Jeremías 18:16 - Q'eqchi Bible

¹⁶ Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Li Santil hu

¹⁶ Joꞌcan nak lix naꞌajeb ta̱cana̱k joꞌ chaki chꞌochꞌ. Junelic ta̱hobekꞌ. Chixjunileb li tenamit li teꞌnumekꞌ aran teꞌxsach xchꞌo̱leb chirilbal ut teꞌrecꞌasi lix jolomeb.

Jeremías 18:16 ပူးပေါင်းရင်းမြစ်များ

Salmos 22:7

Ab'an laa'in chanchanin aj chik motzo'; maawa'in chik winq, xutaanalin chiruheb' li poyanam, tz'eqtaananb'ilin xb'aaneb' li tenamit.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 19:8

Joxk' ut xiwajel tinkanab' li tenamit a'in: chixjunileb' li te'nume'q arin te'sachq xna'leb' chi rilb'al a'an ut te'xse'e li xsachik li tenamit.

San Mateo 27:39

Ut eb' li neke'nume'k aran neke'xmajewa, yookeb' chi reek'asinkil xjolomeb' ut chi xyeeb'al:

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Jeremías 50:13

Xb'aan linjosq'il xinkanab' chi nakirirnak ut maajun chik xpoyanamil. Chixjunil li taanume'q aran Babilonia taasachq xch'ool ut taase'eq chi rilb'al li rahilal xk'ulum.

Jeremías 49:13

Xb'aan naq xinye injurament naq li tenamit Bosrá taasache'q ru, tz'eqtaananb'ilaq ut majewanb'ilaq; ut nakirirnak te'kanaaq chixjunileb' li xtenamitul chi junwaakaj”.

1 Reyes 9:8

Ut chixjunileb' li te'nume'q chiru li xchaq'alil ru ochoch a'in, naq po'lemaq aj chik, te'sachq xch'ool, te'se'eq ut te'xpatz'i rib' chirib'ileb' rib': «K'a'ut anchal naq li Qaawa' xb'aanu chi jo'kan re li tenamit ut li ochoch a'in?», cha'qeb'.

San Marcos 15:29

Eb' li neke'nume'k aran neke'xmajewa, neke'reek'asi li xjolomeb' ut neke'xye: —Laa'at li xajuk' raj li rochoch li Yos ut yal chiru oxib' kutan xayiib' raj wi' chik,

Isaías 37:22

A'an a'in li aatin kixye li Qaawa' chirix li awab'ej re Asiria: “Nakate'xtz'eqtaana, nakate'xse'e eb' laj Sión jo' naxb'aanu junaq tuq'ixq; neke'xb'anb'ani li xjolomeb' li rixqilaleb' aj Jerusalén.

Ezequiel 12:19

Aatinaheb' li poyanam ut eb' laj Jerusalén, jo' ajwi' chixjunileb' laj Israel; ye reheb' chi jo'ka'in: «Li Qaawa' naxye chi jo'ka'in: Texwa'aq chi rahaq sa' leech'ool ut tex'uk'aq chi k'ajo'aq eexiw, xb'aan naq leena'aj taasache'q ru ut nakirirnak taakanaaq, xb'aan li xmaa'usilal chixjunileb' li wankeb' aran.

Ezequiel 6:14

Tinye' li wuq' re xsachb'al ruheb' chi junwaakaj ut joxk' tinkanab' li xch'och'eb', chalen sa' li chaqich'och', sa' xjayal rokeb'l iq', toj Riblá sa' releb'l iq'. Ut aran te'xnaw naq laa'in li Qaawa'”.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Salmos 44:14

Xak'ut qaxutaan chiruheb' li tenamit li nach' wankeb': nokoohe'xse'e ut nokoohe'reetz'u eb' li wankeb' chi qasutam:

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Deuteronomio 28:59

li Qaawa' tixk'e chi numtajenaq li rahilal sa' aab'een ut sa' xb'eeneb' laawalal aak'ajol te'yo'laaq moqon. Q'axal yib'ru li yajel tixk'e sa' aab'een, k'ajo'aq xnimal laarahilal, ut maajaruj tatk'iraaq.

Levítico 26:43

Ab'an li ch'och' taakanab'aaq xb'aaneb' a'an ut tixyal xsahil li hilank naq wanq chi nakirirnak; toja' naq te'xtoj rix li xmaa'usilaleb' xb'aan naq xe'xq'et li waatin ut xe'xtz'eqtaana linchaq'rab'.

Levítico 26:32

“Nakirirnak li ch'och' tinkanab', ut eb' li xik' neke'ilok eere li te'chalq chi wank aran, te'sachq xch'ool.

Salmos 109:25

Hob'etalin aj chik xb'aaneb' a'an; nikine'xka'ya ut neke'xb'anb'ani li xjolomeb'.

Jeremías 42:18

“Jo'ka'in xye li Nimajwal Yos, li xYos laj Israel: «Jo' naq xink'ut linjosq'il chiruheb' laj Jerusalén, jo'kan ajwi' naq taachalq linjosq'il sa' eeb'een wi texxik Ejiipt. Texmajewaaq, texse'eeq, tex'eetz'uuq ut xutaanalaqex yalaq b'ar, ut ink'a' chik teeril li na'ajej a'in».

Jeremías 44:12

Ut eb' laj Judá li xe'xk'e xch'ool chi xik chi na'ajunk Ejiipt, aran te'oso'q chixjunileb'. Te'kamsiiq sa' li raaxiik' ut xb'aan li we'ej: jo' kok' jo' ninq te'kamq chixjunileb' xb'aan li q'esnal ch'iich' ut li we'ej. Te'majewaaq ut te'kanaaq cho'q se'leb'aal; xiwajelaq ut xutaanalaq rilb'aleb'.

Jeremías 48:27

Ex aj Mohab, ma ink'a' tab'i' xese'eb' laj Israel? Rajlal naq nekex'aatinak chirixeb', nekeb'anb'ani leejolom, jo'keb' tawi' aj elq'.

Jeremías 49:17

“Xiwajelaq chik rilb'al Edom. Jo'k'ihaleb' li te'nume'q aran, te'sachq xch'ool chi rilb'al ut te'xse'e chixjunil li rahilal xk'ulum.

Lamentaciones 1:12

Laa'ex li nekexnume'k sa' li b'e, ilomaq ut k'ehomaq reetal wi wank ta junaq rahilal juntaq'eet rik'in li yookin chi xk'ulb'al laa'in! Li Qaawa' xtaqla chaq li raaxiik' a'in naq xchalk li xnimal xjosq'il sa' inb'een.

Ezequiel 27:36

Eb' laj yakonel li wankatqeb' sa' jalan tenamit, k'ajo' naq neke'xuxb'ak chawix; jwal xiwajel aj chik xatkanaak ut xat-oso'k chi junajwa»”.

Ezequiel 36:3

Jo'kan naq ye reheb' sa' ink'ab'a': «Jo'ka'in xye li Qaawa': Yalaq b'ar eb' li jalanil tenamit xe'xsach eeru, xe'numtaak sa' eeb'een ut xe'reechani li k'aru eere. K'ajo' naq xexmajewaak ut xexse'eek xb'aaneb' li poyanam.

2 Crónicas 29:8

Jo'kan naq kichalk xjosq'il li Qaawa' sa' xb'een Judá ut Jerusalén: se'leb'aal, eetz'ub'aal ut xiwajel na'ajej kikanaak wi' jo' yookex rilb'al anaqwan.

Jeremías 29:18

Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Jeremías 51:37

ut li tenamit a'an taakanaaq jo' jun tuub' chi pek, cho'q xna'ajeb' laj xojb', tz'eqtaananb'ilaq ut xiwajelaq rilb'al; ut maajunaq poyanam taawanq chisa'.

Jeremías 51:43

Nakirirnak xe'kanaak eb' li xtenamit, chanchaneb' aj chik li joxk' ch'och'; maajun chik poyanam wank chisa' chi moko nanume'k aran.