Jeremías 18:10 - Q'eqchi Bible

¹⁰ Ab'anan wi li tenamit a'an naxb'aanu li ink'a' nawulak chiwu ut ink'a' naxpaab' li waatin, laa'in taach'inanq inch'ool chi xb'aanunkil li usilal xink'oxla xb'aanunkil re.

Li Santil hu

¹⁰ Abanan, cui eb li tenamit aꞌan nequeꞌxkꞌet li cua̱tin ut nequeꞌxba̱nu li ma̱usilal, incꞌaꞌ chic tinba̱nu usilal reheb li xincꞌoxla xba̱nunquil, chan li Ka̱cuaꞌ Dios.

Jeremías 18:10 ပူးပေါင်းရင်းမြစ်များ

Ezequiel 33:18

Wi junaq winq chaab'il xch'ool tixkanab' xb'aanunkil li us ut taa'ok chi maakob'k, taakamq xb'aan li maak xb'aanu.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Ezequiel 18:24

“Ab'anan wi li tiik xch'ool tixjal li xna'leb' ut taa'ok chi xb'aanunkil li maa'usilal ut li jo'maajo'il b'aanuhom jo' neke'xb'aanu li ink'a' useb' xna'leb', ma taakole'q tab'i' a'an? Maajun reheb' li xchaab'il b'aanuhom taajultikamanq, ut taakamq xb'aan li q'etb'a aatin ut li maa'usilal xb'aanu.

1 Samuel 13:13

Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

Salmos 125:5

A'ut eb' li neke'xk'am li b'e ink'a' us chatz'eqtaanaheb' rochb'eeneb' li neke'b'aanunk li maa'usilal. Chiwanq taxaq tuqtuukilal rik'ineb' laj Israel!

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

1 Samuel 15:35

Laj Samuel ink'a' chik kiril ru laj Saúl chiru chixjunil li xyu'am. Nayaab'ak laj Samuel chirix laj Saúl xb'aan naq ra chik sa' xch'ool li Qaawa' naq kixxaqab' laj Saúl cho'q awab'ej re Israel.

Números 14:22

tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Ezequiel 45:20

Jo'kan ajwi' taa'uxmanq sa' xwuq li kutan re li po, re xpatz'b'al xkuyb'al li xmaak li ani xmaakob'k chi ink'a' xk'ehom reetal malaj ink'a' rajom xch'ool. Chi jo'kan taach'ajob'resiiq li santil ochoch.

Números 14:34

Chiru ka'k'aal kutan xeyal eeq'e chi xk'eeb'al reetal chanru li tenamit. Chiru ka'k'aal chihab' ajwi' teeriiqani leemaak, junq chihab' te'xtoj rix li junq kutan. Chi jo'kan teenaw k'aru naxk'ul li ani naxq'etq'eti rib' chiwu».

Números 14:23

te'ril li na'ajej inyeechi'om rik'in jurament reheb' li xna' xyuwa'eb'. Maajun reheb' li xe'tz'eqtaanank we te'ril a'an.

Ezequiel 33:12

“At kaamel winq, ye reheb' laawech tenamitul: «Wi junaq winq tiik xch'ool namaakob'k, ink'a' taakole'q xb'aan li chaab'ilal xb'aanuhom chaq; ut wi junaq ink'a' us xna'leb' tixkanab' li maakob'k, moko taasache'q ta ru xb'aan naq xb'enwa xb'aanu li maa'usilal. Li tiik xch'ool moko taakole'q ta chik xb'aan li chaab'ilal xb'aanu xb'enwa.