Jeremías 18:15 - Q'eqchi Bible

¹⁵ Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Li Santil hu

¹⁵ Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.

Jeremías 18:15 ပူးပေါင်းရင်းမြစ်များ

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Oseas 11:2

A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Isaías 57:14

Toja' naq taayeemanq: “Tuqub'omaq, tuqub'omaq ru ut tehomaq li b'e; isihomaq chixjunil li naramok re xb'e lintenamit”.

Malaquías 2:8

Ab'anan xekanab' xtaaqenkil li chaab'il b'e; ut naab'al xeluktasiheb' xch'ool rik'in leek'utum. Chi jo'kan xesach xwankil linsumwank rik'in laj Leví -chan li Nimajwal Yos-.

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Isaías 41:29

Relik chi yaal naq maak'a' neke'ok wi'; maak'a' neke'ruuk chi xb'aanunkil, yal pojpookeb' xsa' li jalanil yoseb'.

San Mateo 15:6

li winq a'an ink'a' chik teneb'anb'il sa' xb'een roxloq'inkil li xna' xyuwa'», chankex laa'ex. Ut chi jo'kan xesach xwankil li Raatin li Yos xb'aan leenajteril na'leb'.

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 13:25

A'an laak'ulub', a Israel, a'an laaq'ajkamunkil li tink'e aawe -chan li Qaawa' Yos-. Xb'aan naq xinaatz'eq chirix aach'ool ut xkohat chirixeb' li yos li maak'a' neke'ok wi'.

Jeremías 3:21

“Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Romanos 14:21

Li us xb'aanunkil a'an a'in: ink'a' xtiwb'al li tib', ink'a' ruk'b'al li b'iin, chi moko xb'aanunkil k'a'aq re ru taaluktaaq wi' xch'ool laawas aawiitz'in, malaj ut taatichk'oq ut taach'inanq xch'ool.

Jeremías 44:25

Li Nimajwal Yos, li xYos laj Israel, naxye chi jo'ka'in: «Laa'ex ut eb' leerixaqil xeye rik'in xtz'uumal eere, ut rik'in leeruq' xeb'aanu li k'aru xeye: Tento tqab'aanu chi tz'aqal re ru li qayeechi'om naq toomayejanq k'ajpom ut b'iin chiru li xNa' li choxa, chankex. Us b'i', paab'omaq leeyeechi'om ut b'aanuhomaq chi junpaat!

Jeremías 19:5

Xe'xyiib'atq li tijob'aal cho'q re laj Bahal re xk'atb'aleb' li ralal xk'ajoleb' cho'q mayej sa' xk'ab'a' laj Bahal, ut laa'in ink'a' xintaqlaheb' xb'aanunkil li na'leb' a'in, ink'a' inyehom reheb' chi moko ink'oxlahom kach'inaq.

Isaías 62:10

Ex aj Jerusalén, elenqex, numenqex sa' li okeb'aal! Tehomaq li b'e chiru lintenamit. Tuqub'omaq, tuqub'omaq chi chaab'il li nimb'e ut isihomaqeb' li pek. Taqsihomaq leereetalil re naq taa'ile'q xb'aaneb' li tenamit.

Isaías 9:16

Eb' laj jolominel xe'xb'alaq'i li tenamit a'in, ut eb' li neke'taaqenk reheb' xe'sachk xb'aaneb'.

Isaías 3:12

Jun saaj al yo chi rahob'tesink re lintenamit, ut ixqeb' li neke'numtaak sa' xb'een. Ex intenamit, eb' laj k'amol eeb'e yookeb' cheb'alaq'inkil ut chi xk'amb'al eeb'e chi xb'aanunkil li ink'a' us.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Isaías 65:7

chirix leemaa'usilal laa'ex jo'wi' chirix li xmaakeb' leena' leeyuwa'. Eb' a'an xe'k'atok k'ajpom sa'eb' li tzuul ut xine'xmajewa sa' xb'eeneb' li b'ool; jo'kan naq tink'e li xq'ajkamunkileb' chi tz'aqal re ru”, chan li Qaawa'.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Jeremías 18:14

Ma naru tab'i' nalajk li ratz'amke sa' li tzuul Líbano? Ma nachaqik tab'i' li ha' nakub'eek chaq sa'eb' li tzuul?

Jeremías 51:18

Maak'a' xyaalal ut xk'ulub'eb' li tz'eqtaanaak; relik chi yaal naq te'oso'q sa' xkutankil li raqb'a aatin.

Ezequiel 21:15

K'ajo' naq te'xiwaq xb'aan li ch'iich', ut naab'aleb' li te'kamsiiq. Sa' li junjunq chi okeb'aal xinxaqab'eb' laj kamsinel chi ch'iich': nalemtz'unk ru li ch'iich' re naq replotq rilb'al, ut q'esnanb'il li re chi us, re kamsink.

Ezequiel 36:15

Ink'a' chik texhob'e'q xb'aaneb' laj ab'l tenamit chi moko texmajewaaq xb'aaneb' li wankeb' chesutam; ink'a' chik te'kamq li ralal xk'ajoleb' laj Israel. Laa'in, li Qaawa', xin'aatinak»”.

Oseas 2:6

“Jo'kan naq laa'in tintz'ap li xb'e rik'in k'ix, tinram chi tz'ak li xb'e re naq maab'ar chik taanume'q.

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Jeremías 1:16

Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

Jeremías 11:12

Toja' naq eb' laj Judá ut eb' laj Jerusalén te'xik chi xpatz'b'al xtenq'ankileb' reheb' li jalanil yos li neke'k'ate'k k'ajpom chiruheb', ab'anan eb' li yos a'an ink'a' te'ruhanq chi xkolb'aleb' sa' xkutankil li nimla rahilal.

Jeremías 11:13

K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Jeremías 11:17

Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.