Jeremías 17:26 - Q'eqchi Bible

²⁶ Te'chalq eb' laj Judá li wankatqeb' chaq chi xsutam Jerusalén, eb' li wankeb' chaq sa' xteepal Benjamín ut chiru taq'a, li wankeb' chaq chiru tzuul ut sa' xtaq'ahil Nejeb. Te'xk'amatq chaq eb' li xxul ut eb' li ru awimq cho'q xmayejeb', li k'ajpom jo'wi' chixjunil li k'a'aq re ru nayeechi'imank re b'anyoxink sa' rochoch li Yos.

Li Santil hu

²⁶ Eb li cristian telajeꞌcha̱lk saꞌ eb li tenamit li cuanqueb Judá ut saꞌ eb li cocꞌ cꞌaleba̱l li cuanqueb chi xjun sutam Jerusalén. Telajeꞌcha̱lk saꞌ lix naꞌajeb li ralal xcꞌajol laj Benjamín ut aran Sefela li tzu̱l ru. Ut telajeꞌcha̱lk saꞌ li naꞌajej Neguev. Teꞌxcꞌam chak lix mayej saꞌ lin templo ut teꞌxcꞌat lix xuleb. Ut teꞌxmayeja chicuu li ru li racui̱mkeb, ut teꞌxcꞌat li incienso, ut teꞌmayejak re bantioxi̱nc saꞌ lin templo.

Jeremías 17:26 ပူးပေါင်းရင်းမြစ်များ

Zacarías 7:7

Ma ink'a' jultik eere eb' li aatin xyehom chaq li Qaawa' chi xtz'uumal reheb' li propeet junxil, naq Jerusalén ut eb' li tenamit chi xsutam wankeb' chaq sa' tuqtuukilal ut k'ajo'eb' li xpoyanamil, ut li chaqich'och' re Nejeb ut li ru taq'a toj tenamiteb' chaq?»”.

Jeremías 33:13

Sa'eb' li tenamit wankeb' chaq chi tzuul jo' ajwi' li wankeb' chiru taq'a, sa' xteepal Nejeb ut sa' xteepal Benjamín, sa'eb' li na'ajej chi xsutam Jerusalén ut sa'atqeb' li xtenamitul Judá, te'ilmanq wi' chik eb' laj ilol ketomq chi rajlankileb' li xkarneer”, chan li Qaawa'.

Jeremías 32:44

Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.

Salmos 107:22

Chexmayejaq ut chexyoxinq, yehomaq resil li xninqal xb'aanuhom chi sa sa' eech'ool!

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Salmos 116:17

Tinmayejaq chawu re b'anyoxink ut tinloq'oni laak'ab'a'.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Esdras 3:11

Ke'xterq'usi xk'ab'a' li Qaawa' ut ke'yoxink chiru; wankeb' ke'b'ichank ut wankeb' ke'xsume chi kama'in: “Xb'aan naq A'an jwal chaab'il, li xrahom wank chi junelik rik'ineb' laj Israel”. Ut chixjunil li tenamit chajchookeb' re chi xnimankil ru li Qaawa', xb'aan naq li Loq'laj Ochoch ak wank chik li rub'elankil.

Salmos 66:13

Tin'ok sa' laawochoch re mayejak, tinpaab' chixjunil linyeechi'om aawe,

Jeremías 30:19

Ut aran taa'ab'iiq li b'ichank re b'anyoxink ut li japok e xb'aan li sahil ch'oolejil. Teb'ink'e wi' chik chi k'ihank toj reetal te'naab'alo'q; maajoq'e chik te'tz'eqtaanaaq, xb'aan naq tink'e wi' chik xloq'aleb'.

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.