Jeremías 17:21 - Q'eqchi Bible

²¹ Oxloq'ihomaq li xwuq li kutan re xkolb'al leeyu'am: mex'iiqank chik ut meeroksi leeriiq sa' li tenamit Jerusalén.

Li Santil hu

²¹ Aꞌan aꞌin li naxye li Ka̱cuaꞌ: Cui nequera le̱ yuꞌam, mex-i̱kan saꞌ li hiloba̱l cutan chi moco te̱rocsi li cꞌaꞌak re ru saꞌ eb li oqueba̱l re li tenamit Jerusalén.

Jeremías 17:21 ပူးပေါင်းရင်းမြစ်များ

Deuteronomio 11:16

“Ab'anan chek'e reetal, meek'e eerib' chi b'alaq'iik ut meetz'eqtaana li Qaawa'. Mare anchal teeloq'oni eb' li jalanil yos ut teehupub' eerib' chiruheb'.

Deuteronomio 4:23

Chek'e b'i' reetal, misachk sa' leech'ool li Sumwank li kixk'ojob' eerik'in li Qaawa' leeYos ut meeyiib' junaq reetalil chixjunil li k'aru xram cheru li Qaawa' leeYos,

Deuteronomio 4:15

“K'oxlahomaq chi us li teeb'aanu: maak'a' keril ru naq kexraatina li Qaawa' sa' li tzuul Horeb sa' xyi li xam.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

San Lucas 8:18

“Chek'e b'i' reetal chanru nekex'ab'ink, xb'aan naq ani wank k'aru re, ruk' chik taak'eemanq re; ut ani maak'a' wank re, a' ajwi' li k'aru wank re naq naxk'oxla, taamaq'manq chiru”.

San Marcos 4:24

Kixye ajwi' reheb': “K'ehomaq reetal li yookex chi rab'inkil. Rik'in li b'isleb' nekexb'isok wi', texb'ise'q ajwi' laa'ex, ut taak'eemanq chik xtz'aqob'.

Proverbios 4:23

Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

Josué 23:11

Yalomaq b'i' eeq'e chi xraab'al li Qaawa' leeYos.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Isaías 56:2

Us xaq re li poyanam li naxb'aanu chi jo'kan ut junelik naxk'e xch'ool chi xk'anjelankil ru a'an: a' li na'oxloq'ink li sábado ut ink'a' naxsach xwankil, li naxra rib' chiru li xb'aanunkil li maa'usilal”.

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.

Éxodo 20:8

“Jultikaq aawe li sábado re naq taasantob'resi.