Jeremías 17:25 - Q'eqchi Bible

²⁵ toja' naq junelik te'ok eb' li awab'ej sa' rokeb'aal li tenamit ut te'k'ojlaaq sa' li xk'ojarib'aal laj David. Te'chalq sa' b'eleb'aal ch'iich' malaj chirixeb' kawaay, rochb'eeneb' li xninqaleb' ru winq, eb' laj Judá ut eb' laj Jerusalén; ut li tenamit Jerusalén maajoq'e tox'oso'q.

Li Santil hu

²⁵ Cui te̱ba̱nu li cꞌaꞌru ninye, eb li rey li ralal xcꞌajol laj David, ut eb li cuanqueb xcuanquil teꞌnumekꞌ saꞌ eb li oqueba̱l re Jerusalén saꞌ eb lix carruaje ut chirix cacua̱y rochbeneb laj Judá ut rochbeneb laj Jerusalén. Ut junelic cua̱nk cristian saꞌ li tenamit Jerusalén.

Jeremías 17:25 ပူးပေါင်းရင်းမြစ်များ

Jeremías 22:4

Wi nekeb'aanu li yookin chi xyeeb'al eere, junelik wanqeb' li awab'ej sa' li xk'ojarib'aal laj David, ut te'ok chaq sa' b'eleb'aal ch'iich' ut chirixeb' kawaay sa' li rokeb'aal li ochoch a'in, rochb'eeneb' laj k'anjel chiruheb' ut eb' li poyanam.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

Jeremías 33:21

naru raj ajwi' xsachb'al linsumwank kink'ojob' rik'in laj David aj k'anjel chiwu, re raj naq maajunaq chik ralal xk'ajol taak'ojlaaq chi awab'ejink sa' li xk'ojarib'aal, ut jo'kan aj raj wi' rik'ineb' laj tij, xkomoneb' laj Leví, li neke'k'anjelak chiwu.

Jeremías 33:17

“Laa'in, li Qaawa', ninye naq junelik taawanq junaq ralal laj David li taak'ojlaaq chi awab'ejink sa' xb'eeneb' laj Israel.

Jeremías 33:15

“Chiruheb' li kutan a'an, tinxaqab' jun li ralal laj David, q'axal tiikaq xch'ool, li tixk'anjela ru li tiikilal ut li k'ulub'ej sa' li na'ajej a'in.

2 Samuel 7:16

Laajunkab'al ut laa'awab'ejihom wanqeb' junelik rub'el linkupuhom, ut laak'ojarib'aal k'ojk'ooq sa' xna'aj chi junelik»”.

Jeremías 22:30

A'an a'in li raatin li Qaawa': “Tz'iib'ahomaq xk'ab'a' li winq a'in jo' li maajun ralal xk'ajol, jo' junaq winq li maajun sut x'elk chi us chiru li xyu'am. Xb'aan naq maajun reheb' li ralal xk'ajol toxk'ojlaaq sa' li xk'ojarib'aal laj David re x'awab'ejinkil wi' chik eb' laj Judá”.

Jeremías 13:13

Toja' naq taaye reheb': «Jo'ka'in xye li Qaawa': Ok we chi xb'ut'b'aleb' chi b'iin chixjunileb' li wankeb' sa' li tenamit a'in; eb' li awab'ej li neke'k'ojlaak sa' xk'ojarib'aal laj David, eb' laj tij, eb' li propeet ut chixjunileb' laj Jerusalén.

2 Samuel 8:4

Laj David kixchapeb' o'k'aal ro' o'q'ob' (1,700) chi winq li wankeb' chirix kawaay ut junmay mileb' (20,000) li yal chi roqeb' neke'xik. Kixtoq roqeb' chixjunileb' li kawaay neke'kelonk re li b'eleb'aal ch'iich'. Ka'ajwi' li jo'k'ihaleb' te'k'anjelaq re xkelonkil o'k'aal (100) chi b'eleb'aal ch'iich' ink'a' kixtoq roqeb'.

1 Samuel 8:11

Kixye reheb': “Jo'ka'in tixb'aanu li awab'ej li taataqlanq sa' eeb'een. Tixb'oqeb' leeralal ut wankeb' li tixxaqab' chi rilb'aleb' li xb'eleb'aal ch'iich' ut li xkawaay, ut wankeb' chik tento te'aanilaq chiru li xb'eleb'aal ch'iich'.

Deuteronomio 17:16

Ab'anan li awab'ej a'an ink'a' tixloq' naab'aleb' li xkawaay, chi moko tixtaqlaheb' li rech tenamitul aran Ejiipt re xk'ihob'resinkileb' li xkawaay, xb'aan naq li Qaawa' ak xyehom eere: «Maajun wa chik texsutq'iiq sa' li b'e a'in», chan.

Éxodo 12:14

Li kutan a'an a'anaq xnimal ru kutan cho'q eere, ut laa'ex teenima junelik rik'in jun ninq'e sa' xk'ab'a' li Qaawa'. Teexaqab' chi junajwa cho'q xnimal ru ninq'e.

Jeremías 22:2

chiru li awab'ej re Judá, li k'ojk'o sa' xk'ojarib'aal laj David, chiruheb' laj k'anjel chiru ut chiru chixjunileb' li tenamit; taaye reheb': «Ab'ihomaq li raatin li Qaawa'.

Jeremías 25:5

«Kanab'omaq xb'aanunkil li maa'usilal ut li ink'a' us -chankeb'-. Chi jo'kan sa texwanq sa' li na'ajej xk'ehom eere chi junajwa li Qaawa' ut cho'q reheb' leexe'toonil yuwa'.

Jeremías 7:3

Jo'ka'in xye li Nimajwal Yos, li xYos laj Israel: «Chaab'ilob'resiiq leeyu'am ut leeb'aanuhom, ut laa'in texinkanab' chi wank sa' li na'ajej a'in.

Jeremías 7:7

relik chi yaal naq texink'e chi wank sa' li na'ajej a'in, sa' li ch'och' ink'ehom chi junajwa reheb' leena' leeyuwa'.