Jeremías 17:20 - Q'eqchi Bible

²⁰ Ye reheb' chi jo'ka'in: «Ex awab'ej re Judá ut chejunilex li wankex sa' xteepal Judá, chejunilex li wankex Jerusalén li nekex'ok ut nekex'elk sa'eb' li okeb'aal a'in, ab'ihomaq li raatin li Qaawa'.

Li Santil hu

²⁰ Ta̱ye reheb chi joꞌcaꞌin, “Cherabihak li cꞌaꞌru oc re chixyebal li Ka̱cuaꞌ, che̱junilex la̱ex aj Judá ut eb le̱ rey, joꞌ ajcuiꞌ la̱ex li cuanquex Jerusalén, li nequexnumeꞌ saꞌ eb li oqueba̱l aꞌin.

Jeremías 17:20 ပူးပေါင်းရင်းမြစ်များ

Jeremías 19:3

Taaye reheb': «Ab'ihomaq li raatin li Qaawa', ex awab'ej re Judá jo'wi' laa'ex li wankex Jerusalén. Li Nimajwal Yos, li xYos laj Israel, xye chi jo'ka'in: Nimla rahilal li tintaqla sa' xb'een li na'ajej a'in, toj reetal taaraho'q sa' xxikeb' li te'ab'inq re.

Ezequiel 2:7

Taaye reheb' li waatin, a' yaal chik reheb' ma te'xpaab' malaj ink'a', xb'aan naq numtajenaq q'etq'eteb'.

Jeremías 22:2

chiru li awab'ej re Judá, li k'ojk'o sa' xk'ojarib'aal laj David, chiruheb' laj k'anjel chiru ut chiru chixjunileb' li tenamit; taaye reheb': «Ab'ihomaq li raatin li Qaawa'.

Apocalipsis 2:29

Ani wank xxik, chirab'ihaq li naxye li Musiq'ej reheb' li Iklees».

Miqueas 3:1

Ut laa'in xinye: “Ab'ihomaq anaqwan, laa'ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Ma ink'a' tab'i' sa' eeb'een wank xnawb'al k'aru li tiikilal?

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Ezequiel 3:17

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq tinye aawe jun t'orolaq li waatin, laa'at taanumsi reheb' sa' link'ab'a'.

Jeremías 13:18

“Ye re li awab'ej ut re li xna': «Kub'sihomaq leewankil ut chunlanqex sa' ch'och', xb'aan naq maak'a' chik leekoroon li na'uutz'u'ujink re leejolom».

Jeremías 17:19

Li Qaawa' kinraatina chi jo'ka'in: “Ayu ut xaqab' aawib' sa' Rokeb'aal laj Benjamín b'arwi' neke'ok ut neke'elk li awab'ej re Judá; ut jo'kan ajwi' taab'aanu sa' chixjunileb' li okeb'aal wankeb' Jerusalén.

Jeremías 19:4

Xb'aan naq xine'xtz'eqtaana eb' laj Israel ut xe'xsach xwankil li na'ajej a'in, naq xe'mayejak k'ajpom chiruheb' li jalanil yos, li ink'a' xnawom ruheb' a'an chi moko eb' li xmama' rixa'aneb', chi moko eb' li awab'ej re Judá. Ut naab'aleb' li maak'a'eb' xmaak xe'xkamsi arin.

Jeremías 21:11

«Eb' li ralal xk'ajol li awab'ej re Judá aatinaheb' sa' ink'ab'a' chi jo'ka'in: Ab'ihomaq li raatin li Qaawa'.