tz'iib' li junes b'alaq'il aatin neke'xye?

Jeremías 18:19

Ut laa'in kintijok chi jo'ka'in: “At Qaawa', chak'ul taxaq lintij, chawab'i aj ta wi' li yookeb' xyeeb'al eb' li xik' neke'ilok we.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Jeremías 37:13

Ab'an naq kiwulak sa' Rokeb'aal laj Benjamín, kichape'k xb'aan jun aj k'aak'alenel, aj Irías xk'ab'a', ralal laj Selemías ut ri laj Ananías: “Laa'at taawaj q'axonk sa' xyanqeb' laj Kaldeha”, chu'uxk re.

Ezequiel 7:26

Junes raaxiik' ut resil li rahilal taachalq. Te'patz'oq moy u re li propeet, ab'anan yal maak'a'aq rajb'al; li chaq'rab' taasachq sa' xch'ooleb' laj tij, ut eb' li cheekel winq maak'a'aq chik xna'leb'eb'.

2 Crónicas 24:21

Ab'an eb' a'an ke'xk'uub' xkamsinkil, ut li awab'ej kixtaqlaheb' chi xteninkil chi pek toj reetal ke'xkamsi chiru xneb'aalil li rochoch li Qaawa'.

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

Jeremías 44:16

“Ink'a' tqapaab' li k'aru xaye qe sa' xk'ab'a' li Qaawa',

Lamentaciones 3:62

Laa'at nakanaw li neke'xye eb' li xik' neke'ilok we, naq chixjunil li kutan neke'xk'uub' rahilal chiwix.

Miqueas 3:6

“Ink'a' chik tex'iloq moy u chiru li q'oqyink, chi moko sa' li aak'ab' teeye li k'aru chaalel”, chan li Qaawa'.

Miqueas 3:7

Eb' laj ilol sa' moy u ut eb' laj q'e te'kanaaq sa' xutaan ut te'se'eeq. Mem te'kanaaq chixjunileb' naq ink'a' te'sumeeq chaq xb'aan li Yos.