Jeremías 18:13 - Q'eqchi Bible

¹³ Jo'kan naq li Qaawa' kixye chi jo'ka'in: “Patz'onqex anaqwan reheb' li tenamit ut ab'ihomaq ani reheb' ak rab'ihom junaq aatin jo' a'in. Eb' laj Israel xe'xb'aanu li q'axal yib'ru.

Li Santil hu

¹³ Joꞌcan nak li Ka̱cuaꞌ naxye: —Patzꞌomak saꞌ eb li xni̱nkal ru tenamit ma quicꞌulman na jun sutak chi joꞌcaꞌin. Abanan eb laj Israel queꞌxba̱nu chi joꞌcan. Kꞌaxal yibru queꞌxba̱nu.

Jeremías 18:13 ပူးပေါင်းရင်းမြစ်များ

Jeremías 5:30

Jwal xiw xiw ut tz'i'b'eetal li k'aru yo chi k'ulmank sa' li na'ajej a'in.

Oseas 6:10

Jwal yib'ru li kiwil sa' li tenamit Israel: eb' laj Efraín ke'xmux li xpaab'aaleb' ut eb' laj Israel ke'xb'on rib'eb'.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Isaías 66:8

Ani x'ab'ink naq xk'ulmank junaq na'leb' jo' a'an? Ani x'ilok re junsutaq naq xyo'laak junaq tenamit yal chiru jun kutan malaj yal sa' junpaat xwakliik jun tenamit? Ab'anan Sión, naq xtaw xkutankil li alank, sa' junpaat xtenamito'k.

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

1 Corintios 5:1

Yalaq b'ar na'ab'imank resil naq wank li jo'maajo'il na'leb' sa' eeyanq, k'ajo' xyib'al ru a'an. Chi moko sa' xyanqeb' li maak'a'eb' xpaab'aal na'uxmank chi jo'kan! Wank jun sa' eeyanq li wank cho'q rixaqil li xkab' xna'!

Lamentaciones 1:15

Li Qaawa' xtz'eqtaana chixjunileb' li jwal kaweb' rib' chinkolb'al. Xch'utub'eb' li k'iila aj puub' chi yalok wik'in re xsachb'al ruheb' li saaj al neke'okenk chiwix. Xinxyeq'i sa' roq laa'in li tuq'ixq re Judá, jo' na'uxk reheb' li uub' re xyatz'b'al li xya'al.

Isaías 36:22

Toja' naq laj Eliakín, laj ilol re li rochoch li awab'ej, ralal laj Jilkías, jo'wi' laj Sebná laj tz'iib' ut laj Johaj, ralal laj Asaf, xjolomileb' laj k'anjel, ke'wulak rik'in laj Esekías, chi q'ichilk chik li raq'eb', ut ke'xseeraq'i re li k'aru yeeb'il chaq xb'aan li xnimal ru aj k'anjel aj Asiria.

1 Samuel 4:7

ke'ok xxiweb' ut ke'xye: “Li Yos wank sa' xyanqeb'. Toq'ob' qu! Maajun sut kik'ulmank jo' a'in.

Jeremías 18:14

Ma naru tab'i' nalajk li ratz'amke sa' li tzuul Líbano? Ma nachaqik tab'i' li ha' nakub'eek chaq sa'eb' li tzuul?

Amós 5:1

Ex aj Israel, ab'ihomaq li waatin a'in; ok we chi xb'ichankil jun rahil b'ich cho'q eere:

Amós 5:2

Israel chanchan jun tuq'ixq kamenaq; xt'ane'k ut ink'a' chik naru chi wakliik. Jiljo chiru ch'och' xkanaak ut maajun nawaklesink re.