Jeremías 17:23 - Q'eqchi Bible

²³ A'ut eb' a'an ink'a' kine'xpaab' chi moko ke'raj wab'inkil, ke'xjipi b'an chik rib' re naq ink'a' kine'xpaab' chi moko ke'raj q'use'k.

Li Santil hu

²³ Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb ut incꞌaꞌ queꞌxcꞌul lix kꞌusbaleb li quinqꞌue.

Jeremías 17:23 ပူးပေါင်းရင်းမြစ်များ

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Sofonías 3:7

Sa' inch'ool laa'in naq tinxxiwa Jerusalén ut tixk'ulub'an naq tintij; xink'oxla naq ink'a' tixtz'eq chirix li xch'ool chixjunil li xrahob'tesinkil inb'aan. Ab'an xe'xseeb'a chik rib' chi xb'aanunkil li k'iila maa'usilal.

Ezequiel 20:21

«A'ut eb' li ralal xk'ajoleb' ke'xq'etq'eti rib' chiwu ut ink'a' ke'xpaab' linchaq'rab'; ke'xq'et ut ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil li hilob'aal kutan. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li chaqich'och' xb'aan xmay linch'ool.

Jeremías 32:33

Us ta maajun sut xinkanab' xtijb'aleb' ut xq'usb'aleb', ink'a' xe'xk'ul ru li xtzolb'aleb'; ut a' chik lintz'eqtaanankil xe'xb'aanu ruuchil lintaaqenkil,

Isaías 48:4

Laa'in ninnaw naq kaw laajolom, kama'at li ch'iich', ut ink'a' naq'unaak laach'ool jo' li pek.

Ezequiel 20:16

Xb'aan naq toj naxik li xch'ooleb' chirixeb' li jalanil yos; jo'kan naq ke'xtz'eqtaana linchaq'rab', ink'a' ke'xpaab' li waatin ut ke'xsach xwankil linhilob'aal kutan.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 7:28

Ye reheb' chi jo'ka'in: «A'an a'in li tenamit li ink'a' xraj xpaab'ankil raatin li Qaawa' li xYos, chi moko xraj q'use'k. Maak'a' chik li tiikilal ut li yaal rik'ineb'; x'oso'k chi junwaakaj»”.

Jeremías 6:8

Chik'ajq aawu, a Jerusalén; mare anchal tatinkanab' aajunes, jo'kaqat li chaqich'och'; chi maajun chik aapoyanamil tatkanaaq”.

Proverbios 8:10

Meesik' li plaat ut li oor, sik'omaq b'an eena'leb' ut leetijb'al.

Proverbios 5:12

Ut taaye: “K'a'ut naq ink'a' xinpaab' linq'usb'al? K'a'ut naq xintz'eqtaana lintzolb'al?

Proverbios 1:5

Li wank xna'leb' ut seeb' xk'a'uxl naxk'e xch'ool chi rab'inkil, ut chi jo'kan naxtaw xtz'aqob' li xna'leb' ut li xk'a'uxl,

Proverbios 1:3

re xnawb'al li chaab'il b'e, a' li tiikil ch'oolej, li chaab'ilal, b'ar wank li us ut li ink'a' us,

Salmos 50:17

laa'at li xik' nakawil laatijb'al inb'aan, laa'at li nakatz'eqtaana chixjunil li waatin?

Jueces 6:10

Ut kinye eere: Laa'inin li Qaawa' leeYos. Meexiwak chiruheb' li xyoseb' laj Amor, b'arwi' wankex anaqwan. A'ut laa'ex ink'a' xepaab' li waatin»”.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.